هاني روماني (66 ترنيمة )

القرار- ( شعب المسيح يرنم.. و يعلّي هتافه
في غناه الرب مكرّم.. بجماله وأوصافه) 2

1- ( الله محبة وحبه.. يشفي العـليـل
وأمانته ثابتة وحقه.. جيل بعد جيل )2
( يبعت في الصيف سحابه.. في الشتاء ملجأ لأحبابه )2
ودمه اللي سال عشانا.. أعظـــــم دليــــــــل

2- ( الله عظيم ومجده.. غطّى السحاب
اسمه مهوب واسمه.. رب الأربـــــــــــاب )2
( يجمـع شعـبـه يـغـنـوا.. يـفـرحـوا في القـرب مـنـه )2
وما دام هو في وسطهم.. هاتفــــوح الأطيـــــــاب

3-( الله في الحُكم عادل.. ينصف المظلوم
وعينيه كاشفة الحقايق.. والكل معلـــــوم )2
(هافضل أهتف وأغني.. حتى من قلب سجني )2
إلهي حي ويسمعني.. ويزيــــل الغيـــــــوم

القرار- ( الله هو أبويا.. وأنا على قلبه غالي
الله هو أبويا.. وداري بكل حالي )2

1-(( وإذا كان بنفسه نسبني ليه.. مين يهز إيماني بيه )2
وده مش أمل ولا رأي أو.. فكر في خيالي برتاح إليه )2
بحق دم ابنه اللي سال.. بحق سلطانه ع المحال
بحق حب فاق الخيال.. ومهما جاني العدو وقال.. ومهما قال

2- ( لا يتوصف.. إحساس بإني منتسب لله
ويقين بيجري.. في عروقي إن ليَّ حياة)2
(لا مجال للشك.. في حضوره اللي يسبي
أو وضوح صوته.. يقول لي أنت ابني )2
(معنى بيخليني.. في الضيقات أسلم
وألقى نفسي.. في عز تجربتي برنم )2 برنم

1- ( أتعـب كتيـروأحـزن كتيـر.. لما أختارلنفسي طريقى وفيه أسير
أتعـب كتيـروأحـزن كتيـر..لما في بُعدي بإيدي أحفرألف بير )2
وأنسى كلام قلتـه كتـيـر..إن أنت دربي وحدك (ومعاك المصير)2

القرار-(محتاج لصوتك .. محتاج رعايتك
محتاج تقوللي..أنا حاسس بحيرتك )2
ترشدنـي ميـن..وتقوللي فيـن
تمسكني يدك أنت.. ( من إيدي اليمين )2

2- ( أفـرح كتيـروأبقـى بصيـر.. لما مشورتك تبقى نوري في المسير
وأنسـى الآلام وأنسـى المـلام..لما ألاقي في اللي اخترته كل خير )2
وإن نادانـي البـعـد تـانـي..أحرسني من ضعفي (ومن ميلي الضرير )2

١- [(وبفرض إنها أيام صعبة .. والناس تعبانة ومضطربة)٢
ما أنا عارف والرب شارحها .. ومسمِّيها زمان الغربة]٢

القرار- (وأنا هاعمل كل اللي عليَّ .. هاثبَت على موقفي ومكاني
وهانوَّر ليلي بأغنية.. تِعلن في الضيقة إيماني)٢

٢- [(ولا عمري أكابر على ضعفي .. ما أنا عارف حدّي وقدراتي)٢
عارف برضه اللي في صفي .. الله السامع لصلاتي]٢
٣- [(واللي ما صطادش الليل كله .. راجع بيجَرجِر في ذُلُّه)٢
لو سِمع النعمة هاتقوُل له .. وتِدلُّه يصير كأسُه ريّا]٢

1-(ياللي أمامك حياتي.. من قبل تكويني
مكشوفة ليك يا جابلني.. أيامي وسنيني)2

القرار- (بارتاح على صدرك.. واتدفى بالحنان
ترويني من نهرك.. راحة و فرحة وأمان)2

2-(عديت عظامي وعارفني.. بطباعي وصفاتي
ضحكي ودمعي وأصغر.. تفاصيل حياتي)2

كذبوا.. من قالوا إني وحيد.. في الأرض دون سنيد
من هزأوا من إيماني.. بربي المجيـد
كذبوا.. من زيفوا الكلمات.. واستسلموا للذات
وأشاعوا أن الله.. بعيدٌ بعيدٌ كما السماوات.. كذبوا
(فالله يرعاني كما.. يرعى الأب الأطفال
والله يحميني إذا.. ساءت بي الأحوال)2
(وإلهي في قربي.. يشبعنـي بالحـب)2
وينيـر لـي دربــي.. ويحــقق الآمــال

١- (الله بيدعمني ويسندني .. وف وقت الأزمة بينجِدني
وإن كان وارد أتوه في السكة .. ألاقيه يناديني ويرشدني)٢

القرار- (مش حاجة تطمن؟ طبعاً طبعاً بتطمِّن
والجاي متأمن؟ طبعاً طبعاً متأمِّن)٢
(يبقى أنا كيف أتوكَّل على إنسان؟
و إزاي أحزن لو فارقوني الأعوان؟)٢
وإذا كنتم شايفني وحدي .. أنا مش وحدي
(ده اللي معايا .. اللي معايا .. اللي معايا سيد الأكوان)٢
٢- [(ماتقولش كثيرة وقليلة .. لا تُعدم من يده وسيلة)2
شايل أركان الكون كله.. وعارفها بأصغر تفصيلَة]2

1- (أمور الله عجيبة .. مواعيده عجب العجاب
بيغيَّـر الأزمــان .. ويســـبّب الأسبــاب)2
إذا عدّاني في صحرا .. يفتـح لي ينبوع في صخرة
وإذا اشتدت مجاعة .. يبعت خبزي ويّا الغـراب

القرار- إلهي صخر الدهور .. لا ينعس لا ينام
قدامـه الكل واضـح .. في النــور زي الظــلام
والقدرة في إيده وحده .. والكل يخضع لمجده
ولأني غالـــي عنده.. قلبــي مليــان ســــلام
قلبــي مليــان ســــلام

2- (مـحـبـة الله عجيبة .. تعلا فوق الجبـــال
محـبة كمان قريبة .. ثابتة في كـل الأحـوال)2
يا حبّه يا طـــول أناته .. لكـل ولاده وبنــــاته
أب مـثالــي ورعـــايته .. هـي كـمـال المثــــال
3- (ســلام الله عجـيب .. ويبان وسـط الخطـر
تلقـى المــؤمن يرنـــم .. رغـم الألـم والضـــرر)2
عشــان في قلبه إيمـان .. بـالله رب الأمــان
الناس شايفه جفـاف .. وهـو شـايفـه مطــر

١- مهما كان الحال هتقدر ياللي بتشق البحور
مهما كان ع الأرض ضلمة السما مليانة نور
أنت فوق الكل سيد رب عالي في سماك
صرخة المظلوم بتسمع تنصفه من غناك

القرار- بارك بلادي بارك بلادي
يا سامع الصلاة في قلوب كل البشر
بارك بلادي بارك بلادي
التفت لصراخ قلوبنا وأرسل لينا المطر

٢- من قلوبنا بننادي لك بالألوف نصرخ إليك
يد واحدة وقلب واحد واضعين حياتنا بين أيديك
لما صوت الحق يعلى يهرب الخوف والضلال
نزرع الحب في بلدنا نحصد الخير والسلام

٣- يا إله حب اسمع لدعائنا أجمعين
خلي مصر بلدنا جنة رد حق المظلومين
ارفع الخوف والمظالم اطرد الجوع والفساد
وانصر الحب في وطنا والعدالة في البلاد

١- أنا ليَّ دور في الأرض عايش باعمِله
أنا ليَّ واجب باسعى لأجل ما أكمله
في الضِل ماشي أو في بؤرة الأضواء
ليَّ وطن باحيا سفيره وأمثله

القرار – (ملكي يسوع المسيح .. ربي يسوع المسيح
راية انتصاري سبب افتخاري .. إني من شعب يسوع المسيح)٢

٢- الله شايفني والملائكة والبشر
في السفر بيسجِّل تفاصيل الحياة
ورد فعلي في البراح أو في الخطر
يعكس إيماني والأمان اللي في حماه
٣- عمري هنا فترة وهاتخلَص عن قريب
قِصرت ولا طالت أنا برضه غريب
أما الوطن هو الرجاء المنتظر
وهاشوُف يسوع ويمتلي بجماله النظر