سامح عبيد (16 ترنيمة )

1- أيوه وعدتك بس قسيت لحظات ضعفي خدتني بعيد
هنت علي وسبت إيديك بس بعيد أنا بابقى وحيد
القرار- نفسي إرادتي تكون غلباني وأقدر أعيش في رضاك مرتاح
أنسى الخوف وساعات الحيرة تلمس ضعفي تهدي رياح
2- شايف لمعة عيني وعارف إنك ساكن روحي وقلبي
وكفوفي المفتوحة بتطلب ربي بتعلن ليك عن حبي
3- عمري ما فكرت أجرح فيك باضعف لكن من غير قصد
حبك جوه ضلوعي بيجري ولا بارتاح أبدًا في البعد

1- عنده أمل فيَّ وبيتأّنى ويطول باله عليَّ
محبته ليَّ هي اللي جابتني ليه
عنده أمل فيَّ وف قلبي قساوة وف قلبه حنية
مافيش مثاله في عطفة والحب اللي فيه

القرار- (اللي بتعمله ده كتير يا يسوع يا حبيبي مالكش نظير
بتقابل شرِّي بالخير
اللي بتعمله ده كتير قلبك دايماً طيب وكبير
وبترحم ضعفي يا قدير)2

2- الحب ده كله ها ألاقيه فين غير عندك
قلبي انت حياته إنت اللي باقول له أنا عمري كله ليك
أنا قلبي فاضل له حبة وهاينطق اسمه مع دقاته
و مش هافرَّط فيك ما صدقت ألاقيك

1- (نجم في السماء أعلن الخبر قدم الإله وحيده للبشر)2
من عرشه إلى مذود في الأرض جاء هُنا هُنا الله معنا
القرار- (يا أيها الطفل الإله يا إله كُلِ مستحيل
الطفل من العذراء جاء صار منا صار فينا عمانوئيل)2
2- (جُندً من علاء تُسبح القدير مَجدٌ في الأعالي فرح وفير)2
تعالوا كي نلقاه نواصل المسير هُنا هُنا الله معنا
3- جاء المسيح أرضي أفتح قلبك للمولود
لبس المسيح جسدي هللويا هيا نسجد للمعبود

1- (أنا عايش ليه .. وعايش بيه
وطول حياتي أنا محمي فيه كل السنين
لا باقول له ليه ..ولا أقول له إيه
أنا بعمل اللي يقول عليه وباقول آمين)2

القرار- آمين: علشان مصدق مش شاكك
آمين: الله بيرعى ومبارك
وآمين: واثق في إن يسوع
يقدر يوجد لي في الصعب مسالك
آمين: علشان معايا وجوايا
آمين: ف صليبه أنا ليَّ حماية
وآمين: لأني سايب له إيديَّ وعنايته بحياتي كفاية

2- (ما بقيتش أخاف .. أنا قلبي شاف
نور المسيح راعي الخراف ربي الأمين
سندي الشديد .. سيدي الوحيد
وسلامي فيه مضمون أكيد .. وباقول آمين)2
3- ( ده مش إعتياد ..ده إيمان وزاد
ما أنا ويسوع ما احناش بعاد وده عن يقين
وف كل يوم..أول ما أقوم
بابدأ صلاتي بشكر وأنهيها بآمين)2

1- (نفسي تبقى يا ربي مالك
مش مشارك حد في وتبقى سيد
نفسي تبقى بجد واخد
قلب ساجد وأبقى ليك وحدك أكيد)2
(مين هايقدر بس مين إنه يعبد سيدين)2
كل كنوز الدنيا هتفنى وكله سراب
ومافيش شيء دايم في الإيد

القرار- (علمني يارب أعيش وياك
طول السنين لو مهما كان
إديلك حقك ف روحي
وف مالي وكل الكيان)2

2- (عِشت وأنا محمي بوجودك
نلت جودك صرت غرقان ف الديون
إتداينت بكُتر خيرك مش لغيرك
يعني أعيش وأموت مديون)2
(ربي قلبي ليك أسير كنت عبد بقيت أمير)2
كل ما فيَّ وكل ما ليَّ ده فضل غناك
ياللي لولاك أنا عمري ما أكون
3- (كل حاجه بين إيديَّ
هي جاية يارب ليَّ من إيديك
ومهما كنت بأحاول أدّي
أنا على قدي وباقدم لك منك ليك)2
(أصلي مهما أدّيت كتير لسه أنا العبد الفقير)2
ومافيش عبد بيوفي جمايل سيده عليه
يعني أنا عمري ما هاوفيك

1- جيت ياربي قصاد عينيك محتاج قوة تردني
كل خطوة ماشيها ليك شايلة هموم بتهزني
القرار- دم إخواتي ينادي ويصرخ دوست عليه ولمسته وشوفته
دقلديانوس قام من قبره عايز يرجع تاني بوقته
داير يحصد أي صليب مرسوم في ملامح أولادك
واللي نادى باسم يسوع قتله بغدر وكتبوا نهايته
2- هدوا كنيستي يارب انجدني جوه في قلبي النار تحرقني
على شهدائك اللي انبدحوا ع الظلم اللي في جوفي واكلني
3- إنت هزمت الموت علشاني وأنا وياك هاغلب أحزاني
يبعد خوفي بلمس إيديك واثق عمرك ما هاتنساني

1-(أوقات باقول ده معقول
يا يسوع أنا ولا كنت أطول
إنك تكون سيدي
جيت ولا روحت أنا من تراب
سيدي وكمان أنا وأنت صحاب
و ماسكني من إيدي)2

القرار – (بانحني ليك يا يسوع بانحني
ما أنت في عينيك شيلتني
يا يسوع وغيرك مين حبني
ومات عشان حبني
أنت اللي فرحتني
بعد أما كنت حزين)2

2-(يا يسوع جمايلك ما أوفيهاش
من كترها مابعدهاش
ياللي بترعــــاني
أنا هاشكرك طول ما باعيش
وحياتي دي ماتكفيش
ولا مية حياة تاني)2

1-) روح المسيح رفيق خلوتي
حدائق النعم ثمارك مُنيتي)2
شكراً ها قد حللت رغم خطيئتي
مبكتاً وغافراً أمامك أنحني
القرار- روحك يعزيني متى ألمت بي الأهوال
روحك يهديني يجدد الآمال
يرويني ينميني يرفعني أعلى الجبال
2- (يا نبع المواهب أعني في الصلاة
اهمس في قلبي منقذي أطلبُ النجاة)2
من شر أحاط بي من كل الجهات
في وقفة تأملٍ تعيد لي الحياة
3- (بيوتنا قد أمست بدونك قفار
نزاع غرور تعالى وافتخار)2
يا روح التواضع يا نوراً ونار
هلم تعالَ ولتملأ الديار

1-(راكعلك ومَحني مدرايني كسوفي وجرمي آسرني ملوّث كـفـوفي)2
راجعلك وقلبي بيصرخ بـذنبي بيندب سنيني وقسوة ظـروفي

القرار – (خـليني ليك ومعاك أعـيـش أنسى عمري اللي ما يـسـاويش)2
ألملم جروحي وأغذي في طموحي وآمـن بـرب مابينـسانـيـش

2- باصصلك ودمعي ملازم خدودي و باسأل : يا فـرحـة امتى تعـودي؟
تعـالى يا سيـدي ودوِّب أنـيـني بقـوة حـنانـك جـدد عهودي
3- جايلك وقلبي خاطي وعايب توّبني ليـك أنا قلبـي دايب
احضـن بإيدك ابنك حبيـبك أرجوك سامحني أنا جاي تايب

) -1سبحوا الطفل المولود جاءنا الرب يسوع
بالصفوف بالدفوف اهتفوا كل الجموع)2
قد تجلى الرب فينا واسمه عمانوئيل
حل روحه على مريم كما خبر جبرائيل
القرار- (المجدُ في الأعالي وعلى الأرض السلام)4
2- (صفقوا للرب حمدًا اقرعوا كل الأجراء
جاء ربي قد تجسد تم الوعد بالخلاص)2
في ميلادك يا يسوعي قلبي يولد من جديد
أغفرُ لمن أساء أتبع النجم البعيد
-3(قدموا لله سبحًا قدموا كل التبجيل
رنموا للرب دومًا ارفعوا كل التهليل)2
هللويا هللويا هللويا اليوم عيد
كيف نفرح بالعتيق هيا نلبس الجديد