مرنم ماريهام (8 ترنيمة )

القرار- (أرفع عينيَّ أزاي يارب وأبص لك
وأنا عيني منك محرجة
لكنّي جاي عشمان وطالب رحمتك
وليَّ في وعودك رجاء)2

1- (ولوخدتني خطيتي ووقعتني في حبها
أبص للحب اللي جابك عالصليب)2
وألقاك مقرب ناحيتي وجاي تاخدني منها
تخرجني من جوفها المضلم والكئيب
وأفضل أشكر فيك وأقول
أرفع عينيَّ أزاي ياربي وأشكرك
وأنا عيني منك محرجة
لكنّي جاي عشمان وطالب رحمتك
وليَّ في وعودك رجاء
2- (ولما ضعفي شدني لحفرة تانية في الطريق
تكفيني منك نعمتك أقوى وأقوم)2
وألقاك في ضعفي سندتني
وأما أندهك من قلب ضيق
تنقلني إيدك وأعلى بيك فوق الهموم
وأفضل أمجد فيك وأقول
أرفع عينيَّ أزاي ياربي وأمجدك
وأنا عيني منك محرجة
لكنّي جاي عشمان وطالب رحمتك
وليَّ في وعودك رجاء

1-(اطمنت بيك ولقيت حياتي معاك يارب هتبقى أحلى
لما ناديت عليك حسيت بفرق وشُفت بيك الصعبة سهلة)2

القرار- (راحتي معاك راحتي وراحة بالي من كل الهموم
معاك باشوف الفرحة دايماً كل يوم و معاك باعيش مطمنة
حتى وأنا في أصعب ظروف علشان عينيك للخير عشاني قوام تشوف)2

2-(اطمنت بيك ونسيت يارب معاك كمان خوفي وضعفي
وأنا بين إيديك لقيت وعودك ليَّ وسط الضيق حامتني)2

1-نور المسيح يقدر يبدد أي ليل
إيد المسيح بترفع الحمل التقيل
هو الإله ومفيش معاه شيء مستحيل
ولا أمور مستعصية

القرار- بيحبنا ولو الصلاة من قلبنا
يعطف علينا ويستجيب ويجيب سعادة وتعزية
ده ربنا سامع صلاتنا كلنا
زي أما كان سامع زمان لصلوات الأنبياء

2-ده بالصلاة الرب يصنع معجزات
وبالصلاة تتحل كل المشكلات
كل الهموم كل الدموع والتنهيدات
بتبقى ذكرى ماضية
3-سلم وممدود للسما
لرب الوجود بيها سلامنا
اللي اتسرق تاني يعود
أيوة الصلاة بتنجّي من جُب الأسود
ومن الوحوش المؤذية

1- مسبتنيش لما إيديك أحتاجتها
قصاد عينيَّ لاقيتها جنبي وشفتها
وكل جرح فيَّ خف ف وقتها
وقفت جنبي سندتني
وماهمنيش غير إني أحس بس بيك
غير إني أحس بلمسة جاية من أيديك
وما فاتش ثانية غير وكنت باحس بيك
جيت عليَّ حضنتني

القرار- (كان كل ما أصرخ ليه وأقول له
يارب محتاجك ساعدني
ف ثانية ألاقي ألمي كله
مش لاقيه وألاقيه لامسني
وكنت أحسه جنب مني
وساعات كتير بيكون حاضني ببيحبني)2

2- كان قلقي زايد وانت ما رضيتش أني أخاف
وبلمسة منك واحدة حسيت بأختلاف
وكنّا واحد جنبي كان واقف وشايف قد إيه طمنتني
وأنا مش هاكون غير ليك يا ربي مهما كان
أنا عمري ما أدّي تاني شيء أي أهتمام
من غيرك انت إزاي أكون حاسس سلام
من قدك انت حبني

يارب يا عالي يا شايفني يا كاشفني
بعادي كابوس مخوفني
وقلبي الحجري يا يسوع دق
وجاي بصِدق باقول محتاجلك اسعفني
بعيد عنك أنا ف غربة حياة صعبة
بدونك فرحتي كدبة
تعبت وصبري يا يسوع مَلّ
لقاك الحل (معاك تتغير الحسبه)2
كل حاجه باقيه فيَّ بتنايك
فُك قيدي وشد أيدي وهاتني ليك
عوّض سنين ضاعت هدر طمني نسيني الخطر
أنا روحي ضايعه ومش هاترجع إلا بيك
قيود إبليس مَلِت يدي وأنا لوحدي
تملّي دموعي فوق خدي
حاولت كتير أقوم وأتفك
ومن غير شك فشلت لأنه ما بيدي
وجودك جنبي يسندني
توّبني مستني كلمة تنجدني
غرقان وعايزك تبقى لي بر
وأكون لك حر (ده وعد ليَّ تشددني)2
كل حاجة باقية فيَّ بتناديك
فُك قيدي وشِد إيدي وهاتني ليك
ونجي نفسي من الغرق
رجع طموحي اللي أتسرق
يا إله بتخلق من عدم إحييني بيك

1-(فيه ناس كتيرة عايشين في حيرة مالهومشِ سيرة غير انت فين؟
وانت اللي جيتنا موجود في بيتنا لكن ياريتنا مقدرين!)2

القرار- (بنصلي خلّي شعبك تملّي ما يتوهشِ عنك طول الزمان
نقف قصادك في يوم حصادك ونبقى حِنطة ومش زوان)2

2-(انت حاططنا على البداية وبرضه لسه ما بنبتديش
وطول طريقنا لا ليك لجأنا ولا بدأنا وياك نعيش)2

3-(يارب عيننا و المس بإيدك يارب عيننا شيل القشور
عايزين نشوفك ونعيش في خوفك املأ كفوفك وإدّينا نور)2

1- (بافضل ساجد قصادك وتطول السجدة بيَّ
أنا واحد من ولادك! ده كتير جداً عليَّ)2
إيه في العالم يساوي حب أبويا السماوي
أنا خدت قرار وناوي
مش هاحيا غير عشانك
ولا هامشي غير وراك

القرار- (علشان جوايا حبك عايش باطلب رضاك
وباحب أقعد في قربك و احكي عنك معاك)2

2- (باتذكر احساناتك على مر سنين طوال
و اسرح في جمال صِفاتك يا بارع في الجمال)2
أنا حبيتك عشان حبيتني من زمان
علشاني بقيت مُهان
علشاني رميت تيجانك
وفديتني من الهلاك

1- (كنت بالوم الخطاة دلوقتي أنا زيهم
باقول اللي يقولوه وأمارس فعلهم)2
وبابان كملاك قدامهم وباحاول أكون أحسنهم
ما أنا خايف ياخدوا بالهمإني أوحش منهم
أوحش علشان عاشرتك والمفروض إني عارف
أنا كده باجرحك ما انا كنت ف يوم عاهدتك
أبقالك طول ما أنا عايش وحياتي تفرحك

القرار- يا يسوع أرجوك ساعدني أنا يوم ورا يوم باقاسي
مكسوف وموطي راسي رجعني زي زمان
حوش كل شيء باعدني وانا أهو خدني لمكاني
أخفيني وسود كياني وفي صوتي وصورتي بان

2- (أنا كنت ملح ونور دلوقتي أنا بانطفي
وفسد ملحي وخلاص تأثيري بيختفي)2
مش نافع أبقى سفيرك وإزاي هانفع من غيرك
أنا جاي طالب تحريرك ألمسني وأنا هاتشفي
هاتشفي من فتوري من كسلي ومن التهاون
من الضعف ومن الصدأ وهيرجع ليَّ نوري
طول ما أنت فيَّ ساكن وهاشوف ليلي أنقضى