كل الترانيم بالكلمات (10847)

القرار – (هارمي كل اتكالي عليك وعلى كلامك هارمي الشبكة
كل حياتي مِلك إيديك إيد مين غيرك تدّي البركة؟)2

1- (أنا سلمتك كل حياتي وباقول دايماً تبقى مشيئتك
أصل أنا حتى بقلبي الخاطي جربت حنانك وعرفتك)2
2- (كل يقيني إن انت معايا واثق في اللي بتختاره ليَّ
ما انت في ضعفي تبقى حماية وطريق الخير ترسمه ليَّ)2
3- (قلبي بيصرخ لك وينادي إنك تقبل تدخل بيتي
وإن كنت أنا بعتك في الماضي بارك انت عمري الآتي)2

هاسبحه ما دُمت أنا حي ... هارنم طول ما أنا موجود
ما تتكلوش على الرؤساء ... ولا ابن آدم المحدود
(ده يا بخت اللي إله يعقوب معينه ... ورجاؤه هو عليه
دي السماوات والأرض ... والبحر صنع إيديه)2
المُجري حُكم للمظلومين ... المُعطي خبز للمحتاجين
مقوّم كل المنحنين ... مقوّم كل المنحنين

١- عارف اسم النجوم
قايس عرض السما
كفك وازن بحور
ده مافيش زيك إله
وإزاي ممكن أقول
إنك في يوم نسيتني
يا فاحص القلوب
جابلني وخالقني

القرار- (هاستنى ربي الإله
هاستنى وعيني شايفاه)٢

٢- فاهم صمت المجروح
مختبر الأحزان
يشفي ويرُد الروح
ويغير الأزمان
وإزاي ممكن في يوم
أشك في حبه ليَّ؟
أنسى خيره وألوم
حبيبي وفاديَّ

(زي النسور هاجدد قوة
تديني نور وفرح ونصرة)٢

القرار- هاسكت علشان يتكلم جوايا بأمر جديد
وأسجد من قلبي وأسلم وهاعيش تاني المواعيد

١ - حى وقادر بالكلمة يحيي القلب المكسور
ويجي ويرفع بالنعمة ويجبر كل كسور
٢ صوت صارخ في البرية يشهد عن مجد الله
راح أنادي بعز ما فيَّ عن رب اداني حياة
٣ الخير في وجودي معاه والموت علشانه حياة
طول عمري هاعيش مديونله والغالي يرخص لبهاه

١- (هاسيب الكل واختارك وحدك
نصيبي الصالح ليَّ ميراث
وهدفي دايماً إعلان مجدك
وإيديَّ دايماً على المحراث)٢

القرار- (ده شخصك فيه كل الكفاية
اخترته ليَّ أعظم نصيب)٢
(مين غيرك إنت سندي وعزايا)٢
وفي غربتي دايماً قريب

٢- (هاسيب الكل وأشبع بيك
عند قدميك وأسمع كلامك
وأخلي عينيَّ تملى عليك
وشغلي الشاغل أكون خدامك)٢

٣- (هاسيب الكل وأبقى سماوي
ع الأرض دايماً أشهد باسمك
وتسبيح اسمك أنا قلبي غاوي
لحد ما أشوفك يا ربي في مجدك)٢

١- في الوقت اللي كل الناس فيه كأنت بتهرب من المكان
اللي كان الأبرص فيه يسوع قرّب ولمسه كمان
حس بإيد اتمدت له وبكلمات هادية قالت له
قوم اليوم منتاش مريض هابدأ وياك عهد جديد

القرار- هاشفيك وهاجدد فيك كل اللي مات من تاني هاحييك وتكون في حياة معايا أجمل حياة
وتكون شهادة وليك دور إنك وبعد سنين مكسور تقوم وتقول للناس شفاني الله

٢- ياللي أنت عايش سنين مجهول تايه وسط ملايين الناس
لا أنت غالي أنت مقبول مش كمالة عدد وخلاص
ليه خجلان من ظروفك روحله ده مستني يشوفك
قادر يرجع اللي راح يخلق بدل الحزن أفراح

القرار- (هاشكر ربي في صحرا حياتي.. إلهي الراعي عنده مراعي
راح يرعاني ويسكنِّي.. الوادي وهاينسيني أوجاعي)٢

١- عارف إن أنا غالي عندك.. عمري ما كنت زيادة في شعبك
ابن ووارث ليَّ مقامي.. ليَّ مكانة عزيزة في قلبك
الحق يقول إنك قادر.. مهما نشر إبليس أكاذيب
يفضل قلبي لشخصك صابر.. واثق إني غالي وحبيب
٢- وسط آلامي قلبي يغنّي.. عشان عارف وأنا مستنّي
إن الوقت الصعب معاه.. هايفيض أفراح وانتصارات
في التجربة لفوق ترفعني.. تسند ضعفي و تمشي معايا
وعيوني تشوفك بالبركة.. تملا سنيني وتِغني أيامي

القرار- (في كل يوم أنا هاشهد عنك
في كل يوم أنا هابقى صورتك
في كل يوم هاسبح اسمك يسوع)٢

١- (صوتي هايعلى وهايهتف ليك
مجداً لاسمك يا مليك
قلبي بينبض بالحب ليك
حبي لشخصك أنا مستنيك)٢
٢- (ليَّ رجاء فيك يا يسوع
هاييجي اليوم وهاكون أنا فوق
فوق في سماك وفي محضرك
هاعيش هناك للأبد)٢
٣- (في كل يوم إنت بترعاني
تجذبني ليك بكل كياني
تملاني سلام وتقويني
وفي وقت الغربة إنت تعزيني)٢

هاصدق إنك حي وهاصدق إنك جي
وهاصدق إنك هاتاخدني معاك
هاصدق إنك أنت الإله وأنت واهب الحياة
وأصدق إن أنت عظيم وبكل أموري أنت عليم
هاصدق إن أنت الطريق وأنت الحق والحياة
وأصدق إن بدون صليب مفيش معنى لأي حياة
هاصدق إن أنت قريب لأني بدعوك تستجيب
وأصدق إنك حاسس بينا لأنك عشت زينا

١- (هاصمد رغم الحرب عليَّ
وهاعلن حبك مهما يكون
وأنسى أوجاعي وكل ما بيَّ
وجبل الصعب معاك هايهون)٢

القرار- (في طريق بتكون فيه النعمة
هي السندة وسور من نار
تحاوطني برعايتك ليَّ
وتبقى لي راحة لآخر الدار)٢

٢- (عمري ما هاقدر يوم راح أسييك
حتى ولو إحساسي أنا مات
ده أنت وجودك نوّر عمري
وحيا في قلبي حنين كان مات)٢
٣ (ولما باحس إن أنا مقفول
وصلاتي فاترة وعادية
بادخل مخدع ربي وأقوله
اروي حياتي البور بالمية)٢