فريق التسبيح (520 ترنيمة )

القرار: إملا الدنيا تسبيح وارفع اسم القدير الإله
غني علّي المسيح وأعلن يسوع هو الله

١- غني تسبيح ليسوع علشان يستاهل إنك تغنيله
صالح وأمين إله حنان ومجده اللايق اهديله

٢- إملا الدنيا تسبيح خليك طول الحياة فوق الظروف
خلي عيونك شايفة الأعلى والأقوى من أي خوف

٣- إملا الدنيا تسبيح وقول وإنت مصدق ده إلهي حي
قريّب مني دايماً سامعني إلهي في جماله ملوش زي

٤- سبح وغني لله الثالوث الآب والابن والروح القدوس
الخالق العظيم المعزي الحكيم مخلص كل النفوس

١- أوفى من أي صديق .. وقت الجدعنة أجدعهم
في فرح أو ضيق تلاقيه .. بين الأحباب أقربهم
دي حياتنا خيرك إنت ماليها .. أيامنا شبع جودك فيها
القرار
ونغني "يسوع"، نهتف باسمه
ونغني "يسوع"، نشبع قلبه
٢- إلهنا رب السماوات .. لكن عننا مش عالي بعيد
حاسس سامع الأنّات .. شافي القلب الحجر العنيد
مين يستاهل كل غنانا .. غير اللي مات قام وفدانا

١- حوالينا الخوف من بكرة جوانا مليون فكرة
لكن مفتوحة عنينا ..ع الإله اللي وسطينا
وهنهتف ولكل الناس: بصوا وشوفوا

القرار- بصوا وشوفوا إلهنا القدير بيعمل إيه
ده بجبروته الكل سجود عند رجليه
ولا يحصل أو يكون بس اللي يقول عليه
ولا قوة في كل الكون تؤمر إلا بيه
في الحرب قدير علشان الكل صنعة إيديه
بصوا وشوفوا

٢- حرب وجواها داخلين لكن مش مِسلّمين
وهانشكي للي بيسمع .. دايماً يسند وبيرفع
تسبيح لسانا هيكون: بصوا وشوفوا

كانت مرة حوا ماشية وفيه شجر كتير
ده فيه شجرة طعمها خطير لكن سمعت صوت الحية
ومش ممكن تفوت رغم شافتها حوا فرصة حلوة
إنها عارفة الوصية اللي ياكل من الشجرة يموت
إبليس قدم لها خطية بس شكلها فظيع
عمري ما هاكسر الوصية وهابقى ليك مطيع
امشي بعيد يلا يا كداب مش هاسمع إلا صوت الله
هاقرا كلامه في الكتاب وطول حياتي أمشي وراه
إنت الشيطان والشيطان كداب إنت الشيطان وإنت الكداب
You are the devil and the devil is bad
You are the devil and you are bad

كان في رجل عنده ولدين
عايشين معاه وفي خيره فرحانين
وفي يوم من الأيام الابن الصغيّر
حاجات كتير جواه بدأت تتغيّر
طلب من أبوه كل نصيبه عشان يمشي بعيد ويسيبه
وسافر لبلد بعيدة وبقى عنده أصحاب جديدة
وبعدين؟
فجأة لما خلص ماله محدش حتى سأل ماله
ما لقاش غير شغلٌ حقير إنه يرعى شوية خنازير
طب ما فكرش يرجع لباباه؟
فكَّر كتير في نفسه وقال من الصعب من المحال
إني أفضل أعيش هنا وأنا مع بابا كنت في هنا
هاقوم وأرجع لبابا وأقوله سامحني يا أحلى بابا
أنا كنت غلطان وسبتك اقبلني أعيش عبد عندك
وباباه عمل إيه؟
شافه الأب من بعيد جري عليه وقلبه سعيد
أخذه في حضنه بدون تفكير غيرله شكله خلاه أمير
ياه يا رب أنا بشكرك
(يارب أنا باشكرك وجاي أسبحك
علشان برغم غلطي حاببني ولما باتوب دايماً تقبلني)٢
زي الابن الضال

في مذودٍ نام يسوع الحبيب
وحوله نورٌ ومجدٌ عجيب
وأنشدت له أجناد السماء
وأعلنت معطي مع رب الفداء

بفرحٍ صار إليه رعاة
لينذروا طفلاً هو ابن الإله
وعند رجليه خاروا بالسجود
في أول عيد ميلادٍ مجيد

ها نحن أتينا بكل خشوع
نقدم مجداً لك يا يسوع
ومثلما أتى إليك المجوس
نهديك الحياة يا فادي النفوس

١- أنا كنت حمار قاعد في حظيرة ماليش لازمة وقاعد في حيرة
نفسي أعمل حاجة جديدة بس حاجة تبقى مفيدة
وفي يوم وأنا باكل برسيم لاقيت اتنين رجالة داخلين
قالوا لسيدي حمارك عايزين لشخص مهم إحنا محتاجين
ولاقيت شعب كثير وجموع بيقولوا أوصانا ليسوع
وسعف وورد كتير مرشوش كله فرحان ووجهه بشوش
عرفت ساعتها إن الشخص ده هو يسوع
اللي هايفدي الناس ويخلص الجموع

القرار:
مجداً (٣) ليسوع مخلصنا
مجداً (٣) ليسوع فادينا
مجداً (٣) ليسوع راعينا
مجداً (٣) نرفع ليه أغانينا (٢)