مرنم هايدي منتصر (33 ترنيمة )

1- كل ما أحس إن أنا وحداني
وألقى همومي بعيد وخداني
كل ما ضعفي يقرب مني
وألقى أيديك م الخوف شداني
بألجأ إليك وأتحامى فيك
وبحُب أب تمد أيد وتاخدني ليك
ألقى الأمان وأنسى اللي كان
وأنهض وأقوم ناسي الهموم
أيدي في أيديك
القرار
(يا أوفى قلب يحبني ويخاف عليَّ
أيديك يا رب أحن أيد تمسك أيديَّ
في وسط عتمة الحياة أنت اللي ليَّ)2

2- لو مرة تُهت وسِبت مكاني
وفشلت إني أرجع لك تاني
صوتك يردني ويفكرني
إن أنت حضنك كان عنواني
أنهض وأفوق وأرجع بشوق
وبعد خزيي وعاري ترفع راسي فوق
أفضل معاك ستري في حماك
وبعد ظلمة قلبي يدخل لي الشروق

3- لما الأنين يبتدي يملاني
وهموم وخوف مالي كياني
أيديك بتنزع كسرتي مني
وتداوي كل جروح في ثواني
ما أنت الطبيب وأنت الحبيب لو
كله سابني وكله باع ألقاك قريب
قلبك كبير خيرك كتير وآسرني
بيك يا إلهي بالحب العجيب

1- (وانت معايا بارمي كل الدنيا ورايا
وافضل ابص عليك جوايا
و اشتاق إني ألقاك في حكاية)2
(واشوف حبك مالي الكون
مالي حياتي ماله نهاية وانت معايا)2
2- (وانت معايا ألقى سلامك ليَّ في آية
ألقى كلامك جاري جوايا
زي الشهد ده ليَّ هنايا)2
(و سباني حبك ولقيت
نفسي جاية لك برضايا وانت معايا)2
3- (وانت معايا صورتك هي شمس ضيايا
صورتك ليَّ هي سمايا
وصليب حبك ليَّ حماية)2
(هو رجايا وعزايا منه رضايا
إني أكون ابنك ده كفاية)2
4-(وانت معايا نسيت وياك كل آسايا
شُفت الحب اللي ماله نهاية
وكان لي نوري وخطايا)2
باعيش حبك وسط العالم
كل صباح ألاقيك ويايا وانت معايا

1- (عارفني وعارف إني ابنك الغالي عليك
وقت أنيني تسمعني من غير حتى ما أهمس ليك)2

(وبتجيني تلاقيني لوحدي أنا مرمي وسط الشوك
تمد إيديك وتشفيني وتقول لي كتافي هايحملوك)2

(عارفني وعارف إني رغم جحودي أنا غالي عليك
عارفني وعارف إني مهما بعدت أنا هارجع ليك)2

2- (عارفني وعارف إني قلبك انت كبير وطيب
وقت آلامي ودموعي يا يسوعي مين غيرك يطيِّب؟)2

(وبتجيني تلاقيني مجروح ومرمي في الطريق
تمد إيديك وتشفيني بالحب يا أغلى رفيق)2

(عارفني وعارف إني لما في يوم أملي يضيع
مالقاش غيرك يا ضامنّي انت يا أوفى صديق)2

1-) رفضت كلامك وقُلت أمامك
أمورك في عيني بقت ماتساويش
وحلمي بطريقي هايبقى حقيقي
وأفراح هاتبدأ ومابتنتهيش)2

وساعتها هاكبر وهاكبر وأكبر
وهاقدر أحقق طموحي وأعيش

القرار
(أتاريني بابني بيوت من رمال
وحلم لحياتي مجرد خيال
دي روعة حياتي إني أعيش لشخصك
ومن غير وجودك سلامي محال)2

2- (ومهما هافكر وأتعب وأدور
مش هالقى يا ربي مثيلك حبيب
صليبك طريقي حضورك رفيقي
وكل حياتي هاتفضل قريب)2

وتفضل يا غالي غلاوتك قُبالي
وساعتها هاقبل أعيش لك غريب

3-(محتاج لك ياربي تنور لي
دربي من نار الخطية قلبي إكتوى
مش هاقدر أسيبك حياتي في أيديك
وباصرخ ساعدني ونمشي سوا)2
ماهو أنت نصيبي وشخصك
طبيبي وصوتك بيشفي وحبك دوا

القرار –(أنا عايش في حماية ربي دايمًا مليان عمري سلام
هو مطمن روحي وقلبي ومعاه بتهون أي آلام)2

أيوه أنا شاكر فضله وخيره أنا ما أقدرش أعيش من غيره
ده اللي يحبه بكل ضميره (راح يفرح طول الأيام)2

1- (أنا أبدًا ما باخاف من بكرة ربي مدبر كل حياتي
مهما هايحصل مهما هايجري هو بيسمع كل صلاتي)2

(أيوه أنا عمري في أيده مسلم هو حبيبي ومنه أتعلم
مهما هايعمل مش هاتكلم واثق إن الخير في ضيقاتي)2

2-) أنا في الوحدة حزين وباعاني لكن ربي بيونسني
مهما هاقاسي في مُر زماني بالفرحة يسوع بيحسسني)2

(أيوه ده هو اللي معزيني وكلامه منورلي سنيني
هو وعدني أكيد هايجيني في سماه هاياخدني يوديني)2

القرار – مايكفّنيش العمر إني أعرفك
مايكفّنيش أو حتى أفهم أد ايه غالي عليك
ده عشان أحس بشيء بسيط في محبتك
محتاج يا ربي لألف عمر أعيشه ليك

1- (عمر أتعلم كلامك عمر أعيش أفهم سلامك
وألف عمر أتأمل إزاي إني ليك
عمر أفكر ليه قابلني وعمر تاني عشان حاببني
وألف عمر أكتب كلام عن حبي فيك)2

2-) زي أم بتواسيني وزي أب حنون تجيني
وزي فُلك نجاة حاميني من السيول
زي راعي أمين عليَّ في كل وقت تحس بيَّ
كل دقة في قلبي راح تفضل تقول)2

1- غيَّرت فيَّ شفيت عينيَّ خليتني أشوفك وأشوف كفوفك
مسمار ثاقبها علشان أعيش
طب ايه يكفي لو قُلت أوفّي ده أنا عمري أصله على بعضه كله
من غيرك انت شيء ما يساويش

القرار - أنا كنت واحد خاطئ مات دلوقتي فيه غيره اتولد
شخصي العتيق مابقاش يليق على قلب راح عندك سجد
وأنا من النهاردة مش ممكن أرضى أرجع يا ربي
ومن اللي عدى في قلبي ليك حب اتولد

2- طيّبت جَرحي كتَّرت فرحي مرّيت عليَّ شدّيت أيديَّ
قوِّمت فيَّ كل اللي فات
قدمت حبك فتحت قلبك وطلبت مني أقبل تشيلني
وإنك تعينني وأنسى اللي فات

3- قرَّبت مني حسّيت كإني أنا لا اتولدت قبلك وعِشت
أنا بس كنت في غيوم وليل
ده انت اللي جيتني يا يسوع حييتني أنا لو بافكر أكيد هأقدَّر
وعمري ما أقدر أنسى الجميل

1- (هو فيه في الدنيا ايه يستاهل إني أخاف عليه
غير إني أفرح قلب سيدي وأشوف رضاه عني في عينيه)2
(و أعيش عشانه وأديه مكانه)2
وتزيد غلاوته واشتاق إليه

القرار – (يارب خليني أعيشلك
أعيشلك انت يا إلهي وحدك)2
في كل يوم لأ ساعة وكل لحظة أمجدك

2- (أد إيه من عمري فات قليل فرحت وكتير آهات
عشان حاولت أعيش لنفسي وف آثامي كنت أبات)2
(لكن طموحي زوّد جروحي)2
ورجعت أقول بعد السُكات

القرار – (عالم صعب بس معاك الصعب يهون
أنا من غيرك مابقاش حاجة .. و ايه راح أكون؟)2

1- (ماسك يدي وبتقول عدّي مهما يكون
دايماً جنبك وبإيدي ماسكك بارعى وأصون)2
عالم صعب
2- (واقف جنبي مطمِّن قلبي وسط أتون
ياما نديتك ربي لقيتك راعي حنون)2
عالم صعب
3- (عالم صعب ومليان حرب شرور وجنون
بس معاك وأنا وياك بانسى الكون)2
عالم صعب

1-)ارحمني يارب في مشواري اهديني وصفي أفكاري
بصليبك امنحني القوة من بعد الليل يجي نهاري)2
لو مرة زماني هايخدعني
باصرخ لك وبصرخة قوية ارحم يا يسوع
ولا أوفي الدين اللي عليَّ أبدًا يا يسوع
القرار- لو كل العالم حوالي لو ربطوا إيدي ورجلي
ولا أوفي الدين اللي عليَّ أبداً يا يسوع
السيف والحربة وعصياني وده تاج الشوك اللي ملاني
وطريق الأمل اللي كياني يوصفه بدموع
2- (علمني طريقك أحكامك والنور اللي في بر كلامك
والأيد اللي بتسند قلبي تديله أمانك وسلامك)2
وإن مرة الدنيا هاتاخدني
بضمانك بارجع يا فاديَّ بجبين مرفوع
ولا أوفي الدين اللي عليَّ أبداً يا يسوع