رفيق عدلي (56 ترنيمة )

1-(يا ربي أنت عارف إني محتاج إليك
وقلبي أنت كاشف كله قدام عينيك)2
(تقدر ترثي لضعفي تقدر تمحي الذنوب
ولجرح قلبي تشفي وأنا تايه في الدروب)2

القرار- (أحضانك تنتظرني قلبك مليان حنان
وإيديك بتنتشلني م الضعف وم الهوان)2

2- (يا ربي أنت عارف إني وحدي ضعيف
وعجزي إنت شايف وحملي مش خفيف)2
(وبحُبك بتحاصرني مهما حاولت الهروب
شخصك دايمًا فاكرني مستني أرجع وأتوب)2

القرار - (نور العالم انت يا ربي خلينا ننور زيِّك
املا العالم من فيض حبك نهتف دايماً مجداً ليك)2

1- (عمرنا كله نقدمه ليك حياتنا يا ربي دي ملك إيديك)2
املانا بروحك يا مليك ارشدنا وقوينا بيك
2- (حبك لينا ده حب عجيب شخصك دايماً منا قريب)2
ماشي معانا في كل طريق إيدك تسند وقت الضيق

بطرس راح يصطاد السمك في البحر الكبير
طول الليل ماصطادش حاجة في البحر الكبير
يسوع قال له أوعى تخاف من البحر الكبير
يسوع قال له ارمي الشبكة في البحر الكبير
بطرس اصطاد مليون سمكة من البحر الكبير
بطرس شكر ربه كتير عالسمك الكتير

(عن خبرة في مراحم الرب بأغني وأرنم
عن فرحة شملت قلبي اللي كان متألم)2
عن صحة روحية بعد ما كنت عليل الروح
عن سر شفاء أعماقي المخفية أنا باتكلم
القرار – (أنا باهتف من كل القلب وبأغني إليك
طوبى للي أتعلق باسمك وأتعزز بيك)2
(مين كان بيصدق إن الآكل يُخرِج أُكل
مين ظن القفر ف يوم راح يطرح ورد وفل)2
أنا كنت اليأس مجسد ماشي على رجلين
لكن النعمة هي النعمة .... بدلت الكل
(أنا بالنفس الداخل والخارج ليك مديون
لا أطمح إلا إني أرضي إله الكون)2
حريتي معاه أغلى من كل الأرضيات
لو عايز تسأل على الحرية اسأل واحد كان مسجون

1- (سيبني يا حزن يا هم روح ليَّ إله
عنده دوا لكل الجروح عنده حياة)2
عندي إيمان زيك يا نوح هاينجي فُلكي من المياه
وهاروح معاه لشط النجاة وحياتي دايماً بين إيديه مترتبة

القرار : وقت المشاكل والهموم المتعبة وقت المخاوف والرياح المرعبة
جوه الألم والتجربة بالمح إيديه الطيبة
وحتى لو جوه الطوفان مابخافش أنا أبداً عشان
يسوع في قلب المركبة

2- (يا سفينتي يا متحوطة بكومة صخور
يا سفينتي يا متخبطة أنا مش هاخُور)2
خطواتي مش متلخبطة في العتمة أنا بامشي في نور
في الدوامات أنا مش بادور نفسي على كل الصعاب متغلبة

جايلك بخطايايا التُقال وعيوبي اللي عيب تتقال
جاي لك وخجلان م السؤال في حِما صليبك
وهمي في أعماقي زاد وماعادش ينفعني العناد
م التوهة جاي والإبتعاد في حِما صليبك
القرار
(إقبلني يا رب الرحمة استرني يا رب النعمة
غطيني بالدم الطاهر حررني من قيد الضلمة)٢
أنا اللي عوجت المعدول وظلمت في الفعل
وفي القول مشتاق أعود وأكون مقبول إغفر ليَّ
أنا مستاهلش أنال عفوك لكن النجاة بس
في وعدك جاي أعترف بالذنب إليك إغفر ليَّ

1- (يا يسوعي قلبي العنيد خدني لأراضي عنك بعيد
تاهت سفينتي في بحر الحياة لكني جايلك بشُق المياه)2

القرار – (جاي من بعيد راجع إليك قلبي العنيد طالب إيديك)2

2- (يا يسوعي قلبك حنون يغفر لي ضعفي مهما يكون
وقت ما نادي معايا تكون كل متاعبي وآلامي تهون)2
3-( يا يسوعي ضعفي أكيد حُبك وعطفك رجايا الوحيد
اقبلني حتى عبد لديك بكل اشتياقي راجع إليك)2

(أنا مستاهلش تنزل أرض الخطية
تتحمل الأسية أنا مستاهلش
أنا مستاهلش تحمل صليب مكاني
تتحمل ألم عشاني أنا مستاهلش)2
(كل يوم كنت أجي أبكي
تحت صليبك أنت تنسالي
علشان أغلط تاني يوم وأرجع لك
برضو تسامحني تاني)2
(ليس حب أعظم من هذا
أن يبذل شخص نفسه عني كهذا)3
لك القوة والمجد والبركة والعزة إلى الأبد أمين
يارب يسوع المسيح مخلصي الصالح

القرار – (إنسان أيا إنسان يا أغلى ما نملك
وكل شيء في الكون مخلوق عشان خاطرك)2
وكل شيء يرخص وكل شيء يهلك
إلا أنت يا إنسان الكل يرخص لك
1- يمكن تكون عاجز يمكن تكون تعبان
يمكن تكون محتاج جايز تكون غلبان
بس أنت قيمتك فيك بتستنى
وأنت أنت القيمة والمعنى
لأن خلف الضعف فيه إنسان
2- يمكن تكون مولود والذهن جوه معاق
يمكن فقدت العين ولا فقدت الساق
يجوز يكون بصرك ضعيف
وجايز يكون مرضك مخيف
بس أنت قيمتك فيك بتستنى
وأنت أنت القيمة والمعنى

1-كرسيك يا الله إلى دهر الدهور
يا خالق السماء والأرض والبحور
القرار - يا خالقي يا عاضدي لك الرؤوس تنحني
بك النفوس تغتني بك أنت يا الله
2-يا مبدع الأكوان ورافع النجوم
يا آمر الرياح تهدأ فيبقى سكون
3-يا صانع الأفلاك والقفر والآكام
يا سيد الأسياد يا ملك السلام