رفيق عدلي (56 ترنيمة )

(زي الطير المهاجر بكره راجع لعشه
زي الغريب المسافر بكره راجع لوطنه)2
القرار – (راجع وطني يا ناس ماليش هنا مكان
قرب ييجي خلاص ليَّ عنده مكان)2
(ليَّ عنده مكان)2
2-) زي الفجر أما يشقشق وييجي في ميعاده ويصدق
أنا على مرصدي مستني وعد إلهي بيتحقق)2
3-) زي سفينة البحار مهما طافت بحار
تاني للمينا ترجع لما تشوف الفنار)2

1- (قلبك كبير مالهوش حدود حبك هداني بعد الشرود
أيدك بحب ترشد تقود صوتك في بُعدي خلاني أعود)2
القرار - حبك بان فوق الصليب كُلك حنان حبك عجيب
طول الزمان ولا يوم تخيب (صرخة أمل فيك يا حبيب)2
2- (قلبي الأثيم دايماً يخون بس أنت قلبك طيب حنون
تفضل معايا بحب تصون ولا عمر نفسي عليك هاتهون)2
3- (عديني فوق كل السدود حبك في قلبي خليه يسود
أنسى القيود وأنسى الفروض أحيا بكلامك وبالوعود)2

شايل صليبي وراك أنا وماشي
عالم رخيص دنيا ماتسواشِ
وأنت اللي غالي يا يسوع وحدك
وأي حاجة عليك ماتغلاشِ
أنا مركبي ضد الغرق علشان يسوع فيها
أمواج عواصف كل ده بيعمل حساب ليها
يا يسوع على بر النجاة امتى توديها؟ امتى
هافضل معاك ولا أي شيء أبدًا هايمنعني
مانا لو خسرت حياتي إيه في الكون هاينفعني
أنا تبعتك وقت لما قلت ليَّ اتبعني أنت
ومهما أقابل من مخاطر أو مشاكل أو أذى
أنا برضه قابل كل ده علشان حياة التلمذة
وقت المخاوف مش باخاف وقت الهموم أنا قلبي شاف
سيدي المسيح جايب فرح جايب سلام باعت عزاء
لاقيت حبيبي أزاي يا ناسِ من إيدي تاني أضيعه
صوته الجميل ليَّ دليل دايمًا باطيعه وأسمعه

(يارب الغلطة دية مش هاتتكرر بعدين
ولا مرة واحدة تاني هاغلط وأعملها تاني
يا رب الغلطة دية ولا مرة تشوفها العين
ولا ينطقها لساني ولا تسمعها وداني)
علشان أنت اللي ليَّ ولا مرة يهون عليَّ
أنام وأنت زعلاني مني بتزعل ليه
ما الخطية هي هي وأنا سهل أوي عليَّ
معملش الغلطة دية باعملها ليه
(اسكن ياربي جوه قلبي
تعالَ وعيش ياربي جوه قلبي)2
تعالَ ماليش ياربي غيرك أنت
تعالَ مافيش رحمة غير بيك أنت
والمرة دي أنا جاي لك ندمان
على غلطاتي زمان بقولك سامحني
مش لوحدي أنا وأصحابي كمان
جينا كلنا علشان نشوفك ياربي
(أنا نفسي أعيش حياتي ياربي ليك
تفضل منور قلبي من جوه
ولما أكبر أشوف ولادي زيي تناديك
بتقول لك سامحنا وأنت تنسى)2

القرار- (شكراً ليك يارب شكراً من كل القلب)2
(على صنيعك معايا وإحسانك إليّ)2
شكراً ليك يارب .. شكراً من كل القلب

1- [(شكراً على يوم جديد قلبي فرحان سعيد)2
من يوم ما دخلت عمري واديتني قلب جديد]2
شكراً ليك يارب
2- [(شكراً على خير كتير دايماً قلبك كبير)2
تديني أكتر ما باطلب بسخاء وبدون تعيير]2
شكراً ليك يارب

أبانا الذي في السماوات بنحبك من كل القلب وليتقدس اسمك فينا ويعلى ملكوتك يا رب
عالية مشيئتك في السما ولتكن أيضاً في الأرض
قد احتياجنا إدينا من الخبز اللي يكفينا
واغفر لنا ذنبنا وغلطنا زي ما نغفر لإخواتنا
وأخيراً يا رب هانطلب لا تدخلنا في تجارب نجينا من الشرير لأن ليك كل القوة
ومجد وملك إلى الأبد آمين

1- مشي المسيح للصليب حامل ذنوب الكل وشاف صنوف الألم وداق مرار الذل
لكنه فوق الصليب شال الديون عني شاور بكل حنان وقاللي اتبعني
ساعتها جيت على طول ولقيتني يومها باقول

القرار - هامشي في طريق الصليب والرب ويايا
مسنود بقوة إلهي وروحه جوايا
وعينيه بتحرس سكتي قدامي وورايا
والدم ضامن نصرتي وخلاصي وفدايا

2- أنا كنت ماشي بعيد في شرور ظلامي رافض طريق ربنا مخدوع بأوهامي
وفي يوم قابلني يسوع لقيته قدامي شاور بكل حنان وقاللي اتبعني
ساعتها جيت على طول ولقتني يومها باقول
3- أنا كنت قافل عيني والطريق مسدود والشر كان مالي حياتي وأملي كان مفقود
وفي يوم قابلني يسوع وبحبه طمني شاور بكل حنان وقاللي اتبعني
ساعتها جيت على طول ولقتني يومها باقول
4- يا كل تايه شريد في ضلمتك بتدور افتح عينيك ع السما أمل السما موفور
تلقى المسيح بجلاله واقف بمجد ونور ينده عليك بحنان تعال واتبعني
وتيجي ليه على طول وتجري عليه وتقول

1- لو شيء على بالي خطر خلاني حسيت بالخطر
ولو لقيت الهم زاد والمشكلات زي المطر
باندهك وأصرخ إليك .. من قلب خوفي اللي انتشر
باندهك .. وأطلب إيديك .. تفك قلبي اللي اتأسر
وألاقيك سامعني وأحس بيك .. وألاقي خوفي مالوش أثر
لما أندهك

القرار- لما أندهك تنزع مخاوفي من الجذور تزرع في قلب ظلامي نور
وتصلح الشيء اللي جوايا انكسر
لما أندهك أرتاح من الهم الكبير وأشعر بفرح ما لوش نظير
من عندك إنت يا يسوع مش من البشر لما أندهك

2- بافرح بإثمي اللي اتغفر بافرح باسمي اللي اتحفر
في قلب كفك يا يسوع وبماضي بالحب اتستر
باندهك يملاني خير .. لا اتعد مرة ولا اتحصر
يندهك قلبي الضرير .. فترد له تاني البصر
قلبي اللي عاش مهزوم أسير .. لو تسكنه يبقى انتصر
لما أندهك

(الذنب ذنبي يا ربي ورغم الذنب تهواني
وتدنو مني بالحب تشدد ضعف إيماني)2
ورغم الحزن في القلب لي ذكراك سلواني
ورغم الشر في الدرب إلهي عليك تُكلاني
(الذنب ذنبي ياربي ورغم الذنب ترعاني
قريبٌ مني كالأب وتمسح دمع أحزاني)2
قد تنسى الأم في الحب وربي ليس ينساني
فلا أرتاع من صعب مادام الرب معواني
(الذنب ذنبي ياربي ورغم فيض أحزاني
قريب أنت من قلبي تواسي المُثقل العاني)2
تعزيني مدى الدرب حتى وصولي أوطاني
لا أنسى حبك ربي وحبك ليس ينساني

(في النظرة من فوق تختلف المقاسات
فيه حاجات بتصغر وبتكبر حاجات)٢
(إرفعني يا رب عالي أشوف بس بعينيك
وإملا كل إنشغالي بالأمر اللي يرضيك)٢
(وتفضِل الظروف وتفضِل الأماكن
لكن مع إختلاف فين أنا قلبي ساكن)٢
(أعيش على الأرض لكن في السماء راحتي
ومكاني عارف إني غريب غربة سنينها ثواني)٢