فريق الحياة الأفضل (1029 ترنيمة )

رغم اني جاني حُبك نداني
بالنعمة جيت خلصتني و رحمة ملازماني
يا يسوع حياتي شاهدة يوماتي
عن حب يغلب كل موت و يحيي تاني

انت الكفاية
حبك كفاية
عمري اللي جاي هعيشه ليك مش للنفاية
اقبل صلاتي
اُملك حياتي
انت الهي معنى الحياة و انت رجايا

1- (انت اللي على الصليب حملت عاري
وانت اللي دفعت فيّ تمن غالي)2
وانت اللي حبيت بدون مقابل
وحبك خلاني معاك اتقابل

القرار- صليبك يا يسوع أعلن حب عجيب
طهرني من الخطية و قومني من جديد
انت رفعت رأسي
علّيت مقامي لما قبلتني

2- (قادر بالمحبة دي تمحي الخطية
قادر من الممات تدي حياة أبدية)2
شايف قيمتي فيك انت فاديّ
ضامن نصرتي بنعمتك ليّ

القرار- (أنت الضامن عهدك أبدي
أنت أماني عزي وسندي
انا متطمن أنا مش وحدي
أنت سلامي بيك راح أعدي)٢

١- يا يسوع أنت عينيك سهرانة
دنيا تخبط ناس قلقانة
نايم وأنا نفسي متصانة
هادية في حضنك وفرحانة

٢- شايل أحمالي بترفعني
وبسماتك بتشجعني
وبقوة روحك تدفعني
وتقومني لو وقعني

٣- حالاً تيجي لما أندهلك
أنا في عينيك أنا من أهلك
تمني دمك قلبي يقولك
بضمان دمك أنا مش هاهلك

٤- غفرانك ربي فرحني
وحنانك يا يسوع ريحني
قدام هيبتك راسي أحني
على مذبحك أصعد لحني

٥- أعجب ما في الكون هو حبك
أزاي ترضى أبقى بقربك؟!
ومن حبك قلبي يحبك
عايز قلبي يشبه قلبك

١- (يارب ياللي خلقت الكون ليل ونهار وبحور وجبال
وعينيك شايفة أقاصي الأرض وإيديك مابتعرفش محال)٢

القرار- نفوسنا بتباركك بالحمد لجلالك
(قلوبنا تسجدلك تشهد لإحسانك)٢

٢- (تبعت شمسك تبدأ يوم رسالة حب لكل الكون
ما أنت راعينا وصالح لينا نلقى في حضنك كل سكون)٢

٣- (يا رب ياللي أمانتك سور يحمي ولادك من الأخطار
وعودك ثابتة بدون تغيير وإن جزنا في أتون النار)٢

١- إحساناتك للبشر في كل يوم
في الجدوب تبعت مطر وخير يدوم
ياللي في إيديك النعم شبع سرور
بنلاقيك وقت الألم بهجة ونور

القرار- (يا إله الحب يا أبو المراحم يا عظيم
يا سلام القلب وقت التجارب يا كريم)٢
(مالناش غيرك إله وحدك لينا الحياة)٢

٢- حتى في وقت المرض شايفين إيديك
تشفي أوجاع الجسد رجانا فيك
ترفع فينا اللي انطرح وترده ليك
وبدال الحزن فرح تسبيحنا ليك

٣- يا راعينا إنت السند نهار وليل
ومراحمك للأبد جيل بعد جيل
لو طول العمر هانشكرك مش هانوفيك
طول حياتنا هانرفع المجد ليك

عطشان وقلبي ليه سنين عطشان
والشمس قاسية والحرارة لهيب
والأرض متشققة من كتر ما حميت
والشمس لا بترحم ولا بتغيب
يا شمس يا مولعة زي الحريق والنار
الخضرة يبست ومش باقي سوى الصبار
والأرض نشفت ونشفت مية الأنهار
فينك يا أيام الندى الخضرا
يا أم الحنان يا حلوة يا مطرة
فينك يا ضليلة فين إيدك تغطيني
وتميلي كفك وتسقيني
اطلع عليَّ يا سحاب يا أبيض
ابسط جناحك يا سحاب وافرد
وانطر عليَّ ميتك أنهار
تبل ريق العيدان المصلوبين في النار
افرد جناحك يا سحاب بالضل
وغطي وش العيال المطروحين في الظل
واجبر بخاطر الولاد العطشانين في الحر
اشتقنا ليك يا مطر اعطف علينا وطل
وآه يا قلبي يا حديد يا خشب يا صلب
يا شقفتين فخار ومتشكل في صورة قلب
عطشان ومحروم وصابر على الضنى والغلب
عايش سنينك بتحلم بالربيع والحب
(اطلع وشوف المطر يا قلبي يا عطشان
بانت بشاير الربيع فوق الغصون ألوان)٢
يا قلبي يا تايه ورا وهمك
ودع شقاك واقطع حبال همك
وارسم على صفحتك عصفور وورداية
وزع بشايرك على القلوب واملاها من فرحك
ده الشر يكوي القلوب وبناره يحرقها
والرب يرعى الشعوب وبخيره يرزقها
ولا حد يروي النفوس غير اللي خالقها
وهو يشبع كل أشواقها
(يفرد جناحه الكبير ضليلة من فوقها)٤

١- (فخر الكنيسة وجمالها سيدها المسيح
وصليبه وخلاصه الكفاري بيه غالبين
أطفال وشباب وشيوخ ليه بفرحة مسبَّحين
خلانا جسده وكرمته بيه مفديين)٢

القرار- بالهتاف بالهتاف بالهتاف
نعلن اسمه في كل الأرض بدون ما نخاف
ونقدم له الغالي وكل الأهداف
نبني معاه في ملكوته نرد المسبيين
نخلع كل الزيف قدامه لأنه النور
نشبع جوه حضوره ويجبر المكسور
نملك أرض جديدة ويفك المأسور
وبتترد نفوسنا لو في البُعد سنين

٢- (فخر الكنيسة وثباتها وعد المسيح
لو حتى تزول الأرض هايفضل هو أمين
بالوعد نخوض في معارك الروح مالكين سلطان
وندوس حيات وعقارب ما إحنا معاه وارثين)٢

‎١- إنت سلامي في وسط حربي
‎إنت ترسي وملجأي الحصين
‎إنت رجائي في عز ليلي
‎كلامك نور وسراج للطريق

‎القرار- ‎غيرك ماليش يا سيدي
‎في حبك مافيش زيك يا ربي
‎باجري عليك وأترمي في حضنك
‎وبسلام تملى قلبي

‎٢- إنت عزائي في وسط ضيقي
‎تمسح دموعي وتفرح قلبي
‎إنت طبيبي شافي جروحي
‎غافر ذنوبي حامل أوجاعي

‎٣- إنت صديقي طول حياتي
‎إنت راعيَّ أبويا ومرشدي
‎ماشي معايا طول الرحلة
‎إيدك في إيديَّ عمرك ما هاتسيبني