هاني روماني (66 ترنيمة )

(هل لخاطي زيي ضعيف .. إنه ييجي لمحضرك؟
ماضيَّ صعب ومخيف .. والشر زاد وامتلك)2
(أنا عايز أجيلك ناديني .. افتحلي باب للرجا
أنا جُرحي نافذ وعيني .. مكسورة ومُحرجة)2
2- (أنا عارف إنه في دمك .. كسر قيودي الحديد
اقبلني عبدك وابنك .. اخلقني من جديد)2
(أنا عايز أجيلك وخايف .. أضعف تاني و ارجع
ضمني قول لي هاساندك .. وفي وقت الضعف هارفع)2
وفي وقت الضعف هارفع
3- (أنا جاي و أملي تكون لي .. أبويا وسندي الشديد
ماليش بديل تاني سواك .. أنت أملي الوحيد)2
(خليني أبلل كتافك .. بدموع توبتي وصلاتي
وأبدأ اليوم معاك .. بداية جديدة لحياتي)2

1- (عبادتي إليك ماهيش من دوافع شعوري بواجب
عبادتي إليك هيام واشتياق ومن قلب حابب)2
(أكون في حضورك و يسبيني نورك.. و يتقدس اسمك في كل الكيان)2
(كما في سماك كذلك بأرضك .. ممجَّد ممجَّد ليك السلطان)2
عبادتي إليك هيام واشتياق
2- (عبادتي إليك بتفتح بصيرتي فوق المحدود
حياتي دي غربة لكن في حضورك لبيتي باعود)2
(وأفرح لأنه يمينك رحيمة .. وتسهل في عيني ظروفي الأليمة)2
(وألاقي كياني اجتمع من شتاته .. وقلبي اللي طلبك سمعت لصلاته)2
عبادتي إليك بتفتح بصيرتي
3- (عبادتي وصلاتي، خضوعي لكلامك شرف واعتبار
وأنا كنت أطول إني أكون من ولادك ده أغلى افتخار)2
(وهاجيلك وأقول لك بحبك يا غالي .. ووجودي أمامك دي قمة آمالي)2
(يا أبرع جمال من كل البشر .. أمام احساناتك أنا في غاية الصغر)2
عبادتي وخضوعي شرف واعتبار

القرار – (إنسان أيا إنسان يا أغلى ما نملك
وكل شيء في الكون مخلوق عشان خاطرك)2
وكل شيء يرخص وكل شيء يهلك
إلا أنت يا إنسان الكل يرخص لك
1- يمكن تكون عاجز يمكن تكون تعبان
يمكن تكون محتاج جايز تكون غلبان
بس أنت قيمتك فيك بتستنى
وأنت أنت القيمة والمعنى
لأن خلف الضعف فيه إنسان
2- يمكن تكون مولود والذهن جوه معاق
يمكن فقدت العين ولا فقدت الساق
يجوز يكون بصرك ضعيف
وجايز يكون مرضك مخيف
بس أنت قيمتك فيك بتستنى
وأنت أنت القيمة والمعنى

1-( الله بيدعمني ويسندني و في وقت الأزمة بينجدني )2
وإن كان وارد أتوه في السكّة ألاقيه يناديني ويرشدني

القرار- ( مش حاجة تطمِّن طبعاً طبعاً بتطمِّن
والجاي متأمِّن طبعاً طبعاً متأمِّن )2
(يبقى أنا كيف أتوكِّل على إنسان
وازاي أحزن لو فارقوني الأعوان )2
وإذا كنتم شايفيني وحدي أنا مش وحدي
ده ( اللي معايا )3 سيد الأكوان

2- ( ماتقولش كتيرة وقليلة لا تُعدَم من يدُّه وسيلة )2
شايل أركان الكون كلُّه وعارفها بأصغر تفصيلة

1- إنت عظيم فوق الحدود قادر رحيم وَفِيْ في الوعود
تعمل وتشفي ترفع وتعفي حبك يكفي (كل الوجود)2
القرار - شخصك عظيم قادر رحيم وإله كريم (فوق الحدود)2
2- جايينبنطلب فينا اليقين بإيمان هاتسمع مش قلقانين
وإنك هاتسمح باللي لخيرنا وإنك إلهنا (بيك مؤمنين)2
3- تأمر تقول كن فيكون ولشعبك إنت الأب الحنون
ماشيين ولينا عين بتراعينا ودايماً حامينا في (حصن الحصون)2

أبانا الذي في السماوات بنحبك من كل القلب وليتقدس اسمك فينا ويعلى ملكوتك يا رب
عالية مشيئتك في السما ولتكن أيضاً في الأرض
قد احتياجنا إدينا من الخبز اللي يكفينا
واغفر لنا ذنبنا وغلطنا زي ما نغفر لإخواتنا
وأخيراً يا رب هانطلب لا تدخلنا في تجارب نجينا من الشرير لأن ليك كل القوة
ومجد وملك إلى الأبد آمين

1- أرنم زي بولس وسيلا في سجنهم وأتحدى بتسبيحي ضيقاتي وكل هم وأستنى لما تيجي وترفع عني ضيقي والسور العالي أشوفه بأمرك ينهدم

قرار- يا يسوع أنا فرحان بيك يا يسوع راح أرنم ليك يا يسوع
هافضل أغنيلك حتى لو عينيَّ فيها دموع

2- وزي داوود أغني وأقول ما أعظمك ترنيمي وعزفي وفني وصوتي كله لك مافيش يا إلهي زيك إنت أعظم ملك أنا عارف رغم سني تسبيحي بيفرحك
3- واللي اتشفى وقام من مرضه بالتمام قام اتنطط فرحان وسبحك كمان وأنا مش هاقعد زعلان وإلهي إله حنان أحياني ومات عشاني ووهبني الغفران

1- مشي المسيح للصليب حامل ذنوب الكل وشاف صنوف الألم وداق مرار الذل
لكنه فوق الصليب شال الديون عني شاور بكل حنان وقاللي اتبعني
ساعتها جيت على طول ولقيتني يومها باقول

القرار - هامشي في طريق الصليب والرب ويايا
مسنود بقوة إلهي وروحه جوايا
وعينيه بتحرس سكتي قدامي وورايا
والدم ضامن نصرتي وخلاصي وفدايا

2- أنا كنت ماشي بعيد في شرور ظلامي رافض طريق ربنا مخدوع بأوهامي
وفي يوم قابلني يسوع لقيته قدامي شاور بكل حنان وقاللي اتبعني
ساعتها جيت على طول ولقتني يومها باقول
3- أنا كنت قافل عيني والطريق مسدود والشر كان مالي حياتي وأملي كان مفقود
وفي يوم قابلني يسوع وبحبه طمني شاور بكل حنان وقاللي اتبعني
ساعتها جيت على طول ولقتني يومها باقول
4- يا كل تايه شريد في ضلمتك بتدور افتح عينيك ع السما أمل السما موفور
تلقى المسيح بجلاله واقف بمجد ونور ينده عليك بحنان تعال واتبعني
وتيجي ليه على طول وتجري عليه وتقول

القرار- سهل تلاقي وش جميل لكن القلب الحلو قليل أيوه يا ربي جمل قلبي وينور في وسط الليل

1- سهل أكون جميل وأتحب لكن الأصعب إني أحب اللي شتمني واللي خاصمني وأشهد إني ابنك يا رب
2- سهل أضحك وأصاحب واحد لكن لما ألقاه بيعاند عاوز أسامحه وأنساله جرحه وساعتها يبقى ولادك واحد
3- ممكن تيجي لصاحبي هدية وأتمناها أنا تكون ليَّ أحسده ويبقى ضاع جمالي وتختفي صورتك فيَّ
4- أيوه أنا بيك أنا عاوز أعمل هابقى بيك أنا أجمل وأجمل أيوه يا ربي جمل قلبي واملا بنورك إنت وكمل

1- (مانيش خجلان أقول لك يارب أنا خايف
انت عارف اللي بيَّ أكتر ما أنا عارف)2
وعارف إنه ليلي طوّل والقدرة ماهياش زي الأول
صارعت طول الليل والموج عنيد وأنا وحدي واقف

القرار - تعالَ ثبّت إيماني .. تعالَ ثبّت إيماني
تيجي رياح .. تيجي رماح أبداً انا ماسيبش مكاني
تعالَ ثبّت إيماني .. تعالَ ثبّت إيماني
ما أشكيش ظروف لكن أشوف سورك نيرانه بتحميني

2- (سمعت لوم كتير ومهانة واستهتار
وندا بيغريني أسيبك وأسْبَح مع التيار)2
وما دام أنا لمست حبك واطعمتني يا إلهي يدك
ما أقدرش أسيبك أنا بس طالب امسك إيديَّ حبيبي البار