ماجد موسى (21 ترنيمة )

مافيش أقرب منك يا رب لنفسي وروحي
وكياني بتسكن بين خبايا القلب تفيض
جوايا تملاني تغيب الدنيا عن عيني حنانك
لي يسبيني أموت فيك وإنت تحييني يا أعمق
من معاني الحب أقول لك إيه أنا مش قادر
أوصف حب وصف كبير أقول لك ليه أنا هاسكت
عشان حبك فوق التعبير يا رافع نفسي من موتي
إيماني إنك سامع صوتي في عز هجوعي
وسكوتي وقبل ما أبدأ التفكير سنين بتفوت
ماليش في الأرض حاجة وكل حلمي سماك هاعيش
وهاموت وأنا باشتاق لك إنت ونفسي أكون وياك
ده وعدك ليَّ هاتجيني مطمني ومعزيني
ياريت لو تنتهي سنيني وأعيش الفرحة وقت لقاك

القرار - استلم حياتي بارك سنيني أنا جاي اسلم حياتي ليك
البعد عنك زود أنيني تجريحي فيك بكى عينيك
1- آسف يا ربي ع اللي ضاع من عمري وأنا عايش بعيد
قضيت حياتي في الضياع ساعدني ابدأ من جديد
2- قد اية أنا كنت جاهل لما بعدت وقولت أسيبك
أنا اللي ماكنتش أستاهل نقطة دم تسيل في صليبك
3- لسة آلامي تدمي جراح كل ما أفكر في اللي جرالي
بس أنا واثق في الأفراح في قربك هتغير حالي
4- سامحني أنا كنت قاسي وماعرفتش قيمة حبك
باهرب منك وأعمل ناسي وانت شايلني جوه في قلبك

القرار - (مشتريك)2 مهما بتعذبني بأيديك مشتريك
(مشتريك)2 مهما تعمل قلبي برضه نبضه ليك
(مهما تقسى مهما تجرح برضه ليك جوايا مطرح
مهما تبعد (روحى يا ابني)2 لسة فيك)2
1- (لو مليت بالمر كاسي لو غرزت الشوك في راسي
مهما بذنوبك تبيعني قلبي عمره ما يبقى قاسي)2 مشتريك
2- (كنت ليك يا ابني الطبيب شيلت ذنبك على الصليب
كل جرح أنا قولت لازم أفدي به ابني الحبيب)2 مشتريك
3- (بس ارجع ليَّ تاني حِس حُبي ودوق حناني
ده انت ابني حتة مني انت من روحي وكياني)2 مشتريك

(عمال تداري في عيوبك برتوش ألوان
وكل مرة بتدّارى خايف لتبان!)2
لسان جميل بيتكلم والفعل مافيش
والفرصة لو ضاعت منك (انت الغلطان)2

(ياللي انت تحت حمول وبينحني ضهرك
ارفع عينيك عينيك لفوق في رب منتظرك)2
(تُلقي عليه الأحمال والهم ويا الضيق)2
ده هو وحده اللي يقدر يشيل الحمول عنك

1- (أنا كنت عايشة زي ما كل الناس ما عايشة
عيانة ومش لاقية العلاج
بإيديَّ دول من زمان من قلبي حايشة
أبسط معاني الاحتياج)2
(على البير لاقيتك يا يسوع مستني
عطشانة ليك ارويني نجيني واحييني)2
عطشانة ليك ارويني واحييني
2- (ما أعرفش ليه قلبي نطق من فرحته
ونسيت كمان أنا جاية ليه
بير ده إيه اللي أرتوي من ميته
ما شربت منه عمل لي إيه؟)2
(دوقني يا يسوع مايتك واروي سنيني
عطاشنة ليك ارويني نجيني واحييني)2
عطشانة ليك ارويني واحييني
3- (أرضي بقالها كتير اوي متشققة
وسنيني اللي أكلها الجراد
علشان كدة دبرت يا إلهي لُقا
يجمعني بيك على إنفراد)2
(سامرية لكن جيت لعندي وبتناديني
عطاشنة ليك ارويني نجيني واحييني)2
عطشانة ليك ارويني واحييني

1- [(اطمني بيكِ المسيح بيعتني)2
مرفوعة راسك ما تخافيش وعمرها ما هاتنحِني]2
(اطمني ده مافيش كلام هايهمِني)2
يا كنيستي قومي ما تقلقيش (ولا أي حاجة تهزني)2

القرار- (يا كنيسة ليكِ إله عظيم
شايلك في عينه وحاميكِ
وكل أبواب الجحيم
مستحيل تقوى عليكِ)2

2- [(اتكلمي للشعب قولي وعلِّمي)2
وقت المِحن ما تدمعيش بالعكس غنِّي ورنِّمي]2
(اتكلمي حضن المسيح فيه احتمي)2
بيه افرحي وما تزعليش (في عز ما بتتألمِي)2
3-[(اتشجعي وللسما إيديكي ارفعي)2
ولغير إلهك ما تروحيش ولصوته وحده اسمعي]2
(اتشجعي وبلاش يا أمي تدمعي)2
ده يسوع أكيد ما بينساكيش (ولحكمه انتِ بِتخضعي)2

القرار- (انت شايل حملي لو زايد ومايل
انت قايل وعد لو كان حالي مايل)2
(انت أب ورب ومافيش ليك بدايل
باشكرك يا إلهي وباعد الجمايل)2

1-(انت أب بتستجيب أول ما أقول
انت رب بتختفي معاك الحمول)2
ده بجد حب حب أبدي ولا عمره زايل
2- (انت طيب حتى لما باسيب إيديك
بتقول لي طيب برضو هادور عليك)2
وقريب وكمان عمال تحايِّل
3- (انت جيت من سماك يا إلهي ليَّ
ومدّيت إيدك الحلوة لإيديَّ)2
وبقيت مصلوب علشاني والدم سايل

1- (فيه أب مات علشان يعيش ابنه في هناء
بدد مخاوفه المؤلمة وبيها أعتنى)2
(حبه عجيب ومين هايقْدر يوصفه؟)2
الأب ده يبقى المسيح والابن أنا

القرار- (معقول أنا محبوب كده بجد حب مش عادي!
وكتير عليَّ إني أكون غالي اوي للدرجة دي!)2

2- (ملك وساب مُلكه علشان ابنه الوحيد
عاش فقير بس بغِناه ابنه اغتنى!)2
(وبان ضعيف مع إن سلطانه أكيد)2
الملك يبقى المسيح والابن أنا
3-(راعي خراف مرة خروف سابُه وتاه
عدّت عليه الثانية في بِعاده سنة)2
(دوَّر عليه وفرِح اوي لما لقاه)2
الراعي ده يبقى المسيح والضال أنا

1- (من النهاردة بقيتِ أمي زي ما إلهي طلب
هو وصاني عليكِ قال لي ساعة ما اتصلب)2
(شيلها في عينيك)2 يا يوحنا
(قال لي برضو يوحنا ابنك لما جاز في نفسي سيف
شال همومي في عز تعبه وشكله كان متهان ضعيف)2
(كل ده)2 عمله عشانّا
حبه صعب علينا وصفه صعب نتكلم عليه
ما انت تلميذه وعارفه شفت حُبه قد إيه
حبه صعب علينا وصفه صعب نتكلم عليه
ما انتِ أمه ودُقتِ عطفه وعيشتي وياه وعاشرتيه
2- (كنت على كتفي بانام وأنسى كل مشاكلي جنبه
عمري ما قابلت في حياتي قلب طيب زي قلبه)2
(فيه حنان)2 ما بينتهيش
(على الصليب قدِّم حياته وأشترانا بأغلى دم
كنت فرحانة وبابكي أصل أنا عبدة وأم)2
(مات عشان)2 احنا نعيش
حبه صعب علينا وصفه صعب نتكلم عليه
ما انت تلميذه وعارفه شفت حُبه قد إيه