يوم عايشينو في مدينة أطفالينو (34 ترنيمة )

يلا بسرعة اركب من فضلك الأتوبيس(3)
هنروح مدينة أطفالينو ده هناك هانلعب
أحلى الألعاب ونرنم أحلى الترنيمات
وهناك هانسمع أجمل حكايات مع عمو حكاكيو

القرار- (هللويا احنا عيلة المسيح)2..(إخوة لبَعضينا)2
1- يسوعنا عنا مات هو اللي عملنا اخوات نقبله في قلبنا نبقى عيلته كلنا
2- فيه بنات وفيه أولاد مش من نفس البلاد من كل بلاد الدنيا تتكلم لغات ثانية

القرار- (أنا فرحان أكيد فرحان أنا كلي سعيد وقلبي حاسس بالأمان
معايا فاديَّ ماشي جنبِيَّ بيفكر فيَّ وشايل همي من زمـان)2

1- ومهما يجرح شعـوري العالم ومهما يحاول إنه يفشلني ويخزيـني
ألاقي في قلبي ترنيمة ربي تعزيني وييجي فاديَّ ويمسح ليَّ دمعة عيني
2- ومهما يجينـي إبليـس بكلامه ومهما يحاول إنه يجربني ويغريني
ألاقي في قلبي كلمة من آية بتغنيني بترد عليه وبتكسر شوكته وتنجيـني
3- وإن جه أصحابي وغلطوا فـيَّ ومهما يحاولوا يسيئوا بكل كلامهم ليَّ
ألاقي في قلبي قوة ربي بتقويني وأرد الشر بكل الخير اللي اداه ليَّ

1- انت جندي يسوع البــــار أوعى تكون غرقان في النوم
صحصح و أعرف أن عــــدوك حربه معاك طول اليـــوم

القرار- (لما تحس انك مهزوم وإنك خايف من الشيطان
اعرف إنه يسوع موجـود بيقويك و عليك سهـــــــــــران)2

2- اوعى تقول أنا لسه صغير بص وشـــوف داود إزاي
لما جه جليات راح قـاله بقوة ربــــــــي ليك أنا جاي
3- اوعى عدو الخير يغريك عن أوقات الصلاة بحَاجـات
علشان يسحب كل سلاحك تبقى وحيد من غير قــوات

القرار- آلو آلو آلو آلو مين مين مين ويايا على التليفون
أنا انا أبو ست سنين بس كلامي ده ليه مضمون

1- صدق اللي يقول صدقني وما تصدقش اللي بيحلف اللي بيحلف ده بيداري عل خطاياه ويدور ويلف
2- افرح وإنت بتدي الرب في إيد الفقرا وما تكشرش بص في باقي فلوسك وإنت هاتلقى جيوبك ما بتنقصش
3- سلم على اللي يسلم واللي يمر عليك ولا بيسلمش حب اللي يحبك وعدوك واللي لحبك ما بيقبلش
4- علم غيرك اللي عرفته وعشته وغير كده ما تعلمش تصبح زي الرب يسوع اللي في كلماته ما بيكترش

قرار- شادي شفته في مرة كان زعلان رنم بعد شوية بقى فرحان
قال ترنيمة بس قديمة قالها جده لينا زمان

1- الترنيمة بتحكي حكاية إن يسوع يسكن جوايا (وأعرف إنه هو لأنه)2 يملأ القلب فرح وأمان
2- إن يسوع حب الوحشين ويخليهم كدة حلويين بس يتوبوا عنده صليبه ولخطاياهم فيه غفران
3-إن يسوع جه مات علشاني كنت بعيد جه لحد مكاني خدني معاه وهاعيش وياه مع شادي هارنم وأنا فرحان

عارفين يا أولاد الابن الضال مشي في يوم
ويا الأشرار فكر ياخد كل حاجاته وزعل منه
أبوه البار لف ودار في كورة بعيدة بعد ما كان
في بيته أمير جاع واتهان من كل الناس وبقت
عيشته مع الخنازير وإنت يا شاطر ياللي بعيد إزاي
تاكل من الخرنوب ده الخير كله عند يسوع اللي
عشانك مات مصلوب ارجع ليه قوام تلاقيه
فاتح قلبه مستنيك يغفر ذنبك يسعد قلبك
والسما كلها تفرح بيك

1- (ربي يسوع من قلبي باحبك)3
في كل حياتي
2- (هَاسمع صوتك وهَاطيع أمرك)3
في كل حياتي
3- (هاعيش حياتي أمجد اسمك)3
في كل حياتي

متأكد أنا ماشي للسما عني يسوع دفع كل الحساب
من يوم خلاصي وأنا في هنا إيده في إيديَّ
بنخطي الصعاب (ما في عقاب ما في عذاب)2
ما في جحيم لأني مغسول بدم المسيح
دمه بيطهر الخاطي الأثيم

القرار- أنا باتمرن هنا على طول علشان ربي وعدني بجايزة
قاللي اتمرن قاللي اتقوى وأنا هاديلك أحسن جايزة

1- زي اللاعب لما بيجري بيجري بيجري بالمشوار
علشان يوصل هدفه بسرعه لازم يلعب ليل ونهار
عزمه أكيد صبره شديد عارف نفسه ومش
محتار حتى أنا راح أخد الجايزة علشان كده

2- زي الجندي الصالح دايماً لما يحارب الأشرار
ما بيربكش نفسه أبداً متسلح ضد الأخطار
عزمه أكيد صبره شديد ونصيبه مع الأبرار
حتى أنا راح أخد الجايزة علشان كده

3- والجايزة اللي وعدني بيها ربي يسوع
إني أبقى معاه والبيت اللي عمله عشاني
هاسكن فيه وأبقى وياه أسكن فيه أفرح بيه
وأسبح فيه اسم الله وبكده ليَّ أعظم جايزة علشان كده

1- أنتم ملح الأرض أنتم نور العالم أنتم أولاد الله (فاسلكوا كأولاد الله)2
2- أنتم ملح الأرض أنتم نور العالم أنتم سفراء الله (فاسلكوا كسفراء الله)2

1- زي ما عين البيبي ناحية عين والديه عنده إيمان وبيطلب منهم ما يكفيه
علشان كده ويايا ارفع عينك ليه حالاً اطلب منه وإنت راح تلاقيه
2- أصل ده ربي بيفرح دايماً بيك في صلاتك قبل ما تطلب منه عارف كل حاجاتك
اعرف أنه لا يمكن أبداً ما هاينساك ولا يمكن هايغمض لحظة عن رؤياك

1- علمني إزاي أصدق وعدك إنه بيتحقق لما تقابلني
صعاب تفتح لي وعودك باب علشان
وعدك ضامني وسلامك بيغمرني
وكلامك بيطمني (إنك دايماً تنقذني)2
تنقذني وترفعني

2- عايز أشوفك في حياتي في كل ظروفي
وأوقاتي يوم فشلي ويوم نجاحي
أنت مصدر أفراحي لما تقابلني تجارب
وعدك دايماً أنا غالب في الضعف إيديك ترفعني
(في الخوف ربي تشجعني)2
ولا يوم ربي هاتتركني

1- يا رب بارك طوني يا رب باركه كتير وخليه دايماً يكبر في القامة والتفكير وخليه يعرف عنك في كل يوم أكتر واملا حياته بحبك بحبك الغزير (يا رب بارك)2 يا رب بارك طوني
2- ابني بسلمهولك وبين إيديك ترعاه طول السنين يشهدلك إن أنت كنت معاه افتح عينيه لكلامك وعلمه إزاي يكبر بفهم كتابك وأكبر أنا وياه (يا رب بارك)2 يا رب بارك ابني

القرار- احنا أولاد الله دايماً فرحانين ماليانين بالنعمة وقوة كل حين
ليه أولاد الله دايماً فرحانين مليانين بالنعمة وقوة كل حين؟

1- (يوم ورا يوم ورا يوم والهنا وياه مرسوم)2
وادي فرحنا بيكمل بالرب يسوع ويدوم
2- (سنة ورا سنة ورا سنة ولقينا وياه الغِنى )2
عن أفراح العالم وكلام الناس والغُنا
3- (عيد ورا عيد ورا عيد في قلوبنا سما وأناشيد)2
واللي ما بيرنمشِ يصقَّف ويقول بالإيد

1- لما قلت أرنم ليك وأتمتع وافرح بيك وأملى حياتي بتسبيحك للأبد شفت وردة بتسمعني وبترنم ترنيمتي آتاري كل الكون يا ربي يسبحك
القرار- حتى الجبال بتسبحك والزهر يرنم ليك كل الفلك بيقول مجداً مجداً يا مليك
2- تسبيح الكون بيزيد مع كل يوم جديد مع كل شمس تطلع أو تغيب اقبل من قلبي لحني أنغام بتحكي يا ربي عن حب وشوق يدوم ما بينتهيش

1- (مع شروق الشمس مع لحن الطيور في لون الزهور أشوف جمال يسوع)2

القرار- (أشوفك يا يسوع أشوفك بالإيمان واثق فيك مسرور حاسس بالأمان)2

2- (مع غروب الشمس في وقت الظلام لما الكون ينام ألمس سلام يسوع)2
3- (لما أكون فرحان أهتف باللسان حتى وأنا زعلان ألمس حنان يسوع)2

1- مرة في يوم والحر شديد تحت الشجرة جيت أرتاح
ضلة جميلة ونسمة رقيقة وكمان برضه الأرض براح
2- فجأة وأنا قاعد سرحان جت في وداني صوت عصفورة
صو صو صو صو فضلت تشكر اللي خلقها وبيه مسرورة
3- هو عايلها يوم ورا يوم ومشبعها ده خيره وفير
ده علطول فكرني بآية أنتم افضل من العصافير
4- قلت ساعتها أنا قد إيه غالي على قلب اللي فداني
هو أكيد في حياتي مرتب كل أموري ولا ينساني
5- علشان كده أنا لازم أشكر وأكتر من العصفورة كمان
ده مش بس يرتب أكلي ده رتب لي خلاص مجان

القرار- أطفال الدنيا بحالها بيحبوا الرب كتير
قلبه يساع الدنيا قلب الرب كبير
1- قال دعوا الأولاد ييجوا من البلاد
ولا تمنعوهم خصوصاً الفقير
2- قال دعوا الأطفال سود وبيض وطوال
والقصير فيهم قلبه مش صغير
3- قال دعوا الصغار دول زي الأزهار
شمس الحب هلت رنم ويا العصافير

القرار- أنا حياتي كتاب مفتوح كل ما هاجي ولك ما أروح ربي منور كل سطوره وعلى صفحاته ثمار الروح
1- كل يوم في حياتي يعدي باقلب ورقة من صفحاته لازم فيَّ الناس هاتشوف ربي حبيبي بكل صفاته
2- قبل ما ربي يدخل قلبي كان مليان بسواد وظلام هو محالي كل خطية ربي بدمه وادى سلام
3- مش راح ألاقي فيه مكتوب كدب شتيمة أو حلفان علشان دم حبيبي يطهر كل خطية بالإيمان

1- لما يسوع كان طفل صغير كان بيشارك كل الناس كل حاجاته وكل ما يملك يدي بحب وبإخلاص عشان كده لما أحتاجنا لحد يموت علشان خطايانا كل محبة بدون أنانية قدم نفسه بكل حماس
2- ربي أنا عايز أصارحك إني لاحظت في قلبي خطية دايماً بكره أشارك غيري طهر قلبي من الأنانية عايز أتعلم أفتح قلبي وأقدر أشارك كل ما عندي عايز أتعلم أحب حقيقي كل ما عندي ده خيرك ليَّ

ربي يسوع علمني أقولك كلمة حاضر وأسمع صوتك ربي دايماً لما تكلمني
ولما هاقولك حاضر هاتعلم ربي أطيعك وأكون قدوة لإخواتي والناس اللي حواليَّ