هاني فخري (9 ترنيمة )

١- حكايتنا دي كانت زمان.. من ألف عام وألف عام
لكنها أحلى حكاية.. هايفضل يحكيها الزمان
(قصة إله ترك سماه.. جه واتولد ويا الخطاة
كان التاريخ ملء الزمان.. بيت لحم كانت المكان)٢

القرار- (وإحنا النهارده جايين نعيد.. ذكرى ميلادك المجيد
وحياتنا مش بس كلام.. دي شهادة عن رب السلام)٢
رب السلام

٢- هناك بعيد مزود حقير.. ملك الملوك طفل فقير
مريم هنا وفي حضنها.. شايلة فاديها وربها
(سامعة يا نجوم السما.. سامعة الملائكة في العلا
المجد لله في علاه.. على أرضنا اتولد فداه)٢

قوة من عندك يا يسوع إديني
ومن الرجوع في القرار إنت احميني
أنا جاي مصدق إن أنا ابنك
ومفيش في يوم شيء ياربي يفصلني عنك
مهما تكتر الآثام مهما تكتر الصعاب
مش هارجع تاني للأسر بنفسي
هاجي وأجدد أنا عهدي معاك
هاصدق إنك ساترني بدمك هاصدق إني مكاني في قلبك
هاصدق إني منقوش على كفك
علمني كل يوم أقعد قدامك تقرب مني
وأقرب منك وأقرأ كلامك
وكل يوم عن يوم أتغير
وحقك ثابت في حياتي ولا يوم أتحير
مهما يكون حملي تقيل مهما يكون حملي كبير
مش هادي ظهري تاني ليك

١- محبتك ليَّ يا ربي.. خلتني أحبك من كل قلبي
حبتني وأنا أنا ماستاهلشي.. حبك ولا صلبك علشاني
مت بدالي كنت مكاني.. رفعت ذنبي وخطيتي
اديتني فرحة خليت لساني.. دايماً يرنم ويسبحك
٢- يا اللي حياتك كانت علشاني.. حتى في موتك كنت مكاني
خليني أبقى زيك يا فاديَّ.. تبقى في حياتي ربي وحبيبي
ملكك حياتي كل كياني.. كل ما ليَّ ملكك وليك
مستني دايماً تيجي وتاخدني.. وأفضل أرنم للأبد ليك

القرار- أنا باسبح الفادي.. وبارفع ليه الأيادي
كل الخليقة بتنادي.. وبتشهد عنك يا فادي
وأنا طول ما عندي حياة.. أنا هاتبعك يا الله
وأنا طول ما عندي لسان.. هاسبحك يا الله

١- عندك ملايكة وجنود.. وصوتهم يملا ويزيد
لكنك عايز تسمعني.. هو أنا صوتي هايفيد

٢- وأنا صوتي أصبح له قيمة.. بتسبيح ربي الكريم
من يوم ما خلص حياتي.. وأنا عايش عمري ترنيم

1- زي ما عين البيبي ناحية عين والديه عنده إيمان وبيطلب منهم ما يكفيه
علشان كده ويايا ارفع عينك ليه حالاً اطلب منه وإنت راح تلاقيه
2- أصل ده ربي بيفرح دايماً بيك في صلاتك قبل ما تطلب منه عارف كل حاجاتك
اعرف أنه لا يمكن أبداً ما هاينساك ولا يمكن هايغمض لحظة عن رؤياك

وسط العالم والضغوط وسط حيرة مالهاش حدود
أنا لسه واقف في مكاني أيام تعدي وسنين تفوت
ناس تتولد وناس تموت وألاقي عمري عدى في ثواني
ياما سمعت من ناس كتير إنت مقيد إنت أسير
وعندك إنت ياربي نجاتي اخترت العالم الحقير قلت لنفسي ماليش كبير
لحد ما ضاعت مني حياتي
أنا جاي برجعلك عايز أسمعلك عايزك ياربي تملا كياني
أنا عايز أشوفك تلمسني بروحك وإنت اللي بحبك تملاني
عايزك ياربي تملا كياني
إبليس قالي ده مستحيل عيش الحياة العمر طويل
وملا قلبي شكوك من تاني لكن وعدك هو الدليل
تحفظني من خوف الليل وترشدني وكمان ترعاني

1- انت جندي يسوع البــــار أوعى تكون غرقان في النوم
صحصح و أعرف أن عــــدوك حربه معاك طول اليـــوم

القرار- (لما تحس انك مهزوم وإنك خايف من الشيطان
اعرف إنه يسوع موجـود بيقويك و عليك سهـــــــــــران)2

2- اوعى تقول أنا لسه صغير بص وشـــوف داود إزاي
لما جه جليات راح قـاله بقوة ربــــــــي ليك أنا جاي
3- اوعى عدو الخير يغريك عن أوقات الصلاة بحَاجـات
علشان يسحب كل سلاحك تبقى وحيد من غير قــوات

عارفين يا أولاد الابن الضال مشي في يوم
ويا الأشرار فكر ياخد كل حاجاته وزعل منه
أبوه البار لف ودار في كورة بعيدة بعد ما كان
في بيته أمير جاع واتهان من كل الناس وبقت
عيشته مع الخنازير وإنت يا شاطر ياللي بعيد إزاي
تاكل من الخرنوب ده الخير كله عند يسوع اللي
عشانك مات مصلوب ارجع ليه قوام تلاقيه
فاتح قلبه مستنيك يغفر ذنبك يسعد قلبك
والسما كلها تفرح بيك

1- مرة في يوم والحر شديد تحت الشجرة جيت أرتاح
ضلة جميلة ونسمة رقيقة وكمان برضه الأرض براح
2- فجأة وأنا قاعد سرحان جت في وداني صوت عصفورة
صو صو صو صو فضلت تشكر اللي خلقها وبيه مسرورة
3- هو عايلها يوم ورا يوم ومشبعها ده خيره وفير
ده علطول فكرني بآية أنتم افضل من العصافير
4- قلت ساعتها أنا قد إيه غالي على قلب اللي فداني
هو أكيد في حياتي مرتب كل أموري ولا ينساني
5- علشان كده أنا لازم أشكر وأكتر من العصفورة كمان
ده مش بس يرتب أكلي ده رتب لي خلاص مجان