رفيق عدلي (56 ترنيمة )

1- (عايز أحبك بجد مش بالقول والكلام
ولا يبقى في قلبي حد أبقى لك بالتمام)2
(ده أنا ياما قُلت إني بحبك وقلبي مش معاك
وياما شهدت عن حُبك والفكر بعيد هناك)2
2- (عايز أرنم وأعيش كل الكلام اللي أقوله
والفرحه ما تنتهيش في الغربة الليل بطوله)2
(ده أنا ياما هتفت بلساني وقلبي بينزف دموع
والضعف في قلبي قسّاني وعشش بين الضلوع)2
3-(عايز أدوب في الكتاب وأعيش بين السطور
وأرتاح أنا من عذاب البعد والفتور)2
(ده أنا ياما مسكته بأيدي وما حسش قلبي بيه
وياما قريته بعيني وما عِشتش باللي فيه)2

١- [(وبفرض إنها أيام صعبة .. والناس تعبانة ومضطربة)٢
ما أنا عارف والرب شارحها .. ومسمِّيها زمان الغربة]٢

القرار- (وأنا هاعمل كل اللي عليَّ .. هاثبَت على موقفي ومكاني
وهانوَّر ليلي بأغنية.. تِعلن في الضيقة إيماني)٢

٢- [(ولا عمري أكابر على ضعفي .. ما أنا عارف حدّي وقدراتي)٢
عارف برضه اللي في صفي .. الله السامع لصلاتي]٢
٣- [(واللي ما صطادش الليل كله .. راجع بيجَرجِر في ذُلُّه)٢
لو سِمع النعمة هاتقوُل له .. وتِدلُّه يصير كأسُه ريّا]٢

١- أنا ليَّ دور في الأرض عايش باعمِله
أنا ليَّ واجب باسعى لأجل ما أكمله
في الضِل ماشي أو في بؤرة الأضواء
ليَّ وطن باحيا سفيره وأمثله

القرار – (ملكي يسوع المسيح .. ربي يسوع المسيح
راية انتصاري سبب افتخاري .. إني من شعب يسوع المسيح)٢

٢- الله شايفني والملائكة والبشر
في السفر بيسجِّل تفاصيل الحياة
ورد فعلي في البراح أو في الخطر
يعكس إيماني والأمان اللي في حماه
٣- عمري هنا فترة وهاتخلَص عن قريب
قِصرت ولا طالت أنا برضه غريب
أما الوطن هو الرجاء المنتظر
وهاشوُف يسوع ويمتلي بجماله النظر

١- (مع إن مافيش حاجة تطمن وأنا مش مسنود ولا متحصن
والدنيا مليانة مشاكل والعالم أخباره بتحزن)٢
القرار – أنا هافرح بالرب وأهتف وأرنم وأرقص وأصقف
وهاعيش كده كده كده كده فرحان وفرحي لا يمكن يتوقف
أنا هافضل طول عمري أغني.. وأرنم وأردد لحني
وهاعيش كده كده كده كده فرحان ده وجود الرب مفرحني.. مفرحني
٢- (مع إن ماليش مركز عالي وأنا مش مسنود على أموالي
وبتحصل أزمة ورا أزمة والناس في السوق بتبيع غالي)٢ لكن
٣- (مع إني باعيش عيشة بسيطة ولا فيه واسطة ولا تظبيطة
وظروفي الصعبة بتحرجني وأنا متورط كذا توريطة)2 لكن

أتكل عليك ألتجـأ إلـيـك)
ولا أخاف لا لا فراحتـي لديك )2)
( أنا صغيرك طفلك و ابنك المدلل
ومن شبابي إلى مشيبي على كتفيك أُحمَل )2
2 ( إيـمـانـي أنـت وهـبـتـه مـاضـيَّ أنـت غـفـرتـه )
ولي بيتًا جميلًا بسمائك صنعته وضمنته لي ضمنته
(2( وترتب قدامي مائدة إطعامي)
وتطعمني يداك يا حلو اليدين )2)
فلا عجب إن رقت الدنيا ولم تعنيني رقتها
ولا عجب إن ضاقت الدنيا فزاد إيماني
لأنني أتكل عليك

(هل لخاطي زيي ضعيف إنه ييجي لمحضرك
ماضيَّ صعب ومخيف والشر زاد وإمتلك )٢
(أنا عايز أجيلك ناديني وإفتح لي باب للرجا
أنا جُرحي نافذ وعيني مكسورة ومُحرجَه )٢
(أنا عارف إنه في دمك كسر قيودي الحديد
إقبلني عبدك وإبنك إخلقني من جديد)٢
(أنا عايز أجيلك وخايف أضعف تاني وأرجع
ضمني قولي هاسندك وف وقت الضعف هارفع )٢
أنا جاي وأمَلي تكون لي أبويا وسندي الشديد
ماليش بديل تاني سِواك إنت أمَلي الوحيد )٢
(خليني أبلل كتافك بدموع توبتي وصلاتي
وأبدأ اليوم معاك بداية جديدة لحياتي)٢

القرار- الله بيتكلم ليَّ وليك .. الله بيكلم كل الناس
بصوت وصورة من حواليك .. قُل له يعطيك قلب حساس

١- (الله بيتكلم وسط النار.. بالصمت بيعلن أو بالصوت
بهدير الأمواج العاصف.. بصياح الديك وفي بطن الحوت)٢
(حتى القبر يخبَّر لما)٢.. يؤمر بحياة من قلب الموت
٢- (الله بيتكلم في ظروفِي .. وفي قلب الحاجة و الأعواز
بطرق طبيعية بيتكلم .. وإن شاء يتكلم بالإعجاز)٢
(الفاهم يلمس يد الله)٢ .. والجاهل يحسبها ألغاز
٣- (الله بيقول لكن قلبي .. محتاج يتعلم كيف يسمع
تنطفئ أنوار الأرضية .. وأرفع عيني عليه وأتطلع)٢
(أسمع صوته و أشبع منه)٢.. مجده ونوره في هايسطَع

القرار – (ضاقت عليَّ الكروب ولا غيرك ها يفرجها
انت إلهي المهوبْ عارف مخارجها)٢
(متعلَّق أنا بيك ونجاتي بين ايديك)٢
في اسمك أحتمي و كل اتكالي عليك

١- (عدوي ثاير أوي لكن ايديك سانداني
واحضانك بتحتوي ضعفي وقلة إيماني)٢
(وإن هاج البحر عليَّ تيجي ماشي ع المية)٢
وتحوِّل الأزمات (لمُعجزات سماوية)٢
٢- (في قدسك الكريم تفتح بصيرة قلبي
والفكر يعود سليم يهرب تنهيدي وتعبي)٢
(وإبليس ياخد وساوسه ويرجع تعييره لنفسه)٢
مكتوب اللي يخاف الرب (ملاك الرب حارسه)٢

1- (مديون يارب لنعمتك مديون لحبك ليَّ
ادخل لبيتك برحمتك والفضل ده مش ليَّ )٢
(وأنا ليَّ مين في غربتي مش طالب حد تاني!
وكفاية إني ليك وانت يا حبيبي ليَّ)٢
2- (تيهَاني انت راقبته وعينيك كانت عليَّ حتى
في توبتي ورجوعي ما كانش الفضل ليَّ)٢
(ده روحك اللي بكّت قلبي على الخطية
وعصاية الراعي ردّت نفسي لمَراعي فاديَّ)٢
3- (أنا فيك باقول إني بطل مع إني عارف ضعفي
وفي قوتك نقصي أكتمل ونعمتك بتكَفّي)٢
(بارفع جناحي كالنسور إنما مش قوة منّي
لكن عشان ريح قدرتك ترفعني وتعلا بيَّ)٢

١- (بنتولد و جوه منا فراغ.. نعيش العمر بنجاهد عشان نملاه)٢
ويرجع العاقل.. بعد الترحال والسفر.. وبعد خبرات الحياة
عارف إن الفراغ ده.. هو احتياجنا إليك.. هو احتياجنا إليك يا الله

القرار- (يا الله.. افتح لنا من السماء.. طاقة نشوف نورك
يا الله.. زرنا أيا رحيم.. شرفنا بحضورك)٢
يا الله.. اكسر حواجز فهمنا أو حِسِّنا.. وافتح بصيرتنا
دي رحمتك يا إلهنا.. أفضل من الحياة

٢- يارب أذكر بلدنا.. شعبك في حاجة إليك
مش محتاجين غير ليك