رفيق عدلي (56 ترنيمة )

1-(لما أجي لك وأناديك وأرمي نفسي بين إيديك
بافتكِر وعودي فيك وأنسى حالتي هللويا)2

القرار- (هللويا هللويا)2 هللويا انت أبويا

2- (تهجم الأمواج بقوة ومكاني هو هو
مش باخاف لأني جوه حضنك انت هللويا)2
3- (مهما كان الجرح فيَّ بالتجأ لك يا راعيَّ
تيجي تمسك بإيديَّ وتداويني هللويا)2

في الفجر قمن المريمات في أول الأسبوع
بحنوطهن قاصدات قبرًا به يسوع
من يرفع لنا عن قبره الحجر
ليس لنا معين ليس لنا معين
واليأس غطى البسمات والهم أعيا المتعبات
والحزن أخفى النغمات حبيبهن مات
يا صاحب البستان أين جسد الحبيب
إن كنت قد وضعته في موضع قريب
قل لي أين المكان قل لي أين المكان
لماذا تطلبان هللويا هللويا
حياً بين أموات هللويا هللويا
ليس هو هنا لكنه قام قام كما وعد
يا موت أين شوكتك يا هاوية أين
غلبتك على البشر يسوع قد غلب
أين يا موت شوكتك هللويا يا هاوية غلبتك هللويا
ليس هو هنا لكنه قام ليس هو هنا لكنه قام
قام كما وعد
نرنم الترنيمة القديمة الأصل قام يسوع غالباً الموت للأبد
ونصره خلصنا من سلطة الموت
قام يسوع هللويا هللويا
منتصراً هللويا هللويا
مكللاً بالمجد يجلس في حضن الآب
ليشفع لنا
آمين..آمين..آمين.. آمين
هللويا..هللويا.. هللويا
آمين

القرار- (انت يارب اديتني إرادة كسَّرت محيت كل قيودي
اديتني وبغنى وزيادة نوَّرت مليت كل وجودي)2

1- (كنت زمان عايش مأسور وسط خطية وخلف السور
لما قابلتك انت يا ربي خلَّصتني من كل شرور)2
2- (شكراً ليك على عملك فيَّ أمانة وجود نعمة غنية
اديني أشهد كل حياتي أهتف أقول فيك الحرية)2

كنت امرأة حزينة خاطية وبلا قيمة
معروفة في المدينة بحكايتي مع البشر
وسنين من عمري ضاعت ويا الخطية راحت
في ظلمة وبُعد كانت وفي ليل مُرّ وسهر

القرار- وأنا جيت وبعشم فيه هو مش البشر
علشان أنا عارفه إنه دول قلبهم حجر
(هو اللي داري بيَّ قلبه مليان حنية)2
(هيسامحني وهيغفر)3
إثمي اللي انتشر أصله غير البشر

2- وسمعت عن المسيح اللي داوى الجريح
في بيت سمعان ومتكئ وده شخص مريح
كنت مكسوفة منه لكن قالوا لي عنه
ده قِبِل السامرية وقلبه ليها غفَّر
جيت وبإيمان وباكية ومن وراه وواقفة
بليت رجليه بدموعي وبشعري مسحتهم
ضليت أبكي الخاطية قد إيه قاسية وقوية
أخدت كل اللي ليَّ وقلبي معاها أتكسر
(ونظر لي وأبتسملي وبصوته الحلو قال لي)2
(مغفورة ليكِ الخطية علشان آمنتي بيَّ)2
اذهبي بسلام (من اليوم أصبحتي ليَّ)3

1- مستنيك ترجع لي وأنا عيني عليك
وانت يا ابني شاغلني وأنا نفسي الاقيك
مستنيك ترجع لي وأنا عيني عليك
أصلك يا ابني واحشني وأنا نفسي الاقيك

القرار- (حتى لو انت نسيتني
أنا مش ممكن انساك
ده انت ابني وحبيبي
وكل مُنايا لقاك)2
ده انت في قلبي وعيني
قربك هو سروري
(ولذة قلبي معاك)2
وإن كان قلبي انجرح
برجوعك ييجِي الفرح
وإن كان غدرك دَبَح
(أنا قلبي كله سماح)2

2- (من لحظة فراقك وانت هناك بعيد
أحزان في القلب تِدمي و وجعي شديد)2
(تعالى في حِضني هَاتلاقي الأمان
وتلاقي المحبة و تشبع حنان)2