هاني روماني (66 ترنيمة )

1- (وقت لما تكون صعابي.. حاجبة عن عيني السماء
وألقى نفسي في اضطرابي.. بين حقايق مؤلمة)2
(إنت وحدك تستطيع يا يسوع.. تيجي وتفيض بالسلام
إنت يا حصني المنيع يا يسوع.. أقوى م الخوف والظلام)2
2- (وقت لما تكون جبالي.. واقفة ضدي بمستحيل
والشكوك تنهش في بالي.. مين يشيل حملي التقيل)2
(إنت وحدك تستطيع يا يسوع.. تيجي تنقل الجبال
إنت يا حصني المنيع يا يسوع.. كلمتك فوق المحال)2
3- (وقت لما السهل يصعب.. والحاجات تطرح فشل
لما وعد الناس بيهرب.. والعمل خاب والأمل)2
(إنت وحدك تستطيع يا يسوع.. ترد جوايا اللي ضاع
واللي يصعب ع الجميع يا يسوع.. يبقى عندك مستطاع)2

1- شكراّ على السنة اللي فاتت شكرًا على كل اللي حصل ولا عمري كنت هاخططها أحسن من ضابط الكل
القرار- وحدك غالي وتستاهل كل كلامي عليك وحدك غالي وتستاهل أعيش العمر ليك وحدك ربي أبتدي وأنتهي السنة وياك
2- شكراّ على اللي ماحصلش أصل إنت ربي ماتغلطش إنت عارف إيه يناسبني وإيه يإذيني وأنا ماعرفش
3- شكراّ على كل الأيام كنت معايا وبيننا كلام كنت سامعني وكنت فاهمني وعلى كفك أنا باصحى وأنام

حاسس إني غني وإيه يعني ناقصني إلهي يحبني
وفي كل لحظة حارسني حاسس إني غالي وتمني
عنده غالي ده الرب عشان حياتي قدم نفسه بدالي
نفسي يا رب أكبر وأقدر أعمل وأقدر
وأشهد عن حبك إنت والناس تحبك أكتر

1- أرجوكي كوني زي ما بتحلم عيوني كوني نفسك كوني حلمك كوني كل اللي تطلبيه حققيه احلمي بأحلى قصر أحلى قصر واسكنيه والكلام اللي في قلبك الكلام كله قوليه والعالم لو كدبك كوني إنتِ الصدق فيه
2- كوني زي ما بتحلم عيوني كوني فرحة كوني غنوة وإن مشيتي في الظلام نوريه غيري في الكون ده حبة وابذري بذور المحبة بالبراءة عدي واجري ما تخافيش من أي سور الضلام خواف هايهرب طالما في القلب نور
3- أرجوكي كوني زي ما بتحلم عيوني كوني إنت زي ما إنت كوني حرة في اختيارك ده اختبارك هابقى جنبك ماسكة إيدك لحد ما يطلع نهارك هاحكي لك على اللي في قلبي واللي واجهني في طريقي إنت تختاري طريقك المهم يكون حقيقي

اختبارات المؤمنين في كل يوم تقول ده إلهنا إله أمين في إيديه كل الحلول لسه بيوعد ويوافي يدي حلاوة من الجافي ويشق بحور ظروفي ويضمن لي الوصول إحسانك فوق الأوصاف أحكامك عدل وإنصاف وما دام الرب نوري وخلاصي ليه أخاف في آلام التجربة وفي ليل الانصهار معدن حياتي يصفى ويتطهر بنار وأخرج أنقى وأكبر ومجدك فيَّ يظهر وبعد ليل دموعي تبقى لي أنت النهار وما بين ضلمة ونور إيماني يكون شهادة ينشر ريحة السرور بلسم شافي وضمادة وأنسى إني كنت خايف وأنسى إني كنت جريح واللي يشوفني يلاقي فيَّ صورة المسيح

(كان فيه مركب ع الموج ماشي والريح هادية ما بتعلاشي)2
(لكن فجأة اختلف الأمر مال المركب وسط البحر)2
(راحوا التلاميذ ليسوع يجروا وقالوا الحقنا
المركب مال والقلع اتشال والبحر أكيد هايغرّقنا)2
(ويسوع في الحال قام أمر الريح البحر سكت وما عدش يصيح )2
رجع المركب من تاني مريح
(لما تخاف من حاجة تعالى قول ليسوع يحميك من الشر
هو هايقدر هو هيؤمر هو يسكّت أمواج البحر)2

1-ربي راعي وسلامي.. عمري ماحتاج لسواه
في الجدوب هو طعامي.. في العطش نبع المياه
وإن بوادي الموت مشيت.. ليه هاخاف وأنا معاه
خيري فيه مضمون وكافي.. كل أيام الحيـاة

القرار-(قال لي ماتخافش في دخولك.. وفي خروجك من الخطر
هاسترك م الريـح و إيــدي.. تكون مظلة فـي المـطـر)2
تختبر في كل يوم.. إنك على قلبي عزيز

2-اسمـه بـرج حصيـن و آمـن.. للي يلجأ لحماه
واللي من قلبه يآمن.. يلقى في الرب النجاة
ده الظلام إن زاد وغطى.. ع الأراضي والبشر
نوره يشرق مجده يمـلا.. أرض من طلبه وصبر

عندك للموت مخارج ونور في وسط العتمة
نفسي اللي داخل خارج في إيديك إيدين الرحمة

3- وإن هاج البحر عليَّ وتهت وضاع سلامي
تيجي ماشي ع المية وبإيدك عني تحامي
4- والشر إن زاد حوليَّ وقلبي ضعف جوايا
بروحك تغلب فيَّ وتجدد كل قوايا
5- عندك للكل حلول حتى إن كانوا مش شايفين
دي وعودك مش هاتزول دي نور للمؤمنين
6- يمتلي الفم بمديحه.. وأفتخر طول عمري بيه
من هداني للمراعي.. من حملني على منكبيه
لا عوز للي ينادوله.. للي يتكلـــــوا عليه
دي الأسود بتجوع ولكن.. يشـبـع النـاظـريـن إليـه

كذبوا.. من قالوا إني وحيد.. في الأرض دون سنيد
من هزأوا من إيماني.. بربي المجيـد
كذبوا.. من زيفوا الكلمات.. واستسلموا للذات
وأشاعوا أن الله.. بعيدٌ بعيدٌ كما السماوات.. كذبوا
(فالله يرعاني كما.. يرعى الأب الأطفال
والله يحميني إذا.. ساءت بي الأحوال)2
(وإلهي في قربي.. يشبعني بالحـب)2
وينيـر لـي دربــي.. ويحــقق الآمــال

أتكل عليك ألتجـأ إلـيـك)
ولا أخاف لا لا فراحتـي لديك)2
(أنا صغيرك طفلك و ابنك المدلل
ومن شبابي إلى مشيبي على كتفيك أُحمَل)2
(إيـمـانـي أنـت وهـبـتـه مـاضـيَّ أنـت غـفـرتـه)2
ولي بيتًا جميلًا بسمائك صنعته وضمنته لي ضمنته
((2وترتب قدامي مائدة إطعامي)2
وتطعمني يداك يا حلو اليدين)2
فلا عجب إن رقت الدنيا ولم تعنيني رقتها
ولا عجب إن ضاقت الدنيا فزاد إيماني
لأنني أتكل عليك

1- (أمور الله عجـيبة.. مواعيده عجب العجاب
يغيَّـر الأزمــان.. ويســـبّب الأسبــاب)2
إذا عدّاني في صحرا.. يفتـح لي ينبوع في صخرة
وإذا اشتدت مجاعة.. يبعت خبزي ويا الغـراب

القرار-إلهي صخر الدهور.. لا ينعس لا ينام
قدامـه الكل واضـح.. في النــور زي الظــلام
والقدرة في إيده وحده.. والكل يخضع لمجده
ولأني غالـــي عنده.. قلبــي مليــان ســــلام

2-(مـحـبـة الله عجيبة.. تعـلـى فوق الجبـــال
محـبة كمان قريبة.. ثابتة في كـل الأحـوال)2
يا حبّه يا طـــول أناته.. لكـل ولاده وبنــــاته
أب مـثالــي ورعـــايته.. هـي كـمـال المثــــال
3-(ســلام الله عجـيب.. ويبان وسـط الخطـر
تلقـى المــؤمن يرنـــم.. رغـم الألـم والضـــرر)2
علشــان في قلـبه إيمـان.. بـالله رب الأمــان
الناس شايفة جفــاف.. وهـو شـايفـه مطــر