١- كان في تسع رجالة غيري
عندنا مرض اسمه البرص
عايزين علاج .... ومفيش علاج
قولنا ضاعت كل الفرص
من بعيد شُفنا يسوع
رحنا صرخنا وقولنا ارحمنا
رد وقال روحوا للكهنة
وإحنا رايحين قام طهرنا
القرار
هاشكر ربي في كل وقت
مش هانسى اللي عمله عشاني
لما صرخت إليه وندهت
طهرني من تعبي شفاني
٢-ولما لقيت نفسي اتشفيت
قلت أرجع من غير ما أفكر
ماعندي حاجة ....دي اقل حاجة
إني أجيله أسجد وأشكر
سأل وقال فين الباقيين
ليه مرجعوش تاني معاك
أنت الغريب وأنت اللي جيت
علشان كده غُفرت خطاياك
