كل الترانيم باوربوينت بالصور (1786)

١- (لماذا أشكوك لقلبي وكأنك مصدر كربي)٢
وألومك على ما يكدر صفو دربي لماذا أشكوك لقلبي
وأنت تحزن لبكائي وأنت تسرع لعزائي
(وأنت نور لظلامي وأنت لدائي دوائي)٢

٢- (لماذا أنسى ماضيَّ ولمسات يدك فيَّ)٢
وأنت في وعودك بت ربي ليَّ وفياً
لماذا أنسى ماضيَّ ليتك تغفر شكواي
ويملأ نورك عيناي
(يا من عيناه لا تغمض أو تغفل عن رؤياي)٢

٣- (لهذا أدعوك بقلبي فأنت خالقي وربي)٢
وعليك ألقي همي يا من ذقت الهم لأجلي لهذا
أدعوك بقلبي كل أمري في يديك
والغد محفوظ لديك
(أثق في شخصك وفي حبك يا ناقشني على كفيك)٢

1- لماذا نحن فقراء .. وإلهنا غني
لماذا نحن ضعفاء .. وإلهنا قوي
(قوموا نترجاه .. يمنحنا رضاه)2
(وبغنى النعمة يغنينا .. ويحل بروح قدسه فينا)2
القرار- (باركنا واستخدمنا)2
(وبروح قدسك قيدنا)2
2- لماذا نحن خائفين .. وإلهنا معانا
لماذا نحن مرتعبين .. وسلامه أعطانا
(هو معانا هو فينا .. هو الماسك بأيدينا)2
(ماحدش يقدر علينا .. أو يخطفنا أو يأذينا)2
3- لماذا نحن مهتمين .. والمستقبل لينا
نحن غير متروكين .. والرب راعينا
(في أيام الجوع يشبعنا .. في العطش هو يروينا)2
(في الشمس يضلل علينا .. وبنوره ينور ليالينا)2

(عايش حزين غايب عني الأمل
من غير عينين ساكن فيَّ الملل)2
( محتاج أشوف.. مشتاق لقدرة وعمل )2
أصل أنا مولود أعمى
( ويعدي على كتير الناس شايفني بعيونهم أعمى
مستني اللي يقدر يجتاز قلبي بالنور والنعمة )2
( ولاقيت اللي بيناديني بالطين عايز يداويني )2
[( مين يصدق أعمى مسكين يكون في يوم دواه الطين )2
ويشوف نور العالم بعد ما عاش أعمى سنين]2
( شافني وناداني وبأيده حن عليَّ
لمسني.. قواني فتح بالطين عينيَّ )2
( فتح بالطين عيني.. فتح بالطين عينيَّ )2

لندخُلن لمحضر الملك ونسجُدنَ أمامه
لندخُلن لمحضر الملك ونرفُعنَ اسمه
بروحه سيغيرُنا نصير مثله
لندخُلنَ لمحضر الملك ونسجُدنَ له

١- لو اتشنكلت في طوبة وبنطلوني اتقطع
وضحكوا أصحابي علي وقالوا الشاطر وِقع
وقفت ونفضت والشنطة وقعت مني
والشنطة بدل الأزرق بقى لونها بني

القرار- أنا عارف إن الله معايا ودايماً يهتم وماسك
كل أُموري في ايده وليه أعول الهم
ومهما حصل لي في يومي هو عارفني
ده راسم لي خطة جميلة وأنا واثق فيه

٢- لو أشطر صاحب لي كان في الفصل غايب
وكنت ناسي كتاب العربي وواقف متعاقب
ولما روحت القطة عجبها أكلي
وفريقي اللي بحبه خسر قدام الأهلي

لو باقي في عودي وتر هافضل أرنم بيه
حتى ولو عودي انكسر قلبي يرنم ليه
قلبي اللي كان انشطر واتقسِّمت أراضيه
ضمِّيت وحبك غفر غيرت ليه أغانيه
بحر الهلاك اتعبر في الدم أنا مخطّيه
يسوع مليكي انتصر يحق نهتف ليه
لو باقي.. لو باقي في عودي وتر هافضل أرنم بيه

١- لو تزول السموات حتى مهما الوقت فات
لكن كلمة من كلامك مش هاتبقى ذكريات
انت لينا إله أمين ثابت طول السنين
وعدت هاتيجي لبلدنا ويعرفوك المصريين

القرار - دي البلد اللي انت قُلت عليها يارب.. "مبارك شعبي"
دي البلد اللي انت جيتها ومكتوب.. منها "دعوت ابني"
دي البلد اللي بدماك وصليبك اشتريتها
مصر محتاجة حضورك اسمع لصراخها وصلاتها

٢- حوالينا أكاذيب ضلمة وخوف رهيب
أعلن يارب حقك وموتك ع الصليب
مهما العدو قال انت إله المحال
ده المقطم ليك بيشهد انت ناقل الجبال

٣- أيادينا مرفوعين بنصلّي وسهرانين
مستنيين مجيئك ده انت ف وعدك أمين
ليسوع تسجد جباه وتعترف شفاه
خلّي شعبك كله يعرف إنك أعظم إله

١- (لو تعرف يسوع لو تعرف حبه
لو تسأل الجموع اللي بتحبه)٢
لو شفته على الصليب في ألم ووجع رهيب
يعلن عن حب عجيب مات مات وفدانا

٢- (قلبك الصُغيَّر يسوع راح يشتريه
والأسود يتغير لما هايسكن فيه)٢
لما هايسكن قلبك بدمه المسفوك عنك
ويديلك حياة مات مات وفدانا

1-(لو حتى الكل هيرحل وقت بكايا مش راح تنسى مرة دموعي
لو حتى الحمل هيتقل أنت معايا أنت يسوعي)2

القرار-(مصدق وشايف في قربك منايا ووجودي وغايتي وبلسم شفايا)2

2-(لو حتى يخوني صديق بعد السنين بيكون وعدك معيني
لو حتى يفوتني حبيب وقت الأنين حبك هو اللي بيحميني)2
3-(لو حتى في يوم يظلمني اللي اتمنيته يبقى لي طول الزمان
كنت اللي جه طمني أنا لقيته عوضي عن اللي خان)2

1-(لو فرض والدنيا ضحكت والسعادة جت في يوم
والمرض والفقر غابوا وكان منابك أعلى كوم)2
(والحياة مابقيتش صعبة واختفت كلمة يا غربة)2
(اسمع اللي فصلها بعد ما شاف أصولها قالك إيه
ماتساويش ماتساويش والكل باطل ماتساويش
ماتساويش ده ثمنها بلاش تفاصل ماتساويش)2

2-(شمس من تحتيها لا منفعة ولا فيها ارتياح
حفنتين تعب الحياة كلها قبض الرياح)2
(خد لي جنبك خيمة يا أبويا إبراهيم يا غريب
نفسي أبعد عن سدوم حتى لو فيها القريب)2
(وأبني مذبح قلبي يفرح بالصلاة والترنيمات
روحي تسبح وألقى مطرح للسكن بعد الممات)2
و أنده اللي فاكرها جنة راجع الحسبة وتأنى
واسمع اللي فصلها بعد ما شاف أصولها قالك إيه
(ماتساويش ماتساويش والكل باطل ماتساويش
ماتساويش ده ثمنها بلاش تفاصل ماتساويش)2