كل الترانيم (12961)

1- مهما العالم.. مهما العالم شكله اتجمِّل قوي في عينيَّ
مهما جذبني.. مهما جذبني وحاول إنه يشد إيديَّ
مهما حاوطني.. مهما حاوطني بكل حباله ونادى عليَّ
هافضل رافع عيني عليك.. لأنك إنت

القرار - إنت يسوع اللي إديت المعنى لحياتي
إنت كفايتي ومعاك بانسى كل أوقاتي
وبتشبعني وتسدد كل احتياجاتي
بالقى أماني وراحتي فيك يا سر نجاتي

2- يمكن أضعف.. يمكن أضعف وأرجع تاني أبص ورايا
يمكن أنسى.. يمكن أنسى عملك رغم إنك جوايا
يمكن أحوّل.. يمكن أحوّل عيني عن شخصك يا فدايا
لكن بارجع تاني إليك.. لأنك إنت

مهما العالم شد فيّ أنا مش ممكن أمشي معاه
كل الناس بيقولولي يلا معانا نمشي وراه
أصل أنا طريقي مع يسوعي معاه باحس بالأمان
بالاقي معاه الراحة والفرحة فيه الحب والحنان
مهما الدنيا كانت حلوة عمري ما هابقى بيها فرحان
حياتي مع أبويا أحلى مش ممكن هانام زعلان
مهما حاولوا يسرقوني أنا كنزي مش هنا كنزي هناك مع يسوعي مستنيني في السما

1- مهما العالم متعني أغناني ولا إداني
إبليس حلّاه في عينيَّ وبجماله أغراني

القرار- أنا بيه أبدًا مش مشغول عارف إنه راح يزول

2- ومهما هيكون حالي حلو مر أنا راضي
أنا في العالم هنا غريب والسما مالية فؤادي
3- ومهما عيني ها تشوف ومهما وداني ها تسمع
ومش راح أخلي قلبي يميل أو عيني عليه تدمع
4- وهو وحده الغالي ربي حبيبي وإلهي
ولا يسوى نظرة عينه كل كنوز عالم فاني

1- (مهما العالم صوته بيعلى دايماً صوتك هو الأعلى)2
(صوتك اللي يهز كياني يأسر نفسى بأحلى معاني)2

القرار - (انت إلهي نصرتي..عزي و جاهي فرحتي)2

2- (مهما سهام إبليس بتزيد إيماني بيسوع ده أكيد)2
(وألقى سلامك بيملا حياتي ويا روحك جوه صلاتي)2
3- (مهما تكون الحرب شديدة هاتكون ليَّ النصرة أكيدة)2
(وألقى لساني بيهتف ليك بيعظم اسمك يا مليك)2

[(مهما العالم يجرح فينا واثقين في الهنا فادينا )2
ده في وسط الموت والاضطهادات معانا بيعزينا]2
1- مهما تزيد الألامات والشر علينا يقوم
ها تيجي وتشددنا وتشيل كل الهموم
مهما ها نلاقي صعاب عمرنا أبداً ما ها نتعب
فاكرين دايماً يا إلهنا أنت أتحملت الأصعب
2- مهما إبليس حاربنا وجنود علينا قامت
واثقين في وعدك بثبات وفيك قلوبنا دابت
مهما ها نلاقي صعاب عمرنا أبداً ما ها نتعب
فاكرين دايماً يا إلهنا أنت أتحملت الأصعب

1-(مهما العالم يحاربني بهموم ومتاعب يحاصرني)2
بالجأ ليك يا ربي يسوع سلامي فيك

القرار- (روح قُدسك جوايا دايماً هو عزايا)2
(شايف قيمتي في عينيك يا ناقشني على كفيك)2
باتمسك بيك

2- (لما يكون في حياتي ضيقات ويأس وحيرة تطاردني)2
بالجأ ليك يا ربي يسوع حمايتي فيك

1- مهما العالم يوم يغريني ألقى جمالك ده بيسبيني أنسى الدنيا وكل ما فيها وأنظر شخصك تشبع عيني

القرار - أنت مجنّي ودرعي وترسي .. أنت حاميني وحافظ نفسي مهما عدوي يشن هجومه .. أنت نصيري ورافع رأسي

2- ياللي صلبك كان لنجاتي والدينونة تمنها حياتي قوة دمك هي سلاحي فخر حياتي وانتصاراتي
3- لما عدوي يلف عليَّ ويقدم لي أكلة شهية أحسن أكلة باشوفها نفاية يوم ما بتيجي عينيك في عينيَّ
4- كل منايا لما أشوفك لما أشاهد ربي جمالك ده أنت رجايا ولا فيش غيرك أشواق قلبي ليك صافية لك

القرار- مهما الغيمة بتسود حواليَّ مهما الموج بيخبَّط فيَّ
مهما الغيمة بتسود حواليَّ مهما الريح تشتد عليَّ
(أنا لامس عنايتك بيَّ وحمايتك وسياجك حواليَّ)2

1- (انت راعيَّ وعينيك عليَّ وماليني بسلامك يا فاديَّ)2
(ده في أزماتي ووقت ضيقاتي انت سندي وفُلك نجاتي)2
2- (يا معزِّي نفسي بروحك يا مهِّون لي الغربة معاك)2
(مديون قلبي لكل إحسانك هاعيش عمري أتغنَّى لك)2

(مهما الهموم زادت أنا ليَّ فيك العون
لو الحروب قامت يدّك قوام هاتصون)٢
(والشجرة لو جفت نبعك هايرويها
أنا ليه أبات خزيان ولا أبات مهموم)٢

مهما بعدت في الجبال أو تهت في طرق المحال واثق هاترجعني ليك
مهما بعدت المسافات أو فكَّرت الوقت فات لسه ليَّ فرصة فيك
(شايفك واقف من بعيد فاتح حضنك مادد ايديك مش ناسيني و ده شيء أكيد
ياما عشت في الكهوف نمت في قلق وخوف وبالحجارة جرَّحت نفسي لعنت الظروف
مكنش عندي ولا أمل كنت تايه وسط الصفوف
لكن ظهرت وسط الألم طيِّبت جروحي)2
طيِّبت جروحي..طيِّبت جروحي