مرنم نوا بولس (38 ترنيمة )

لو أحزانك بكّت عينك والعالم بشروره يهينك
وبيظلم ويزيد في أنينك ماتخافشي .. الله موجود
أبداً مش هاتكون وحداني وقت صراع العالم ليك
واللي وهبك فدا مجاني قادر يحرس نفسك فيك
واتمتع بالوعود ماتخافشي ده .. يسوع موجود

1- نَفسي ربي بين إيديك قلبي ملكك يا يسوع
عايز أحبك وأشهد ليك وأعلن اسمك في الربوع

القرار - عايز أكون في انتظار يوم ما تجيني يا حبيب
أسهر وأحيا بانتصار ولا لحظة عن فكري تغيب

2- كل ما في الدنيا سراب لحظة بسرعة وينتهي
لو أفراح أو أتعاب عايز أنا بيك أكتفي
3- أنا للعالم مش راح اعيش عمري ما هارجع للظلام
حياتي كانت ماتساويش وانت جيت اديت سلام

1-يا مليك البر عفوا ذا صليبي ذا صليبي غرسة سوداء قامت تتعالى من عيوبي
زرعتها فعلة حمقاء في حقل كئيب وسقتها أمسيات حالكات من ذنوبي
فلماذا اخترت عاري لعنة الموت الرهيب ذاك لغز لست أدري فيه حلاً يا حبيبي

2-يا مليك الحق عفواً ذا مصيري ذا مصيري قد زرعتُ العار في بستان قلبي من شروري
وسقيت الشوك من نبع اندفاعي وغروري وحصدت الهول ويحي من حصادي وثماري
فلماذا اخترتَ عاري حاملاً عبء الصليب ذاك لغز لستُ أدري فيه حلاً يا حبيبي

3-أنت ما أغواك سحر الإثم في بستان عدن لا ولا امتدت أيادي من ثمار الشر تجني
أنت لم تعبر بحاراً بالمعاصي.. حطمتني لا ولم تجرع كؤوساً من كروم أسكرتني
فلماذا أخترتَ عاري ميتة الصلب الكئيب ذاك لغز لستُ أدري فيه حلاً يا حبيبي

4-أي حبٌّ قد تناهى يا مسيحي قد تناهى من مليك ذاق موتاً من نفوس قد فداها
قصة للقلب تسبي نغمة يحلو صداها شارك الأكوان فيها جند مجد في علاها
غير أنّي كلما وجّهتُ عيني للصليب حرتُ في لغز وتاه العقل مني يا حبيبي

1- أنا معاك كتير قالوهالي ناس غيرك ولا غيرك وفي بيها وتجري دموعي من غيرك لكن يبقى السبب فيها ومانستنيش وأنا بانساك وبالقى الفرحة وقت لقاك سنين بتفوت في بعدك أموت لكن بالقى الحياة وياك

القرار- وكفاية إنك معايا حاسس فرحي وبكايا ومدفي القلب بيك من أول الحكاية وكفاية إنك معايا ومكمل للنهاية دي كفاية قلبي فيك ياللي معاك الكفاية

2- أنا معاك ومش هاسيبك تاني ياللي ماسبتنيش علشان معاك باغرق في حب ماينتهيش وإنت معايا عارفك ربي مابتنسانيش ومعاك وبس باحس إني فعلاً باعيش

القرار - أنا جايلك أنا راجع ليك باعترف إني احتاجت إليك
عمر حياة البعد ما تشبع قلب اشتاق يشبع بيك

1- انت وعدت وقلت تعالَ ارمي بحملك راح ترتاح
آدي الحمل و آدي الحالة وأنا قدامك كلي جراح
2- محتاجلك محتاج تداويني محتاجلك محتاج لإيديك
تغسل قلبي وتلمس عيني ترسم فيَّ حياة ترضيك
3- أنا محتاجلك تخلق فيَّ قلب جديد بالنعمة يكون
راحة لقلبك دايماً فيَّ قلب يرنم مهما يكون

1- مش راح أندم إني خلقتك صورة مني أنا القدوس
ولا راح أندم إني وهبتك حرية و جنة وفردوس
اندم انت ياللي بِشرَّك بترفض حبي وفوقه تدوس
2- مش راح أندم إني بقدسي سيبت مكاني الغير محدود
ولا راح أندم إني بنفسي جيت لك وفي مزود مولود
اندم انت ياللي في قلبك لسه الشر مازال موجود
3- مش راح أندم إني فديتك بدمايا وشربت الكاس
ولا راح أندم إني عشانك صلبوني وسابوا باراباس
اندم انت ياللي بتخطي قدامي وبتخاف من الناس

القرار - فيه واحد بيحبك بيخبط على قلبك خليه يملك عمرك وافتح قلبك ليه
كلّمه تلقاه سامعك حاسس بيك و بضعفك هو الخالق ربك شايلك جوه عينيه

1- يفرح لو تناديله لو تقرأ في إنجيله من قلبك صليله وارمي الحمل عليه
لو حسيت بالوحدة واتألمت بشدة ربك صوته بينده روح اتعرَّف بيه

2- ربنا وعده أكيد لو يبقى لك سيد يديك عمر جديد و الشر هايمحيه
ليه تايه متغرب؟ ليه من حبه بتهرب؟ ليه من الدنيا بتشرب؟ شبعك موجود فيه

3- تحتار ليه وتستغرب؟ حاول بس وجرَّب روح للفادي وقرَّب جرحك راح يشفيه
روح اوصف له ظروفك عجزك وسنين خوفك جوه الضلمة يشوفك ويشيلك بإيديه

القرار - جاي بروح الطاعة أتقدم وفي طاعتي شيء للبرهان
إني اليوم جاي لك وباسلم أنا مش هارجع زي زمان

1- ياما سنين عدت مني باهرب وماليش أي مكان
فاكر إني في يوم هاوصل وأنا تايه بين الأحزان
2- ياما حاولت أستر نفسي وأتغطى من ورق التين
لكن لما الريح هبت ما عرفتش أتخبى في مين
3- واليوم أنا فكرت أرجع لإلهي صاحب السلطان
اللي كاشفني وعارف أني أنا مش أكتر من إنسان

القرار - طوبى للقلب اللي قام لما سمعك قلت قوم
طوبى لينا أحنا الأنام لو سمعنا نداك في يوم

1-تهنا عنك في الضلام عشنا نلهج في الآثام ..... صرنا بنموت كل يوم
إحنا ضلينا في دروبنا يا يسوع انده قلوبنا ..... مهما قلب العاصي نام

2-لفينا الموت الآلام ضاع مع الحزن السلام .... و اندفنا في الهموم
إحنا قسيتنا كروبنا يا يسوع انده قلوبنا ..... مهما قلب العاصي نام

3-حتى لو صرنا ركام إنت تنده ع العظام .... تسمعك من الموت تقوم
إحنا هدتنا ذنوبنا يا يسوع انده قلوبنا ..... مهما قلب العاصي نام

1- (ياللي تعبت من الاحزان ارجع ليسوع الحنان
تعال إليه بكل إيمان تلقى عنده كل أمان)2

القرار- ده يسوع واقف مستنيك على باب قلبك واقف ليك
افتح قلبك يسكن فيك تفرح بيه ويفرح بيك

2- حتى إن كان الذنب كبير حتى إن كان قلبك شرير
أو إن كان الجُرم خطير تعالَ يسوع عنده التبرير
3- متأجلش لبكرة يا غالي بكرة في إيدك مش مضمون
تعال اليوم لرب الكون وهو يسدد كل ديون