كل الترانيم بالنوتة الموسيقية (1055)

١- باعترف قدامك يا يسوع المسيح
إني ماستحقش دماء الذبيح
سالت علشاني والصليب فداني
أنا راجع ليك بقلبي الجريح

القرار- توبة من قلبي اللي تاه عنك بعيد
توبة من قلبي لفاديَّ الوحيد
وأنت زمان ياما خبّطت على بابي
النهارده يا ربي هافتح قلبي وأبوابي

٢- باعترف قدامك بقساوة قلبي
والخطية سادت وأنا شايف ذنبي
وبرغم الخطية باجي باللي فيَّ
اقبلني أنا راجع بتوبة قلبي

القرار- (وباغني بين الناس أنا ليَّ إله عظيم)2
(أنا ليَّ إله عظيم )2
باغني بين الناس أنا ليَّ إله عظيم
1- (سامحني رغم إني عوَّجت المستقيم
ومحا صك ذنوبي وماضيَّ الأثيم)2
2- (أنقذني من الهبوط إلى حفرة الجحيم
وجدت أنا فدية في دمه الكريم)2
3- (إتراءف عليَّ إلهي الرحيم
وعلى الركبتين حملني كالفطيم)2
4- (من حوله أغاني تسبيح السيرافيم
لكن سامع مني الصلاة والترنيم)2

1- (ياللي حوّلت المرارة.. اللي في حياتي لترنيمات
حتى ضعفي و جهل قلبي.. مامنعش الإحسانات)2
(كل ثانية في عمري عدت.. لو هاتحكي تقول كتير
كل نبضة في قلبي غنّت.. بافتكرلك كل خير)2

القرار- (بافتكرلك بافتكرلك)2.. بافتكرلك كل خير

2- (احساناتك تاج و طوق.. على راسي وعلى قلبي
وجوهر التاج اللي فوق.. ده كله موت الصلب ربي)2
(ده اللي خلاني اجي ساجد.. و أحني رأسي وأقول صغير
بالصليب أنا صرت واجد.. في المسيح نعم المصير)2
3- (لولا مسكة إيدك إنت.. كنت أضيع ويا اللي ضاع
أنا مش أفضل من اللي.. خان وأنكر واللي باع)2
(قلبي مديون لك يا غالي.. عمري كله هاعيش أسير
نعمتك رأفت بحالي.. وراح تكمل يا قدير)2

القرار
باقدَّر يا غالي يا ربي يسوع ..
وقوفك معايا في وادي الدموع
باقدَّر وقوفك وسندة كفوفك ..
و نورك في ليلي وضيّ الشموع
باقدَّر يا غالي يا ربي يسوع

1- ده كام مرة شُفتك إله الأمانة ..
ما تقدرش تنكر في نفسك خِصال
لكن جوه قلبي معشش خيانة ..
وكان جوه فكري طموحي وآمال
فِضلت تداري وشرّي تواري ..
مع إني في جهلي رفضتك كتير
لأنك حبيبي وحبك طبيبي ..
ماقلتش لقلبي هاتِرجَع كسير
وجاني كلامك وجاب لي سلامك ..
وجيت باعترف لك وباسكُب دموع
باقدَّر يا غالي يا ربي يسوع

2- كتير كنت باعند واكسَّر كلامك ..
ما بافرقْش عن سائر المخلوقات
باحكِّم في رأيي وأضيَّع سلامك ..
و أخرة إرادتي خسارة وآهات
باحوِّش لنفسي وأكوِّم لنفسي ..
ومش عارف إني باحوِّش نفاية
ولما وصَلَت لأخري في يأسي ..
صرخت يا ربي وقُلت كفاية
ماعُدتش أسيبك هاتبّت في إيدك ..
ويبقى مكانك ده جوه الضلوع
باقدَّر يا غالي يا ربي يسوع

3- سنيني اللي فاتت مشيتها معايا ..
بتقنعني انك أماني الوحيد
و بهجة خلاصك بتملا سمايا ..
وبتقول لي إنك معايا أكيد
بترحم غبائي شرودي وفراقي ..
وترجع تفكرني انك معايا
بحبك تحاصِر وإيدك تناصِر ..
وصوتك يقول لي أنا ليك حماية
و جيت بانحِني لك وأقدَّر جميلك ..
وأقول لك حاوطني لآخر الربوع
باقدَّر يا غالي يا ربي يسوع

1-(باكتبلك أيامي رسالة.. حب أهديها يا رب إليك
وأرسملك تسبيحي حكاية.. هافضل أغنيها يا مليك)2
(وأنا مهما قدمت يا ربي.. هافضل دايمًا ليك مديون
ده انت تجسدّت علشاني.. وشلت كل الهموم)2
(ده العمر منور بيك.. والخير يملا ويفيض
وسرور في القلب أكيد.. أمطار البركة تزيد)2
2-(يا كوكب الصبح العالي.. باعبد شخصك وأسجد ليك
و باسبح اسمك يا غالي.. دي النصرة مضمونة فيك)2
(يا واهب للزهرة تيجان.. والعصفور دايماً شبعان
كل أسرار الكون في إيديك.. يهتف لك قلبي فرحان)2
(يا مهوب أنا باخضع ليك.. يا يسوع أنا حبّي إليك
يا راويني بغمر عينيك.. كل كرامة ومجد إليك)2

1-(بالأحضـــان الأبــويــة.. قلبـك بينـــادي علـيَّ)2
أرجع وأتمتع برضـاك.. عني هناك في المحبـوب
وأسمـع لـنـداء الـغـفـران.. بـالإيـمـان جـاي أتــوب

القرار-(راجع للآب الحنـــان.. واثق إن أنا ليَّ مكـان)2
(بـذنوبـــي أنا راجـــــع.. بـدمـوعــــي أنـا راجـــــع)2
واثــــق إن أنـا لـــيَّ مـكـــــــان

2-(جايلك بخطايا سنيني.. عمري اللي انقضى في أنيني)2
دُقت مرار البُعــد قاســــيـت.. واتمـــنـيـت أرجــــــع لـيـك
عُدت لنفسـي بدمعـي بكيـت.. عنـد البـيـت صارخ لـيـك

( بالأيادي صفقوا .. اهتفوا لله بصوت الابتهاج ) 2
( لأن الرب إلهٌ عظيمٌ .. ملكٌ كبيرٌ على كل الأرض
تخضع الشعوب له .. اهتفوا لله صفقوا ) 2

١- بالجيتارات.. جينا نغني ليك
والأصوات.. مشتاقة تعلّيك
(نسكت ليـــــه ده.. إحنا بيك طايرين
ونقول إيـه.. مهما نقول عاجزين)٢

القرار- مين زيك بنحبك.. نعزف ونرنم ليك
أغنية جديدة نهديك.. ونسبح تاني
نسجد لك ليك وحدك.. ننشد أنغامنا ليك
نتمنــــــــــى.. نقدر نرضيك

٢- مش جـــــايين.. ناخد البركات
ولا طــــــــــالبين.. نشبع ونقول هات
لأ عايزيــــــــــن.. الأفراح نهديك
وبهتافــــــــات.. نحسن عزفنا ليك

٣- لحن جديد.. يخرج منا ليك
مهما نعيد.. مش ممكن نوفيك
عمر كبير.. كل هنانا بيك
حب كتير.. أيوة يا بختنا بيك

1- ( بالعز أمر ورفع راسي .. وسدد عني الدين
فهو إلهي صار لي خلاصي .. صلب ما بين لصين ) 2
يعجز عن وصفه إحساسي .. يسوعنا الأميــــــــن
القرار- أصل اللي مسيج حوالينـا ( أي1 :10 ) هو إله السموات
هو اللي حكم على أعادينا ( مز9:149 ) تهرب م التسبيحات
هو مسيحنا وهو فادينا .. من عنا صلب ومات
2- هو اللي نشلني ونجاني .. من طين الحمأة
هو اللي غسلني وكساني .. بتوب النعمة
هو اللي عطاني سلطاني .. على الخطية
3- من أجلي كسر كل المصاريع ( مز107 : 16 ) .. أنار لي الظلمات
وجعل من دمه لي حصن منيع .. أسحق بيه الحيــــــات
حمل في جسده خطايانا ( 1بط2 :24 ) .. وشفانا بالجلدات
4- ليه الكلمة وليه السلطان .. من يقف في وجهـه
هو الكائن ومن قد كان .. يهوى هو إسمـه
في شخصه لنا الضمان .. يسوع من مثلــــــه

القرار - باندهاشٍ وإعجاب بإجلالٍ وخشوع
نصرخ عجيبٌ أنت أيها الرب يسوع

1- حَلَّ في حضن البتول ولم يفارق حضن الآب
نزل إلينا عمانوئيل وهو ماكث في العلاء
2- الذي نزل هو الذي صعد وكان في عرشه
نزل ولم يخل السماء وصعد ولم يتركنا
3- الذي يكوِّن الأجنة في البطن صار
جنيناً ولفّوه بأقمطة من قطن
4- من ليس له بدء واسمه قبل الشمسِ
أتى في ملء الزمان وهو الآتي والأمس
5- قال يوحنا سيأتي بعدي من كان قبلي
حمل الله القدوس جاء يعمَّد من قِبَلي
6- الخفي قد تجلى والغني قد افتقر
ننطق بعظمته ولا يوصف لأنه سر
7- الجالس فوق الشاروبيم أخلى نفسه
من المجد النار الآكلة اقترب منا في جسد
8- المجوس رأوه كطفل وسجدوا له كرب
الكل عاش بيننا كإنسان وكإلهٍ كان يعمل
9- جاع وعطش كإنسان وأشبع وروىّ
وأراح نام كأبناء الجسد و كالله انتهر الرياح
10- مشى على الأرض كبشر وعلى المياه كالمُتعال
وبكى عند القبر وقال للميت أخرج في الحال
11- مخدوم الملائكة وكل جند السماء
صار خادم الخلاص لكل البشر الخطاة
12- حاكموا قاضي القضاة و قَبِل مع أنه البار
حُسب في عداد الخطاة ليحسبنا مع الأبرار
13- ألبسوه تاج شوكٍ وهو متوِّج الملوك
ضُرب على الرأس كعبدٍ ليرفع رأس العبيد
14- أيهان العظيم؟ أيذل المُمجَّد؟
أيوضع المرتفع؟ يا لعظم حبك!!
15- اتضع هذا العظيم ليرفع المتضعين
قَبِل أن يُربط ويُقيَّد ليفك المقيدين
16- الأيدي التي صورت آدم وشفت الجميع
سُمِّرت على الصليب وشُوه الوجه البديع
17- عُلِّق من ثبّت الأرض لأقدام الإنسان
وارتفع فوق الصليب الذي رفع الأكوان
18- مات بإرادته ودُفن باختياره
وقام بقوته وصعد بقدرته
19- وهو كائنٌ معنا وسيأتي في مجده
لافتداء المُقتنى لنُمجده إلى الأبد