مرنم إيريني أبو جابر (56 ترنيمة )

1- عنده أمل فيَّ وبيتأّنى ويطول باله عليَّ
محبته ليَّ هي اللي جابتني ليه
عنده أمل فيَّ وف قلبي قساوة وف قلبه حنية
مافيش مثاله في عطفة والحب اللي فيه

القرار- (اللي بتعمله ده كتير يا يسوع يا حبيبي مالكش نظير
بتقابل شرِّي بالخير
اللي بتعمله ده كتير قلبك دايماً طيب وكبير
وبترحم ضعفي يا قدير)2

2- الحب ده كله ها ألاقيه فين غير عندك
قلبي انت حياته إنت اللي باقول له أنا عمري كله ليك
أنا قلبي فاضل له حبة وهاينطق اسمه مع دقاته
و مش هافرَّط فيك ما صدقت ألاقيك

1- (أوتار العود بتغني تسبح وترنم ليك
وبرنملك من قلبي ترنيمة جديدة ليك )2

القرار
(أصلك تستاهل التسبيح يا
عظيم في مجدك يا مسيح)2

يا عظيم في مجدك يا مسيح

2- (كل ما فيَّ يباركك وبيعليك يا مليك
ومفيش حد يشاركك وكل المجد ليك)2

3- (الكون والسما تشهد لك عظيم ومفيش
زيك وكل شفاه بتهتفلك تعلن سلطان حقك)2

1- (يا سندي وعزي وفخري يا إلهي يا قوة قلبي
يا حبيبي ونصيبي وحدك يا أبويا الحنون مين زيك؟)2

القرار- (فيك الكفاية فيك الحماية)2
(يا ضمان العمر وبداية ونهاية)2

2- (يا سند القلب وأمانه معاك راح ينسى آلامه
ما انت فرحُه وأنت سلامه انت النور لكل ظلامه)2
3- (يا سندي حمايتي وسِتري مُنايا رضاك وده غايتي
يا صديقي يا نور لطريقي يا يسوعي يا معيني في ضيقي)2

1- (عارفك مش قادر ترتاح شايف قلبك كله جراح)2
عمرك في طريق مظلم راح تعال يسوع عنده الأفراح
تعال يسوع عنده الأفراح
القرار - (تعال إليه وسلم ليه وحط حياتك بين إيديه
هايغفر ليك خطايا ماضيك ويضمن كل الحاضر فيه)2
2- (وهاتفضل عايش تعبان طول ما عينيك على الإنسان)2
ليه فكرك شارد حيران ده يسوع يملا الفكر ضمان
ده يسوع يملا الفكر ضمان
3- (إرجع وارمي عالم فاني مش هاتفكر ترجع تاني)2
ليه قلبك م الهم يعاني عمرك ضايع وانت الجاني
عمرك ضايع وانت الجاني
4- (جرحك مين يقدر يداويه ذنبك مين يقدر يداريه)2
ليه خايف تتقدم ليه حملك إرميه كله عليه
حملك إرميه كله عليه

1- (وسط الآلام أراك إلهي ... وسط الأحزان تُعزِّي حياتي
وسط الظلام تُنير طريقي ... وسط الأشواك تُمسك بيميني)2

القرار- فآتي إليك وثقتي لديك ... أطرح خوفي وضيقي في يديك
(فأنت يسوعي ماسكاً يديَّ)2

2- (وسط الدروب أنت صديقي ... معي في الغربة أنت رفيقي
وفي الممات أنت رحيمي ... وفي السماء أنت حبيبي)2

1- (في وسط هموم الحياة.. حبك ليَّ يصون
عايش بانعم بالنجاة.. والإيد الحنون)2
القرار- تجرح أيوه لكن تعصب.. تسـحق ويداك تشفيان
تفرح لما المؤمن يغلب.. وتعزيه عند الأحزان
2- (في وسط الجوع الشديد.. تفدي من الموت
وأما الحرب عليَّ تزيد.. سـيف الروح بيذود)2
) -3 في وسط البرية دايمًا.. نفسي تعطش ليك
قلبي يفضل بيك هيمان.. تمسكني إيديك)2
4- (في وسط شرور الأنام.. بافتكر اللي هانوك
يمكن قالوا عليَّ كلام.. لكن إنت صلبوك)2

شايل صليبي وراك أنا وماشي
عالم رخيص دنيا ماتسواشِ
وأنت اللي غالي يا يسوع وحدك
وأي حاجة عليك ماتغلاشِ
أنا مركبي ضد الغرق علشان يسوع فيها
أمواج عواصف كل ده بيعمل حساب ليها
يا يسوع على بر النجاة امتى توديها؟ امتى
هافضل معاك ولا أي شيء أبدًا هايمنعني
مانا لو خسرت حياتي إيه في الكون هاينفعني
أنا تبعتك وقت لما قلت ليَّ اتبعني أنت
ومهما أقابل من مخاطر أو مشاكل أو أذى
أنا برضه قابل كل ده علشان حياة التلمذة
وقت المخاوف مش باخاف وقت الهموم أنا قلبي شاف
سيدي المسيح جايب فرح جايب سلام باعت عزاء
لاقيت حبيبي أزاي يا ناسِ من إيدي تاني أضيعه
صوته الجميل ليَّ دليل دايمًا باطيعه وأسمعه

(راح أشهد عنك يا إلهي ولساني هاينطق
بأغاني مكتوبة في قلبي ومحفورة
عن مجدك عملك في حياتي)2

راح أشهد وأقول يا يسوع
عن حبك صلبك وألآمك يوم
ما أديتني حياة أبدية
(وماضيَّ أتحرر قدامك)2

(راح أقول للناس عن إيدك يوم ما امتدت
وشفيتني حملت أمراضي
وأوجاعي بسلام وحنان جت رفعتني )2

راح أقولك شكراً من قلبي أنا مين
علشان تذكرني وزماني زمان الحب معاك
(عدى عليَّ وخلصني)2

1- (يا صاحب المجد العالي الخلوة معاك تحلالي
جاي أسمع منك كلمة وأطرح عندك أحمالي)2

القرار – (يا من تحبه نفسي ومعك لا أريد شيئاً فأنت هوايتي ومطلبي الوحيد)2

2- (يا مصدر تعزياتي انجيل لك نور لحياتي
وروحك اللي ماليني بيترجِم لك أنّاتي)2
3- (يا إلهي المعتني بيَّ يا بلسان البشرية
حفنة راحة من يدك أغلى من أي هدية)2

(زرعت بقلبي نبته حب أخاف عليها ربي الجفاف
في وسط هذي الصحاري الرهيبة في وسط هذا القفر المخيف)2
فارويها ربي بحبك حتى)2 تحيا وتحمل زهر الحياة)
فتصبح هذي البيد جناناً ويصبح هذا القفر السماء)2)
ثبت خطايَّ في دربك فتنعم نفسي بقربك)2)
ويمرح قلبيفي حبك يا رب ما أسعدني بك فمكث معي
أنت رفيق لي في اغترابي أنت عزاء لي في الكروب)
أنت ضيائي أنت طريقي أنت حياتي وأنت الحبيب)2
(فأجعل دوماً إليك إيابي إن طال يوما عنك الغياب
واصفح عني واقبل دموعي وارحم ضعفي وطيش الشباب)2
واجعل قلبي كقلبك يحب ويصفح باسمك)2)
وقويه دوماً في حبك يارب ما أسعدني بك فامكث معي