مزاميرو 5 (21 ترنيمة )

القرار- (لما يسوع يقول هايحصل مين اللي يقدر يقول لأ)٤
محدش يقدر يقول لأ

١- (أنا مش قلقان عندي إيمان
في اللي بيحميني ويقدني واللي في حياتي ليه السلطان)٢

٢- (إلهي بيشفي ويحرر ينابيع البركة بيفجر
سلطان إبليس بيدمر إلهي ليه كل السلطان)٢

١- من زمان القصة دي بتتحكى
عن واحد قصير واسمه زكا
كانت شغلانته رئيس للعشارين
بيلم ضرايب لكن أزيد حبتين
ودي فلوس أكتر بكتير من حقه
ومحدش خالص كان يقدر يفتح بوقه
وسمع عن يسوع وكل أعماله
كان نفسو يشوفو فساب الشغل وجاله

القرار- (أنا طول الوقت هاغني وأسبح
ليك يا بو قلب كبير بيسامح
لما بتوبتي أجيلك تفرح
وبتغفرلي اليوم ومبارح)٢

٢- وسط الزحمة مكنش شايفه زكا
عمال بيدور على أي سكة
وفي راسه نطت حتة فكرة لذيذة
يروح يشوفه من على الجميزة
ويسوع شافه راح ندهله وقله
عايز أدخل بيتك ف زكا بسرع نزله
وكانوا الناس واقفين ومتدايقين
علشان زكا خاطي من الوحشين

٣- أتكلم زكا وكل الناس سامعين
أنا نص فلوسي هاديها للمساكين
واللي ظلمته وكان مني بيخاف
هاديله حقه لكن أربع أضعاف
فقال يسوع حصل خلاص للبيت
وده السبب اللي عشانه جيت
علشان يسوع كان بيهمه الناس
بيقرب منه ويديها الخلاص

١- (اللي بيسوع بيآمن بيحفظ ويطيع كلامه
زي راجل على الصخر راح بنى بيته
ساكن متطمن آمن لا مطر ولا ريح يهزه
علشان مبني على الصخر الكامل صنيعه)٢

القرار- (باسبح ربي يسوع إنت الصخرة وأنت الملجأ
إنت بتحمي اللي بيحفظ كلامك وليك يلجأ)٢

٢- (واللي عن يسوع بعيد والكلام عمال بيطنش
زي راجل على الرمل راح بنى بيته
وقت المطر الشديد راح وقع البيت واتدشدش
علشان مبني على الرمل وبعيد عن كتابه)٢

(كان في بركة اسمها بيت حسدا واللي عيان بييجي
بيستنوا الملاك يحركها واللي يسبق يتشفي)٢
(وكان على البركة واحد عيان مش بيمشي من سنين
تمانية وتلاتين سنة حيران عايش تعب وأنين)٢
(يسوع سأله عايز تتشفي قال له مين يزقني
لما المية بتتحرك بينطوا قبلي)٢
(قال له شيل سريرك وامشي قام وروّح بيته
وشافه تاني قاله متغلطش وبقى يشهد في حياته)٢
(باسبحك دايماً تساعدني مفيش زيك بيحبني
ومهما كل صحابي سابوني إنت يسوع قريب مني)٣

١- ده يسوع قال للتلاميذ قمت
كذبة إنه يمشوا بالمركب
لكن بعد الوقت ما مر
لقيوا الجو ابتدا يتكركب
والليل جيه والبحر ده هاج
والمركب من جوه اتبل
والريح شدت والأمواج
والتلاميذ مش لاقيين حل

القرار- (ده يسوع هو وحده بيقدر
هانسبحه رغم الظروف
عنا مش ممكن يتأخر
لما بنطلبه وقت الخوف)٢

٢- بعد شوية قرب الفجر
والحال لسه نفس الحال
جه يسوع ماشي عالبحر
لما شافوه قالوا ده خيال
صرخوا من الخوف غصب عنهم
أصل ده رعب محدش شافه
ويسوع كلمهم طمنهم
قال ليهم أنا هو لا تخافوا)٢

٣- بطرس قاله لو إنت هو
أأمرني أجيلك عالمية
قله تعال فحس بقوة
وابتدى يمشي شوية شوية
لكن خاف من الريح حواليه
فغرق وصرخ قبل نزوله
ويسوع راح ماسك بإيديه
ودخلوا المركب قاموا سجدوله

١- المسيح شبّه ملكوته بعشر عذارى فرحانين
علشان هايقابلوا العريس ومصابيحهم مليانين
خمسة منهم حكيمات أخدوا زيت تاني توفيه
والخمسة الباقيين جاهلات قالوا اللي معانا كافيه

القرار- (هاسبحك وأمجدك حتى ولو عيني مش شايفاك
مستنيك وأعليك لحد ما تيجي تاخدني معاك)٢

٢- العريس كان لسه ما جاش والعذارى راحوا ناموا
في نص الليل قالوا ده جاي فالعشرة بسرعة قاموا
والجاهلات قالوا للحكيمات مصابيحنا بدأت تطفي
ادونا زيت فقالولهم صعب اللي معانا مش هايكفي

٣- راحوا الجاهلات يشتروا زيت والعريس جيه بالترحاب
والحكيمات علشان جاهزين دخلوا معاه واتقفل الباب
والجاهلات رجعوا بيقولوا افتحولنا الباب ندخل
فالعريس قال ماعرفكوش كنتوا جهزتوا من الأول

١- السيد كان هايسافر وأدى لعبيده وزنات
وحدة وتنين وخمسة وده كان على حسب القدرات
اللي أخدله خمس وزنات تاجر وكسب زييهم
واللي أخدله وزنتين كسب تنين تاني عليهم
واللي أخد وزنة وحدة ماتاجرش بيها وخلاها
وكمان راح وحفر حفرة جاب الوزنة وخباها

القرار- ليك تسبيحنا وكل غنانا وقلوبنا على طول حاباك
بتكآفئنا بكل أمانة على اللي منعمله وياك

٢- بعد ما قضى وقت طويل رجع السد وحاسبهم
فجاله اللي معاه خمسة واداله خمسة كسبهم
فقاله لأنك عبد أمين وعملت المطلوب بنجاح
أنا هاديك أكتر بكتير ومجهز ليك الأفراح
فجاله اللي أخد تنين جابله تنين تاني معاه
واللي حصل ويا الأول عمله السيد وياه

٣- والعبد اللي معاه الوزنة جيه بيهاوي ومافيش تاني
وقله عرفت إنك قاسي وسيد ظالم وأناني
فقلت أدفنها وأرجعها فالسيد قله يا شرير
لو كنت اديتها لتجار كنت كسبت عليها كتير
وأخد الوزنة اللي معاه واداها لأول كسبان
وأمر إنه يرموه بره في مكان يفضل فيه ندمان

١- قرية صغيرة اسمها بيت عنيا فيها عيلة من ٣ إخوات
هم لعازر ومرثا ومريم عدوا في أصعب الأوقات
وبعتوا رسالة ليسوع تعال عشان أخونا عيان
بس يسوع اتأخر حبة علشان مجد الله هايبان

القرار- ليك عالموت سلطان والمستحيل عندك ممكن
هانسبح ليك مهما كان لحد ما في سماك نسكن

٢- مات لعازر صاحب يسوع وجوه القبر هناك دفنوه
وقفلوا القبر بحجر كبير وبأحزان ودموع ودّعوه
ويسوع جيه في اليوم الرابع سمعت مرثا فجريت عليه
قالتله لو إنت جيت من بدري ماكنش هايحصل اللي إحنا فيه

٣- وبعد شوية مريم راحت وسجدت عند رجلين يسوع
وقالت ليه نفس كلام مرثا وقعدت تبكي بالدموع
ويسوع بكا قدام الناس وسألهم فين دفنتوه
ولما راحوا عند القبر شاف الحجر وقال ارفعوه

٤- وقالت مرثا باستغراب ليه ٤ أيام مدفون
رد يسوع عليها وقال آمني وهاتشوفي إيه هايكون
ويسوع صرخ وقال لعازر اخرج من القبر حالاً الآن
وفيه ناس آمنت بعد ما شافت والعيلة رجعوا البيت في سلام

١- ادى زمان قوي يسوع أمثال منها مثل الخروف الضال
(قصة راعي كان بيراعي كل خروف في عينيه متشال)٢
كان بيرعى ١٠٠ خروف وفي حضنه متدفيين
(يبص عليهم وقام يشوف لقاهم ٩٩)٢

القرار- (جايين بنسبح ونغني ليك علشان عايزنا نبقى قربك
لما بنبعد مانهنش عليك وترجعنا تاني لحضنك)٢

٢- دوّر عليه نفسه يلاقيه ومن بعيد لمحه بعينيه
(وعلى كتافه لما شافه شاله وكان فرحان قوي بيه)٢
وده بيحصل في السما لما وحد خاطي يتوب
(تتملي أفراح وغنا علشان اسمه بقا مكتوب)٢

١- في حكاية حصلت مع بطرس بدأت قبل صلب المسيح
قاله يسوع إنت تنكرني ٣ مرات والديك هايصيح
راح بطرس قاله بشجاعة مش ممكن أنكر معرفتك
أهون عندي إني أموت ولا قول إني عمري ما شفتك

القرار- (وحده يسوع يغفر خطايانا ويملانا بسلامه
منسبحه علشان خلانا أولاده وخدامه)٢

٢- ولما جم قبضوا على يسوع بطرس والتلاميذ راحوا هربوا
لكن بطرس كان بيراقبه بس وهو بعيد مش جنبه
بعد شوية واحدة قالتله إنت كنت قريب ليه
در عليها بصوت متوتر أنا مش عارف بتقولي إيه

٣- مرة كمان قاعد بيتدفى وحدة قالتله إنت معاه
رده كان أنا ماعرفهوش علشان خاف ياخدوه وياه
وكمان مرة ناس كانوا جنبه قالولوا لغتك كاشفاك
فابتدى يحلف ماعرفهوش وساعتها الديك صاح هناك

٤- بعد ما بكى بطرس ندمان ويسوع مات وبقوته مات
راح قابل بطرس مبسوط وعاتبه عتاب بأحلى كلام
وغفرله إنكاره ليه وطلب منه يرجع يخدم
ده اللي بيعمله لينا يسوع للي يتوب من قلبه يندم