كل الترانيم (12961)

1- (مهما عدوي يحارب فيَّ بتجارب أو شهوة ردية
مش راح أخاف أبداً ياراعيَّ حبك ليَّ حماية قوية)2

القرار - (انكسر الفخ ونجاني يسوع الغالي وأحياني)2
فرَّح نفسي كمان عزاني علشان أعيش وأرفع له أغاني

2- (مهما الشرير حام حواليَّ أو هيزود حربه عليَّ
أنا عارف أنها وقتية وبعدها فيه أمجاد سماوية)2
3- (مهما العالم جرَّح فيَّ مهما يقسِّي العيشة عليَّ
أنا شايف إيديك حواليَّ وكلمة حقك نور لعينيَّ)2
4- (مهما الغربة وليلها تكون صعوباتها وألمها تهون
لينا شخصك انت اللي تصون وفي شدتنا هاتدِّي العون)2

1- دي العيون بتداري دموع لينا أرض وفيها يسوع
(لينا وطننا لينا مكاننا)2 ولينا علم بيرف كمان

القرار- (مهما كان مهما كان لينا أرض ولينا مكان
مهما كان مهما كان وعده لينا ده أغلى ضمان)2

2- مهما حارب فينا الخوف مهما عاندت فينا ظروف
(هو حامينا هو راعينا)2 وكان في النار ويا الفتيان
3- مهما كان في الأرض آلام دي السحابة أهي جاية قوام
(جاية تاخدنا زي ما وعدنا)2 وهناك راح ننسى الأحزان
4- مهما حاربنا الشيطان مهما علّى في صوته كمان
(لينا الغلبة ولو في الغربة)2 أصل يسوعنا ده غلبه زمان
5- مهما كان الوقت صعيب بكره شمس الغربة تغيب
(بيصبرنا ويحيي أمالنا)2 إن يسوعنا معانا كمان

1- مهما كان عمق البير اللي أنا فيه
هفضل دايمًا وبقلبي أنادي عليه
هافضل أقول يا يسوع مد إيديك
وارفعني أنا غرقان
القرار- شوف قد إيه حاولت كتير لكن بضعفي بفضل مكاني
مد إيديك وامسك إيدي وضعفي في حوله قوة
2- مهما كان جوايا ضيق وآلام
وكل شيء في عيني اصبح ضلام
هافضل أقول يا يسوع نور عيني

-1مهما كان أسري وقيدي رابطني
وإن كنت خاطي وضعفي سايدني
حبك يرحمني ويغفر لي ذنوبي
وأيدك تسندني وتفك قيودي
2- وإن شكيت فيك ومشيت لبعيد
وجريت وراء شهوة وصنع الأيد
ترجعني بحكمة وبعفو لبعيد
وعطايا بتشهد عن حب أكيد
3- لو كلي جروح وكلي آلام
وقلبي خايف مش لاقي أمان
أنت تطمني بكل حنان
وبروحك تدي نعمة وسلام
4- ارحمني يا ربي لأني ضعيف
غير لي حياتي بقلب جديد
قويني يا ربي.. عيشني معاك
خليني أحبك وأسكن في حماك

١- مهما كان الحال هتقدر ياللي بتشق البحور
مهما كان ع الأرض ضلمة السما مليانة نور
أنت فوق الكل سيد رب عالي في سماك
صرخة المظلوم بتسمع تنصفه من غناك

القرار- بارك بلادي بارك بلادي
يا سامع الصلاة في قلوب كل البشر
بارك بلادي بارك بلادي
التفت لصراخ قلوبنا وأرسل لينا المطر

٢- من قلوبنا بننادي لك بالألوف نصرخ إليك
يد واحدة وقلب واحد واضعين حياتنا بين أيديك
لما صوت الحق يعلى يهرب الخوف والضلال
نزرع الحب في بلدنا نحصد الخير والسلام

٣- يا إله حب اسمع لدعائنا أجمعين
خلي مصر بلدنا جنة رد حق المظلومين
ارفع الخوف والمظالم اطرد الجوع والفساد
وانصر الحب في وطنا والعدالة في البلاد

١- مهما كانت الظروف في ألم وضعف وخوف ربي بيسمع ويمد إيده ويشوف
أصله فاحص القلوب وبحبه ساتر عيوب هو الرجاء هو الحياة هو يسوع

( حياتي ملكك يا ربي فيك فرحي وحريتي
شكري ليك مش هايوفيك إيديك بتحضني وتدفئني )٢

٢- أما حملي يثقل عليَّ وأتوه وتضل رجليَّ ألاقي فيك حب يرفعني أصل اسمه عظيم مهوب قدامه الجبال تذوب هو الرجاء هو الحياة هو يسوع

مهما هانعمل أو هانقول .. إنت يا ربي راسم الخطة
واللوحة مرسومة وجاهزة .. بتوصلها نقطة بنقطة
وإن كان وسط اللوحة خطوط .. متعوجة وكمان شخابيط
ده إنت الفنان الأعظم .. مش هاتسيبها بدون تظبيط
لأنك عارف اللي بيحصل .. واللي هايحصل بكرة كمان
والأحداث دي آلة في يدك .. زي الريشة في إيد فنان
وأكيد اللوحة عشان تكمل .. يبقى فيها تفاوت ألوان
فيها المبهج ويا القاتم .. وفيها الفاتح والبهتان
وزييها ألوان ليالينا .. اللي بتحكي نوع الأيام
فيها ليالي كساها سواد .. وليالي فيها ما بننام
وكل ده لكمالة الخطة .. المرسومة بأفضل إتقان
ولما تكمل بكرة الصورة .. تذمرنا ما يكون له مكان

1- مهما يكون فى العالم ضيق مش خايف يا اعز صديق
2- لا بالقوة ولا بالقدرة روحك عنى يارب يحارب
3- يا إلهى ولحد ماتيجى هاحيا فى خوفك وأستناك
اصللك انت غلبت العالم ومفيش غيرك باب وطريق
القرار - أنا ضامن نصرتى وياك أنا عايش فى ستر حماك
تبقى تملى فى صف النصرة وأعلن دايما بيك أنا غالب
مش راح يسكن غيرك قلبى أنا قلبى أتقدس بدماك
ينتهى مشوار البريه وتكلل غربتى بلقاك

1- (مهما يكون الذنب كبير أو قلبك أسود شرير
ولإبليس أصبحت أسير محتاج قوة للتحرير)2

القرار- (دمه يطهر من كل خطية .. ويحرر إلى التمام
وخلاص كامل م العبودية .. يملأ قلبك بالسلام)2

2- (ده الكلام واضح مكتوب آمن بالرب المصلوب
سيب طريق الشر وتوب يغفرلك كل الذنوب)2

1- مهما يكون في غيوم راح تنزل الأمطار
وتروي الأرض البور وتفيض الأنهار

القرار- (هللويا)2 المجد جاي علينا جاي بالإيمان
(هللويا)2 الفرح جاي علينا جاي بالإيمان

2-مهما يكون في ظلام يشرق نور الأنوار
ينتهي الليل الطويل ويطلع النهار
3-مهما يكون في جوع بنشوف الخير بإيمان
مالي حياتنا بالجود والرحمة والإحسان
4-مهما يكون في آلام افكاره لينا سلام
دي حقيقة مش أوهام ده راعينا على الدوام