هاني نبيل (69 ترنيمة )

1- (بنلاقيك وسط المصاعب .. في المشاكل في المتاعب
في الضيقات ملجأ وقوة .. تدّي منفذ وقت التجارب)2

القرار- (وحدك انت كفاية لينا .. وات بس تملا عينينا
صخر كامل سور نار وميناء .. انت يا ربي يسوع)2

2- (انت راعي عظيم ونادر .. في جناحيك بنلاقي ساتر
مستحيل ييجِي يوم نضيع .. وانت إلهنا شديد وقادر)2
3- (اللي فات سلّمناهولك .. واللي جاي بنديهولَك
انت أمين ما بتِنسى وعدك .. تجاوب اللي بيندهولك)2

1- (مش عايل الهم وأنا معاه بأحتمي في الدم وفي حماه )2
(وأنا يوم ما أحتاج خيره أمواج بيزيد ويفيض بأبشع بغناه )2
القرار- (ده إلهي في السماء فوق عالي وأنا ابنه
على قلبه غالي والعشرة معاهبتحلالي.. هللوياهللويا)2
2- (أوقات بألقي الخوف يملاني وأفتكر إنه إلهي نساني)2
(لكن على طول بسمعه بيقول في وسط الضيق راح تلقاني)2
3- (فرحان من قلبي وبرنم وأتعلمت لشخصه أسلم )2
(هو بيعول والهم يزول أنا بأعرف منه وبتعلم )2

القرار – (ما يهمنيش غيرك أنت يا ربي ما يهمنيش
ولا يشغلنيش أي شيء وأنا بامشي في دربي ولا يشغلنيش)2
1-( شايف شخصك قدامي هدفي وغايتي وسلامي)2
(مهما تكون حرب كبيرة مش هارجع يوم في كلامي)2 ... ما يهمنيش
2- (وأنت بنفسك ترعاني ما هايحصل يوم تنساني)2
(وسلاحي في يديّ وعودك تُرسي وأمني وضماني)2 ... ما يهمنيش
3- (مش هاخلص عمري لغيرك ياللي بتغمرني بخيرك)2
(واثق ما هييجي اليوم فيه مش هاشغل تفكيرك)2 ... ما يهمنيش

القرار- (شبعي فيك بَرتوي منك أنت إلهي وعيني عليك
منتظرك راحتي في شخصك قلبي وروحي بين أيديك)2
قلبي وروحي بين أيديك
1-(لما أشبع منك راح أدوس على عسل العالم وما فيه
من شهوة وده شيء ملموس لكن وعدك هاغلب بيه)2
لكن وعدك ها غلب بية
2-(ارويني بحبك يا فادي أملاني بروحك يا مليك
اخفيني وأنت اظهر في علشان مجدك يرجع ليك)2
علشان مجد يرجع ليك
3-(منتظرك غير خطواتي أتحول وأبقى بركان
يتفجر عملك في حياتي تعمل بي في كل مكان)2
تعمل بي في كل مكان
4-(عيني عليك تيجي وتاخدني وأعيش قدامك على طول
ف الأبدية أنا هافضل أغني وضيقاتي تنتهي وتزول)2
ضيقاتي تنتهي وتزول

1- (بيطمني كلامك وبيغمرني سلامك
ودايمًا أملي فيك يا حبيبي واثق في سلطانك)2
(عارف إني كل أسراري مش مخفية عليك
علشان كده أنا جاي باسلم كل أموري في إيديك)2
2-(عايش أنا لحبيبي وحبيبي دايمًا لي
ومافيش غيره هو نصيبي ومالي الدنيا عليَ)2
(هو إلهي هو حمايتي على مر الأيام
كل حياتي هو كفايتي ومعاه أنا في سلام)2
3- (قربك هو عزايا ولقاك هو رجايا
ومهما يكون أنا ليك مستني وتحقق لي منايا)2
(لما تجيني وتهنيني على طول هابقى معاك
تمسح عيني تمحي أنيني وأسكن أنا في سماك )2

1- (اديني يارب القوة أعيش لك ثابت فيك
وأكون من برة وجوة باعكس صورتك وأرضيك)2
قويني انت على ذاتي افطُمني عن لذاتي
تبقى شهوتي في حياتي (أشبع وأتلذذ بيك)2

القرار- (أنا عايز اللي يشوفني ويقرب ويعرفني
يعرف إن أنا ملكك وده أمر يشرفني)2

2- (نقيني وخليني شبهك اظهر ف ملامحي يا بار
وبنورك اسطع فيَّ يا إلهي يا أبو الأنوار)2
وان مرة فتوري طفاني اشعل نار حبك تاني
انهضني وهز كياني (بدل ضلمتي بنهار)2
3- (قدسني وليك كرسني هيأ قلبي لسُكناك
أفضل ع الأرض سفيرك من اليوم ولحد لُقاك)2
نورني بنور رباني وبروحك انت املاني
يتغيَّر شكل زماني (لما أبقى مُنايا رضاك)2

القرار- (شكراً ليك يارب شكراً من كل القلب)2
(على صنيعك معايا وإحسانك إليّ)2
شكراً ليك يارب .. شكراً من كل القلب

1- [(شكراً على يوم جديد قلبي فرحان سعيد)2
من يوم ما دخلت عمري واديتني قلب جديد]2
شكراً ليك يارب
2- [(شكراً على خير كتير دايماً قلبك كبير)2
تديني أكتر ما باطلب بسخاء وبدون تعيير]2
شكراً ليك يارب

القرار- سعادة بتملا قلبي لأنك أبويا وربي
ده مافيش يوم بيعدي إلا وألاقيك جنبي
بتملاني بسلام ما يوصفوش كلام
وبتهون الآلام طول ما انت في قربي
1- (فرحك هو قوتي وعدك نوري وصخرتي
نعمتك هي اللي تكمِّل وبتسندني في غربتي)2
2- (روعة حبك ورحمتك طولة بالك و رأفتك
حلقك كله حلاوة يا ربي قلبي يدُوب في محبتك)2
3- (بتطمني قوتك ده الكون كله في قبضتك
ومافيش شيء يصعب على شخصك ليك سلطانك ورهبتك)2

القرار- (أبداً ما نسيتني ولا طرفة عين ما انت اللي ناقشني على الكفين)2

1- (من يوم ما دعيتني وقبلتني وبحسب وعودك حفظتني)2
وفي وقت الخوف شجعتني وجوه في حضنك أنا اتدفيت
2- (من كل جروحي ضمدتني فوق منكبيك جيت شيلتني)2
وفي وسط ضيقي سندتني وكل ما بيَّ انت اللي داويت

1- (دي خطة حياتي ضامنها في ايديك
شايفها يوماتي غلاوتي عليك)2
(حاسسها في أماني سلامي وضماني
في كل المعاني الحلوة اللي فيك)2.. الحلوة اللي فيك
2- (في يوم ما تهاجمني رياح الحياة
وبضغـــــط تلاخـــمني ومافيش طوق نجاة)2
(أشوفك قريب حنين وطيِّب
وخاطري تطيِّب يا أروع إله)2.. يا أروع إله
3- (ما في شيء يهدد شعبك في المراعي
ولا شيء يبدد خرافك يا راعـي)2
(مسيج حواليَّ .. ووعدك ده ليَّ
إني جوه في يدك .. قلبـي وشراعي)2.. قلبـي وشراعي