كل الترانيم بالكوردات (751)

القرار- تليفون السما عمره ما كان مشغول أبونا السماوي بيردّ عليك
هو وعد بنجدتي لما قال اطلبني في وقت الضيق أنقذك تمجدني

١- مكتب سنترال مفتوح ليل ونهار بيوصَّل للسما كل محب البار
خدمة مجانية لأولاد الله في أوقات الضيق حالاً تضرب له تليفون تليفون

٢- لو السكة عطلت وماسمعتش رد وكأن السما فضيت ومافيهاش حد
صلِّي وخلِّي إيمانك دايماً بالرب مريح التعابى لازم يلحقك بالرد تليفون

القرار- (توت توت توت توت ده القطر هايفوت توت توت توت توت أنا جوه مبسوط)٢
١- قطر السما بيجري والوقت بيعدي رايح لحبيبي ومش ممكن هايهدي
٢- وإنت ياللي لسه واقف ع المحطة يلا بسرعة اركب دي زمارته بتضرب

جاز في نفسي سيف لما شفته على الصليـب مسحـوق مـن الآلام)
جاز في نفسي سيـف صلبوا ابنـي الحبيـب صلبوا رئيس السلام)٢
بـالـمـسـاميـر سمروا الإيدين اللي ياما فـتحـت عينـيـن)
والـلـي رفـعـت كـل قلـب حـزيـن بـالمـسـاميـر)٢
ده رفــع كــل حــزن وداء ده اللـي قـال طوبـى للودعـاء
ولـكـل العـيـانيـن بلمـسـة مـن إيديـه أعـطـى شـفـاء
يـا فــادي يـا فــادي)٢ صـوتـي عـليـك بينادي)٢))
مشيـت رجـليـك الطـاهـرة فـي الأرض مكـان خطاوينا)
وبجرحـك وبجلـدات ضـهـرك يـا يسـوع إحـنا شـفيـنا)٢
وإنـت مـلـك الـمـلــوك وإنـت صـاحـب السلـطـان
جـزت في المـر وكـل هـوان عـلـشــان تـفـديــنـا... يا فادي يا فادي

1-(جاي بذبيحة حمد باقدمها بقلبي الفرحان
جايب لحن في ايدي وكلمة باقدمها بإيمان)2
(جاي وباقدم ليك من اللي في ايدك ليك)2
(يا وطن الإنسان يا وطن الإنسان)2

القرار-(علمني أقدم ليك تسبيح يرفعني إليك)2
(وأكون كذبيحة حمد أنا بين إيديك)2

2-(ياللي اديتني حياتك حب أنا باهدي حياتي إليك
حبك ساكن جوه القلب وقلبي ساكن في ايديك)2
(قلبي يغني أكيد طول ما الحب يزيد)2
(ويزيد الإيمان يا وطن الإنسان)2
3-(اسمك أحلى أسامي الدنيا و أحلى أسامي الكون
مجداً لاسم يسوعنا الغالي وللجنب المطعون)2
(شمس الأرض تغيب والنور يبقى صليب)2
(راية الحق تبان يا وطن الإنسان)2
4-(ملك المجد واسمك عالي وفي ايديك السلطان
أمم الأرض وكل شعوبها وكل ملوكها كمان)2
(بكرة هاتسجد ليك تخضع تحت ايديك)2
(يا صاحب السلطان يا وطن الإنسان)2

القرار- (جاي على السحاب جاي ياخدنا لحضن الآب
وهايمسح كل دمعة حبيبنا يسوع رب الأرباب)٢

١- (حاسس بكل الألم اتعذب على الصليب
شاعر بالنفس المكسورة اتساب في ليل كئيب)٢
ده عشانا مات لكنه قام

٢ – (واقف على باب القلب مشتاق نفتح ليه
غافر كل آثام الخاطي اللي بيتعلق بيه)٢
ده عشانا مات لكنه قام

٣ - تعال يا يسوع فالعدل والحب يملك
تعال يا يسوع فالقبح يصير جمال
تعال يا يسوع مشتاقة قلوبنا تقابلك
تعال يا يسوع تعال

١- ( جاي لك يا يسوع مشتاق أتغير
في إيدي قيود مهموم متحير )٢
شخصك وحده هو اللي يغير.. ولا يوم إبليس يأسر ويعير

القرار- ( وحدك يا يسوع.. ترفع كل الأتعاب
دمك يا يسوع.. مرشوش على الأعتاب )٢
على الماضي ندوس.. نكسر عندك أطياب

٢- ( أسجد وأركع يا يسوع قدامك
وأنا زي فطيم يجري لأحضانك )٢
طعم الحرية هادوق وسلامك.. حاسس بأمان يرويني حنانك

٣- ( أهتف لاسمه وأرفع له نشيدي
حقه في قلبي سلطانه في إيدي )٢
نلت الحرية اليوم يوم عيدي.. قلبي فرحان مسرور بيغني

١- (جايين يا أبانا اسمع لدعانا.. بتواضع يرجع شعبك
يطلب رحمة من عندك.. بقلوب محتاجة إليك)٢

القرار- ده رجانا فيك يا إلهنا.. وهانستنى المواعيد
نحوك نرفع أعيننا.. وإيمانا فيك بيزيد
بنصدق كل وعودك.. ده أنت في الوعد أمين
تملا حياتنا من جودك.. مجدًا ليك يا معين

٢- (أرضنا عطشانة بجروح مليانة.. من فيض حبك ترويها
لمسة إيدك تشفيها.. وتردها تاني إليك)٢
٣- (بنتوب قدامك بنعود لحنانك.. نعلن ملكك في حياتنا
في بيوتنا وفي اجتماعاتنا.. وقلوبنا بتسجد ليك)٢

[ (جمعنا شوق واحد إليك.. نشوف جمالك يا مليك)2
( المـس بطيفك قلبنا )2.. العطشان وسهران بيناديك]2
[ ( بنسبح الاسم الجميل.. وهتافنا ليك طول السبيل )2
( وإن مر ليل أو طال ظلام )2.. نورك ينور كل ليل]2
( اشتقنا للفرحة معاك.. اشتقـنا نتهنى برضاك )2
( زيل الغيوم وامحِ الهموم )2.. نرفع جناحاتنا في سماك
(( آه مولاي حبك.. يبهج القلب الكئيب
[( آه مولاي عطفك.. راحة الدار للغريب )2
( زيل الغيوم وامحِ الهموم )2.. نرفع جناحاتنا في سماك ]2

1- جوّه قلبي جوّه قلبي تعالى فيه يا ربي
تعالى اليوم أفْراحي تدوم تعالى جوّه قلبي

2- جوّه قلبي جوّه قلبي تعالى فيه يا ربي
تعالى اليوم شيل الهموم تعالى جوّه قلبي

١- (جوه قلبي شمعة كبيرة نورها جاي من عند يسوع
ظاهر نورها لكل الناس حتى إن حوالينا كان مقطوع)٢
ماشي في وسط الظلمة ولكن جوه في قلبي النور موجود
فيّ الناس هايلاقوا يسوع قوة حبه الغير محدود

القرار- دايماً ربي اجعلني منارة وإنت الكنز اللي مخبيه
زي ما عشت بكل طهارة نفس طريقك أسلك فيه
دايماً ربي اجعلني منارة وإنت الكنز اللي مخبيه
زي ما عشت بكل طهارة نفس طريقك نفس طريقك أسلك فيه

٢- (يمكن يضعف نورها شوية لما باعمل أي خطية
لكن لما أقوله سامحني ترجع تاني بنورها قوية)٢
ما بيبقاش فيَّ ظلام علشان ربي فوق سهران
هو اللي بيضمن ليَّ إني أنور كل مكان