هاني روماني (66 ترنيمة )

1- (دايماً يا يسوع في بالك من غير ما نفكرك
نندهلك تيجينا ولا شيء بيأخرك)2

القرار - (عمانوئيل الله معنا حاضر وسطينا بيسمعنا
بدلت حياتنا للأفضل وبقى لنا معاك قيمة ومعنى)2

2- (تدخلنا لحجالك تدعينا لمحضرك
ننظر مجدك وجمالك يسوع يا أعظم ملك
3- (نتغير لكن انت ثابت في محبتك
مهما ظروف جات تحنينا واثقين في كلمتك)2

1- (أمور الله عجـيبة.. مواعيده عجب العجاب
يغيَّـر الأزمــان.. ويســـبّب الأسبــاب)2
إذا عدّاني في صحرا.. يفتـح لي ينبوع في صخرة
وإذا اشتدت مجاعة.. يبعت خبزي ويا الغـراب

القرار-إلهي صخر الدهور.. لا ينعس لا ينام
قدامـه الكل واضـح.. في النــور زي الظــلام
والقدرة في إيده وحده.. والكل يخضع لمجده
ولأني غالـــي عنده.. قلبــي مليــان ســــلام

2-(مـحـبـة الله عجيبة.. تعـلـى فوق الجبـــال
محـبة كمان قريبة.. ثابتة في كـل الأحـوال)2
يا حبّه يا طـــول أناته.. لكـل ولاده وبنــــاته
أب مـثالــي ورعـــايته.. هـي كـمـال المثــــال
3-(ســلام الله عجـيب.. ويبان وسـط الخطـر
تلقـى المــؤمن يرنـــم.. رغـم الألـم والضـــرر)2
علشــان في قلـبه إيمـان.. بـالله رب الأمــان
الناس شايفة جفــاف.. وهـو شـايفـه مطــر

1- مابقاش في قلبي أي خوف من بعد ما تعودت أشوف .. إيديك محوطاني
سانداني في كل الظروف طيب أوي انت وعطوف .. خيرك بيملاني

القرار- (شيلتني .. ده كتير أوي انت شيلتني وفي خوفي جيت طمنتني .. نورت أيامي
معتني .. بيَّ يا يسوع وتحبني ولا جيت في يوم سيبتني .. ولا يوم بتنساني)2

2- وياك دوا لكل الجراح والضيقة تتحول براح .. وتسيبني أحزاني
هافضل كده مسنود عليك سايب حياتي بين إيديك .. ياللي بترعاني

1- يمكن ماقدرش أنط نطة عالية لفوق زيك يمكن
عيني ما بتشوفش الألوان الحلوة اللي في لبسك
قرار-
علشان حلمي هو حلمك قلبي حلو زي قلبك
وعارف إن يسوع بيحبني تمام زي ما حبك

2- باعرف معنى الصداقة وما تمنعنيش
إعاقة عن إني أبقى صاحبك وقت ما تحتاجني أساعدك

3- عارف إني مختلف لكن أكيد للرب قصد
مفيش مكان للصدف وحياتي من مجد لمجد

(قلبي بيدق بم بم بيقول بحبك يا ماما وفي عيدك أغني غنوة وقلبي يهدي دقاته)2
(باحبك باحبك باحبك)2
(كل اللي عايز أقوله بلساني وعيني وقلبي)2
إن أنا فرحان وباغني علشان انتِ ماما

القرار- (لما باصحى أنا من نومي عندي حاجات لازم أعملها
لما الشمس بتدخل اوضتي ترنيمتي أنا لازم أقولها)2

1- بقوله يارب تعال في يومي بارك كل حاجة فيه
خليني في وسط العالم ابن حقيقي تفرح بيه
2- باصلي للرب وبصوت واطي وأنا باغسِل وشي معلش
سامحني يارب على غلطاتي وأبداً تاني أنا ما اكدبش
3- وكمان وأنا باغسِل أسناني باطلب منه ينقّي كلامي
كلمة ردية ما تخرج مني ولا تاني يقولها لساني
4- وباسرّح شعري وأنا بافكر إن شعور رأسي محصاة
ولا شعرة واحدة تقع منهم إلا بإذن من السما

١- جايين وبصرخة قلب المحتاج طالبين العون
عارفين إنك بالحكمة الإلهية أسست الكون
لكن خطايانا البشرية هدمت أركان الحرية
واتملت الأرض التعبانة بشرور وذنوب وجريمة وضرب
ومآسي كتير و جرائم حرب

القرار - ارحم ارحم .. ارحمنا ارحمنا.. ارحمنا يارب
عايزينك تيجي يارب وتملا الأرض حياة
وتفيض ع الأرض محبة وخير ونجاة
وبحبك نعرف ايه الحب وايه معناه
ما هو انت الحب وانت أساسه وانت انت غِناه

٢- جايين وبصرخة كل مريض في البيت مرهون
عارفين إنك وحدك تشفي عبيدك وشفاك مضمون
عالج جروحات متخبية امسح آلامات قاسية قوية
عالج باللمسة الإلهية وأحكم بأوامر سماوية
ما هو سلطان الكلمة الحية فوق كل الطب

٣- جايين وبصرخة كل فقير مذلول مطحون
طالبين تديله الحاجة اللي تصونه من غير ما يهون
ارفع أزمات متقسية استر أبواب متغطية
واديله الرزق المتقدر وافتح له الباب المتسكر
وسّع قدامه طريق الكسب من خير الرب

عم ويصا عم ويصا سواق أتوبيس الكنيسة
مرة زمان وأنا قاعد جنبه عم ويصا فتح لي قلبه قال لي:
يا ابني أنا من زمان باجري وألف في كل مكان
باجيب ولاد الرب ليه لبيت أبوهم يهتفوا ليه
دعوا الأولاد يأتون إليَّ وماحدش يمنعهم عني
لأن ليهم الملكوت لأن مكانهم جوه في حضني

أنا بيتي هو كنيستي عرشي هو السما
وساكن في القلوب اللي حبت ربنا
أسكن في كل قلب فتح لي وقال لي اتفضل
أدخل ويبقى قلبه هو مكاني المفضَّل

ويحصل إيه يا رب في القلب اللي تسكن فيه يعني ينفع تسكن في قلبي
يحصل حاجات كتير لما أسكن جوه قلبك والناس تعرف كمان إن إلهك بيحبك
هاتحب الناس وطبعاً هايحبُّوك هما كمان
تتعب عشاني لكن أنا هادّيك أمان
ويشُك الناس في حبي وقلبك مليان إيمان
وهاتبقى نور ينوَّر لقلُوب تانية كمان

ساعات يقولوا عليَّ صغير وساعات يقولوا
عليَّ كبير كلام غريب باسمعه باتحير أنا صغير ولا كبير
لكن أنا من يوم ما فهمت إنك دفعت فيَّ كتير
حسيت ساعتها إني غالي سواء صغير أو كبير
خليني ربي أكبر في حبي ومش مهم أنا سني كام صغار
كتير كانوا أطفال زيي وقلبهم مليته سلام
أكبر يعني مش بس جسمي لكن دي روحي وعقلي
كمان أكبر يعني أنسى ضعفي وقوتك إنت تبان