كل ترانيم باوربوينت كلمات فقط (1786)

القرار
باقدَّر يا غالي يا ربي يسوع ..
وقوفك معايا في وادي الدموع
باقدَّر وقوفك وسندة كفوفك ..
و نورك في ليلي وضيّ الشموع
باقدَّر يا غالي يا ربي يسوع

1- ده كام مرة شُفتك إله الأمانة ..
ما تقدرش تنكر في نفسك خِصال
لكن جوه قلبي معشش خيانة ..
وكان جوه فكري طموحي وآمال
فِضلت تداري وشرّي تواري ..
مع إني في جهلي رفضتك كتير
لأنك حبيبي وحبك طبيبي ..
ماقلتش لقلبي هاتِرجَع كسير
وجاني كلامك وجاب لي سلامك ..
وجيت باعترف لك وباسكُب دموع
باقدَّر يا غالي يا ربي يسوع

2- كتير كنت باعند واكسَّر كلامك ..
ما بافرقْش عن سائر المخلوقات
باحكِّم في رأيي وأضيَّع سلامك ..
و أخرة إرادتي خسارة وآهات
باحوِّش لنفسي وأكوِّم لنفسي ..
ومش عارف إني باحوِّش نفاية
ولما وصَلَت لأخري في يأسي ..
صرخت يا ربي وقُلت كفاية
ماعُدتش أسيبك هاتبّت في إيدك ..
ويبقى مكانك ده جوه الضلوع
باقدَّر يا غالي يا ربي يسوع

3- سنيني اللي فاتت مشيتها معايا ..
بتقنعني انك أماني الوحيد
و بهجة خلاصك بتملا سمايا ..
وبتقول لي إنك معايا أكيد
بترحم غبائي شرودي وفراقي ..
وترجع تفكرني انك معايا
بحبك تحاصِر وإيدك تناصِر ..
وصوتك يقول لي أنا ليك حماية
و جيت بانحِني لك وأقدَّر جميلك ..
وأقول لك حاوطني لآخر الربوع
باقدَّر يا غالي يا ربي يسوع

1-(باكتبلك أيامي رسالة.. حب أهديها يا رب إليك
وأرسملك تسبيحي حكاية.. هافضل أغنيها يا مليك)2
(وأنا مهما قدمت يا ربي.. هافضل دايمًا ليك مديون
ده انت تجسدّت علشاني.. وشلت كل الهموم)2
(ده العمر منور بيك.. والخير يملا ويفيض
وسرور في القلب أكيد.. أمطار البركة تزيد)2
2-(يا كوكب الصبح العالي.. باعبد شخصك وأسجد ليك
و باسبح اسمك يا غالي.. دي النصرة مضمونة فيك)2
(يا واهب للزهرة تيجان.. والعصفور دايماً شبعان
كل أسرار الكون في إيديك.. يهتف لك قلبي فرحان)2
(يا مهوب أنا باخضع ليك.. يا يسوع أنا حبّي إليك
يا راويني بغمر عينيك.. كل كرامة ومجد إليك)2

1-(بالأحضـــان الأبــويــة.. قلبـك بينـــادي علـيَّ)2
أرجع وأتمتع برضـاك.. عني هناك في المحبـوب
وأسمـع لـنـداء الـغـفـران.. بـالإيـمـان جـاي أتــوب

القرار-(راجع للآب الحنـــان.. واثق إن أنا ليَّ مكـان)2
(بـذنوبـــي أنا راجـــــع.. بـدمـوعــــي أنـا راجـــــع)2
واثــــق إن أنـا لـــيَّ مـكـــــــان

2-(جايلك بخطايا سنيني.. عمري اللي انقضى في أنيني)2
دُقت مرار البُعــد قاســــيـت.. واتمـــنـيـت أرجــــــع لـيـك
عُدت لنفسـي بدمعـي بكيـت.. عنـد البـيـت صارخ لـيـك

١- بالجيتارات.. جينا نغني ليك
والأصوات.. مشتاقة تعلّيك
(نسكت ليـــــه ده.. إحنا بيك طايرين
ونقول إيـه.. مهما نقول عاجزين)٢

القرار- مين زيك بنحبك.. نعزف ونرنم ليك
أغنية جديدة نهديك.. ونسبح تاني
نسجد لك ليك وحدك.. ننشد أنغامنا ليك
نتمنــــــــــى.. نقدر نرضيك

٢- مش جـــــايين.. ناخد البركات
ولا طــــــــــالبين.. نشبع ونقول هات
لأ عايزيــــــــــن.. الأفراح نهديك
وبهتافــــــــات.. نحسن عزفنا ليك

٣- لحن جديد.. يخرج منا ليك
مهما نعيد.. مش ممكن نوفيك
عمر كبير.. كل هنانا بيك
حب كتير.. أيوة يا بختنا بيك

١- (بالحكمة انت وحدك .. ماسك زمام الأمر
كل الخيوط في يدَّك .. وأمين بطول العمر)٢
(ليك الكلمة الأخيرة .. مهما قالوا في كلام
عالي وإيدك قديرة .. قلبك مليان حنان)٢
٢- (صالح انت ومُحسِن .. صالح بطول العمر
وفي سترك انت نُسكُن .. مهما السنين بتمر)٢
(مهما الظروف تعاند .. وإن مرت الأزمات
تفضل بتقود وساند .. في أصعب الأوقات)٢
٣- (ما بتدي إلا الخير .. مهما المشهد ظلام
كله بأمرك يصير .. دي وعودك مش كلام)٢
(تفاصيل العمر عندك .. حاسبها بالإتقان
وحياتي هي ملكك .. حبك أفضل ضمان)٢
٤- (اديني عينين تشوفك .. وتصدق بالإيمان
ده مافيش أمر يفوتك .. و في إيدك السلطان)٢
(يا حبيبي ساعدني أشكر .. أسلِّم وأستريح
وأخضع لك ربي واصبر .. انت حكمك صحيح)٢
٥- (يتبعني خير ورحمة .. دايماً وفي كل يوم
إكليل إحسان ورأفة .. فوقي دايماً يدوم)٢
(وأنا تايه بتراقبني .. وبترثي لكل ضعفي
تشفع لي وتعالجني .. وبنعمة ترد نفسي)٢

1- ( بالعز أمر ورفع راسي .. وسدد عني الدين
فهو إلهي صار لي خلاصي .. صلب ما بين لصين ) 2
يعجز عن وصفه إحساسي .. يسوعنا الأميــــــــن
القرار- أصل اللي مسيج حوالينـا ( أي1 :10 ) هو إله السموات
هو اللي حكم على أعادينا ( مز9:149 ) تهرب م التسبيحات
هو مسيحنا وهو فادينا .. من عنا صلب ومات
2- هو اللي نشلني ونجاني .. من طين الحمأة
هو اللي غسلني وكساني .. بتوب النعمة
هو اللي عطاني سلطاني .. على الخطية
3- من أجلي كسر كل المصاريع ( مز107 : 16 ) .. أنار لي الظلمات
وجعل من دمه لي حصن منيع .. أسحق بيه الحيــــــات
حمل في جسده خطايانا ( 1بط2 :24 ) .. وشفانا بالجلدات
4- ليه الكلمة وليه السلطان .. من يقف في وجهـه
هو الكائن ومن قد كان .. يهوى هو إسمـه
في شخصه لنا الضمان .. يسوع من مثلــــــه

1- لما بفكر في الشمس والنجوم
السما والأرض الهوا والمية وكل الكون
مش بقدر أفهم إزاي دول صنع إيديك
بأمرك الكل صار وأصبح ليك
لكن الأصعب فهمه إزاي بتبص ليَّ
إزاي بكل عظمتك دي بتفكر فيَّ
شايف كل لحظة وساعة بتمر بيَّ
وفي وسط كل الناس عينك عليَّ

القرار- أنا أبقى إيه.. أنا أبقى مين
عشان إله الكون يعرفني
أنا واحد من الملايين اللي عايشين
اخترت تشوفني وتميزني مش لأي حاجة فيَّ
لكن علشان حبك عظيم.. بتحبني

2- لما ببص لنفسي وأشوف كل اللي فيَّ
بخجل آجي عندك بخاف تقسى عليَّ
حاولت كتير أتغير قبل ما آجي ليك
نسيت إن عندك وحدك التغيير
دايمًا بانسى إن غفرانك مالوش حدود
وعلشان حبك ليَّ بس أنا ليَّ وجود
أنا ماستاهلش أعيش حياتي عند رجليك
وإنت بتطلب مني أبقى بنت ليك

القرار- (بتسبيح الرب ينطق فمي كل نسمة تبارك اسمه القدوس)٤

١- (الرب عاضد كل الساقطين .. وهو يقوم كل المنحنين
أعين الكل إياك تترجى .. أنت تعطيهم طعامًا كل حين)٢
٢- (أبٌ حنانٌ حنانٌ ورحيم .. طويل الروح كثير الرحمة
الرب صالحٌ للكل .. رحمته على كل خائفيه)٢
٣- (يحمدك كل أعمالك .. ويباركك اتقياؤك
بمجد ملكك يتحدثون .. بجبروتك يتكلمون)٢
٤- (ربٌ قديرٌ ليس مثلك .. وأنت تصنع العجائب
لم ترَ عينٌ إلهاً غيرك .. أنت عظيمٌ عظيمٌ وحدك)٢

١- (بتفهمني وتحس بيَّ تسمع كلامي اللي ماباقولهوش
وتحبني تشفق عليَّ وأصغر نور فيَّ مابتطفيهوش)٢

القرار- (أنا ليَّ مين يا يسوع غير قلبك اللي حبني
بتضمني وبيهمك أصغر حاجة بتهمني )٢

٢- (أصحابي ناموا بالليل وعينيك عليَّ سهرانة
وحتى لو كان ليلي طويل تبعت أغاني فرحانة)٢
٣- الضعيف أنت سانده شعر راسي أنت عادُّه
والطريق اللي أنا مش قده أنت تمسك إيدي فيه
لو مافيش حاجة في إيدي أنت ربي وفادي
وفي ضعفي تشفق عليَّ واحتياجي أنت ماليه

بثقة أتقدم أمام عرش النعمة
أسجد في محضرك أعلن مجداً لاسمك
مجداً لاسمك مجداً لاسمك
أسمع الملائكة تعلن مجد الحمل
ترنم هللويا فسجدت مرنماً معها
هللويا هللويا