محب صفا (73 ترنيمة )

١- أنا لسه صغير مابعرفش الكلام هو بيرعاني
ويديني سلام وإن نسيتي ماما وسابتني كمان
هو لسه فاكرني وعليَّ سهران

القرار - حبي ليسوع بيزيد عشان حبه ليَّ ده شيء أكيد
وأنا جوه فصلي أو في امتحان بيقوللي ماتخفشي ويديني أمان
حتى لما أعيط بيقوللي كمان نقشتك على كفي من زمان

٢- ده أنا لما أكبر جداً وأبقى قد بابا هافضل برضه ابنه
وهو برضه بابا ويفضل يرعاني وأنا ماسك في إيديه
ده اللي يمسني بيمس عينيه

1-أنت الشفا للي أنجرح بجروح زمان...أنت الرجاء وأنا قلبي فيك لقى الحنان
أنت تعوض يا غني وتدي الأمان...تلمس حياتي كلها وأنسى اللي كان
القرار - أنت حبيبي وسَيدي يا أبرع جمال...أنت إلهي وكلمتك فوق المحال
أنت نشيدي وغنوتي وليك السجود...خلاصي أنت ونصرتي ورب الوعود
2-أرجع إليك تبنيني من بعد الخراب ... وعشانك أرمي الغالي كله على التراب
ما أنا عايزك أنت تبقى تبري وفضتي ... ورضاك ده يبقى سؤل قلبي وطلبتي
3-الوعد حي في كلمتك ولا عمره مات...وإسحاق هاييجي حتى لو الوقت فات
وزي ما النجوم بتملى السماوات...أنت تباركني وأتملي بالتعزيات
4-أنا مش هاخاف من أي كلمة إبليس يقولها...وأي كلمة عليَّ هي عليك تاخدها
دي عينك أنت عليَّ أنا في كل يوم ... هتحامي عني ورحمتك ليَّ تدوم

1- (أنا راجع أخد مكاني ... جوه صفوف المسيح
دا بقالي وقت غايب ... بعيد وحدي وجريح)2
(تارِك ديار نِواحي ... راجع شايل سلاحي
رافع رايتك حبيبي ... بالحمد والتسبيح)2
بالحمد والتسبيح
2-(أنا جاي أدخل معاك ... في جو المعركه
وأنهـي كل ارتباك ... بيرجعني لـورا)2
(وعشان طول المسيرة... هأتزود بالذخيرة
سلطانك المُعطى لينا ... والكلمة والصلاة)2
والكلمة والصلاة
3-(الحرب لسه دايرة ... والنصرة ديَّ معاك
وأراضي باقية لينا ... وعلينا الإمتلاك)2
(إبليس ليه رجل فيها ... بخراب وبموت ماليها
جايين بندوس عليها ... وبنخطف م الهلاك)2
وبنخطف م الهلاك
4-) يا يسوع افتح عينينا ... على حقك ندركه
ده يا بخت كل واحد ... في عملك تشركه)2
(وبقوة القيـامـة ... مرفوعة كل هـامـة
مجدك يكون علينا ... والوعد نملكه)2
والوعد نملكه

القرار - صالح ... صالح وأمين
صالح ... وبطول السنين
صالح ... وفي قلبي يقين

1- (ايه ينفع نقول ... قدام احساناتك؟
ده الكلام يطول ... ومانوَفيش جلالك
فاق كل العقول ... فِداك الثمين)2
2- (وبرأيك تهدينا ... كل ما نيجي نتوه
انت البر ليك ... لينا خزي الوجوه
و ماسكنا فى إيديك ... من إيدنا اليمين)2
3- (ونعدّي في تجارب ... وف نار الأتون
وعشان انت رحيم ... وعشان انت حنون
بتهَونها علينا ... وبتقدر تعين)2
4- ( ليك كل السجود ... ليك كل الكرامة
نحيا في طاعة ليك ... ونعيش باستقامة
نبقى شهادة ليك ... ونبقى منورين)2

القرار - الرب راعيَّ فلا يعوزني شيء
١- في مراعٍ خضرٍ يربضني إلى مياه الراحة يوردني
٢- إنما خيرٌ خيرٌ ورحمة يتبعانني كل أيام حياتي

القرار - (باتناول أنا من يدَّك اللي انت بتسمح بيه
وبرضا باتقبَّل منك يا إلهي والخير فيه )٢
١- ويقيني وكل إيماني إنك من خلف حياتي
وأصابع أيدك ترسم وبدقة طريق خطواتي
والأمر اللي يريحني متخطّط قبل الكون
معروف وبعِلم إلهي بالإسم و ايه هايكون
٢- والشر قوام يتحول بالقصد هايصبح خير
ولا يمكن يوم إنسان هايقاوم يد قدير
ولا يخطر يوم على بالي الخير هايجيني منين
على قلبك هافضل غالي و هاتفضل انت أمين

القرار- (الله مش بس خالقني
على صورته وعلى شبهه
لكن كمان ميزني
خلاني أكون ابنه)٢

١- وقت الحزن ووقت الضيق
هافتح قلبي لأحلى صديق
علشان إنت حبيبي
دايماً ماسك إيدي
دايماً حاسس بيَّ
وقريب مني
٢- لما باحكيلك بارتاح
إنت البسمة والأفراح
مين زيك في حنانك
مين زيك في سلامك
دايماً شاغل بالك
بكل مشاعري
٣- لما حاجة تخوفني
هالجألك إنت عارفني
وبتعرف تحميني
حبك بيهَدِّيني
لما باشوف في صليبك
قيمتي وغلاوتي

القرار- لما تجسدت وشفتك
سهلت كتير معرفتك
ولمست الحب
لما إنت فديتني باسمي
أدركت إن إنت محبة
وإني غالي على قلبك
ليك كل الحمد
ياللي مسرة قلبك قربي

١- كنت خالقني على صورتك
لكن شوهت أنا صورتي
لما اخترت أبقى سيد لحياتي
لكنك أخليت نفسك
وأخدت صورة ضعفي
عشان إنت ترد صورة مجدك لكياني

٢- إنت مريت بآلامي
قادر ترثي لضعفاتي
بمعونة وحب
إنت معايا في أيامي
اسمك وحده يطمني
عمانوئيل يحفظني
إنت اللي وعدت
طول الأيام ترعاني

٣- قلبي فرحان بميلادك
قلبك فرحان بميلادي
أنا في المسيح
خليقة جديدة
وعهد جديد
دي عقيدتي هي يسوعي
وعبادتي ليك خضوعي
أنا باسجد ليك
ياللي بملكك قلبي سعيد

١- طوبى للمساكين بالروح لأن لهم ملكوتي
طوبى لمن في حزنٍ ونوح لأن لهم تعزياتي
طوبى يا ودعاء القلب لأنكم وارثون الأرض
(طوبى للجياع للبر أشبعهم دوماً من دسمي)٢

٢- طوبى لكل الرحماء لأنهم يُرحمون
طوبى لأنقياء القلب فشخصي سيعاينون
طوبى يا صانعي السلام لأنكم أبناء الآب
(طوبى يا من كنتَ لأجلي مضطهَداً فلك أكاليلي)٢

٣- طوبى للذي لم يعبد سوى اسمي فسيرى مجدي
طوبى لكل من يخضع فأمامه سيسير وجهي
طوبى للمتكِّل عليَّ ومن وضع رجاءه فيَّ
(طوبى لمن يحفظ حقي يثبت يزهو كالنخل)٢

طوبى يا ودعاء القلب لأنكم وارثون الأرض
طوبى للجياع للبر أشبعهم دوماً من دسمي
طوبى يا من كنتَ لأجلي مضطهَداً فلك أكاليلي
طوبى لمن يحفظ حقي يثبت يزهو كالنخل

١- هل في أمل يجيني بكره أحسن
هل في سبب إني أكمِّل وأعيش
هل في أكبر من حزني وإيه اللي يضمن
آخر ضي فيَّ مينطفيش
هو اللي راح وخسرته إيه هايعوضه
هي الجراح والحزن مين هايقدره

القرار- لا مش هاقبل لا أكون موجود
من غير حياة
لا أنا ليَّ إله غالب الموت
واداني رجاء

٢- لو أغلب صفحات قصة حياتي
مليانة بالهزيمة والفشل
مليانة لكن لسه مش نهايتي
هل يرجع يعيش فيَّ الأمل
مفاضلش غير رحمة إله بيحبني
مادد إيديه ينقذ حياتي يردني

٣- مين يشفي قلبي ويرجع شبابه
بعد ما عجّز قلبي من زمان
مين غيرك يا يسوع أجري لحضنه
يرمم الكسور يدي الأمان
عندي إيمان شمسك تنور سكتي
آن الأوان أنهض وأكمل رحلتي