رفيق عدلي (56 ترنيمة )

القرار- مستني مجيئك وعايش غريب
بشوق لرجوعك يا أغلى حبيب
(سهران في اِنتظارك وباحمل ثِمارك
وباشهد لحُبك وشايل الصليب)2

1-(مهما الغربة طالت وأشواكها زادت
يقيني في وعدك بإنك قريب
ولو الأماني في الدنيا دي خابت
هتفضل في قلبي الرجاء والنصيب)2
2-(حياتي غانيها بحبك راويها
ولا شيء ياخدني عن حضنك بعيد
دي الدنيا وما فيها لا يوم هتساويها
نظرة لشخصك يا نوري الوحيد)2
3-(رفعت عينيَّ إليك يا فاديَّ
عن كل مباهج قدمها الزمان
ده قلبي وحياتي وكل ما ليَّ
عطية يصونها في قلبي الإيمان)2

1- (مين يدي البصيرة غيرك وبيسند اللي خاب غيرك
ويطمن بالأمل غيرك إنت يا سيدي ومافيش غيرك)2
القرار- (إنت يا إله كل الكون ياللي بتأمر كن فيكون
عشان إحنا معاك كله يهون إنت يا سيد ومافيش غيرك)2
2- (في الضلمة مين يكون النور والحزين مين يملا قلبه سرور
وتعوض اللي بات مكسور إنت يا سيد ومافيش غيرك)2
3- (وبتغمر بالحنان شعبك بالحب اللي مصدره قلبك
ترعاهم هو ده وعدك إنت يا سيد ومافيش غيرك)2

1-قالولي عليه بيسامح وقالولي عليه قلبه كبير
قالوا بينسى كلامي الجارح من غير لوم ولا تفكير
لقيت قلبي يايبني ورايح ناحية قلبه ومشتاق ليه
(وفي ليله من الليالي لفيت نوره جالي
بدلي كل حالي دُقت بجد الأمان
بنظره عينه جابني شال عني اللي تاعبني
وقالي إنه حاببني وشاريني من زمان)2
2-ربي مش بس بيسامح ده بيسكب سكيب الروح
هو غفرلي خطايا أمبارح وروحه معايا منين مابروح
ولأنه بيعمل لي الصالح سايب ترتيب بكره ليه
اللي غفرلي خطايا أمبارح أنا برمي كل حمولي عليه
(أنا خوفي في لحظة سابني من يوم ما بإيده شالني
في ساعتها حبه أسرني عوضوني عن اللي راح
مديله سنيني الجاية ولا أضيع فيها ثانية
وكمان هاخدمه بعينيَّ ده اللي في حضنه بارتاح)2

(كان فيه مركب ع الموج ماشي والريح هادية ما بتعلاشي)2
(لكن فجأة اختلف الأمر مال المركب وسط البحر)2
(راحوا التلاميذ ليسوع يجروا وقالوا الحقنا
المركب مال والقلع اتشال والبحر أكيد هايغرّقنا)2
(ويسوع في الحال قام أمر الريح البحر سكت وما عدش يصيح )2
رجع المركب من تاني مريح
(لما تخاف من حاجة تعالى قول ليسوع يحميك من الشر
هو هايقدر هو هيؤمر هو يسكّت أمواج البحر)2

1- (أنا مش هافشل ولا يوم هايأس ولا تشمتي بي يا عدوتي
أنا هارفع عيني على إلهي ده إلهي منه قوتي)2
القرار- (هاقدر على كل شيء بيسوع اللي هيقويني)2
(ولو يوم ضعفي هيهددني هاجري عليه يحميني)2
2- (أنا رافع راسي ودايمًا أقول أنا مش ريشة شايلاها الريح
ده أنا ابن وغالي على إلهي وتمني هو دم المسيح)2

القرار - (ده صليبي مش صليبه شال هو الذنب ليه
ده كان دين عليَّ رضي ليه يبقى عليه)2
1- كان عقاب خطيتي موت رضي هو ليه عني يموت
جاوب وقال:بيحبني موت وأختار يموت علشاني
يا ترى شاف فيَّ إيه حلو عشان أتحب عليه
يوم الصليب نظرة عينيه كان فيها حب سباني
2-بموت يسوع رجايا عاش خدت الخلاص منه ببلاش
وحاجات كتير ماستحقهاش يسوع من الموت نجاني
كل الكلام عنه مايكفيش شال العقاب وماحاسبنيش
أنا أتعفيت وقال لي عيش حكم البراءة مجاني

القرار- (في خيام الصدّيقين يعلا صوت التسبيح
وهتاف المفديين بيمجِّد المسيح)2
(يعلا صوت التسبيح ونمجِّد المسيح)2

1- 1- (تسمع صراخ البار وتنجي باستمرار)2..
2- 2- (تطفي لهيب النار وتنجينا)2

2- (تصنع طريق نجاة تُعطي خبز الحياة)2..
(صخرة تنبع مياه وبتْحيينا)2

3- (معانا في التجارب وانت عنّا تحارب)2..
(ودايماً فينا غالب وتعلّينا)2

4- (بتشدد الأيادي وتقهر الأعادي)2..
(وبكلمتك بتنادي وبتهدِينا)2

5- (يفضل هتافنا ليك نشهد إنك مليك)2..
(نوصل ديارنا بيك تفضل لينا)2

1-(أنا مستنيك تعمل بإيديك وفي وسط ظروفي تشجعني
جاي لك يا يسوع باطلب بخشوع من كل همومي ترفعني)2
أنا مستنيك وعينيَّ عليك واثق إنك مش هتسيبني
تمسك إيدي ترفع قلبي ومافيش أحزان راح تغلبني
2- (أنا مستنيك وأنا واثق فيك وفي قوة شخصك وفي سلطانك
وسط الأنات وسط الأزمات هتعود أفراحي بإحسانك)2
أنا مستنيك متعلق بيك لأنك صادق في كلامك
أصلك حنَّان وإله منَّان هتنجي حياتي وهاشوف خلاصك

1- مجداً ليسوع المسيح جهزنا الزيت للمصابيح
أصل الرب لعرسه دعانا وشوية ونروح داخلينه
امتى هاييجي؟ مالوهشِ ميعاد لكن احنا على استعداد
وقت ما ييجي يسوع يلقانا بنفكر فيه ومش ناسِيينه

القرار- (منتظرينه .. منتظرينه احنا بشوق مستنينه
يمسح مننا دمعة عيننا ويجمّع شعبه على يمينه)2

2- مش ناسيين وهاننسى ازاي إنك قلت في يوم أنا جاي!
انت لآخر الدهر معانا وده شيء حاسينه و لامسينه
لكن جاي تاخدنا معاك وتسكنّا في قلب سماك
تبقى في بيت الآب ويانا ده الأمل اللي احنا عايشينه

القرار - كلنا كدة وقت الضعف وقت الهموم وقت التجارب
زي غريق وسط المحيط من غير سفينة ولا حتى قارب
بس الفرق بينا في اللي ماسك طوق النجاة
لا مش بس طوق ده المحيط نفسه في حماه
1-(مهما كان حملك تقيل مش هتشيله أبداً لوحدك
هو ربك عنك يشيل في وقت ضعفك هيبقى ساندك)2
(ده فاتح حضنه ليك يا ابنه هتحس براحه في أيديه
ينفض عنك كل همومك وأرمي كل حملك عليه)2
2-(الفرصة معانا أننا نرفع قلوبنا ونشكره على النعمة دي
ونقوله خلاص ومن انهارده أيامنا كلها ليك)2
(ده فاتح حضنه ليك يا أبنه هتحس براحة في أيديه
أنفض عنك كل همومك وأرمي كل حملك عليه)2