وحيد زكي (28 ترنيمة )

أيتها النفس الضعيفة الشقية لماذا شردتِ في دروب الخطية
هاتي ما عندك وارميه عليَّ استيقظي وهلمي فأريك يديَّ
هيا تعالي وعودي إليَّ
فكثيراً ما دعوتك باسمك انتِ لي وأنا ربك
فلماذا عني قسيتِ قلبك ورحلتِ عني وصممتِ اذنك
هيا تعالي وعودي إليَّ
أيتها النفس كفاكي شروراً كفاكي شرا وجحوداً
ألم ترويكِ تلك الدماء ألم يكفيكِ لطمي والعراء
فهيا كفاكِ ولبي النداء
قد يكون هذا ندائي الأخير وتسمعين بعده هيا الرحيل
فبماذا تجيبي عند الرحيل أمستعدة أنتِ ليوم الرحيل
فهيا انهضي من رقاد طويل
هيا تعالي واغتنمي الفرصة وعودي إليَّ بدمعة وفرحة
ستجديني منتظراً هذه العودة بالأحضان منتظراً بشوق ولهفة
فتعالي وارتمي في حضني واحتمي
فإني منتظراً فتوبي واندمي

مش بالسنين والشهور والأيام .. تقدر تحسب تقول أنا عمري كام
هي مش حبة حروف وحسبة أرقام .. دي لحظة حياة حقيقية تساوي ألف عام
مين قال إن السنين هي عمرك إللي عشته ؟! عمرك هيطلع كام لو منه الضايع حوشته ؟!
وياما ضاع منك سنين عدت وكإنك .. شايل بين كفوفك مية وبتقع منك !!
لا يا صاحبي وصديقي دا عمرك الحقيقي .. إللي تقدر تقول محسوب
هو إللي بعيد بتعيشه عن فكرك وطيشه .. من يوم ما نويت تتوب
وعرفت إللي انت نسيته ومن قلبك حبيته .. يبتدي عمرك يا دوب
وتقول كان فين ويا ريته عرفني الطريق ومشيته .. وبقيت من الخراف محسوب
أنا عمري إللي معاك يا رب، يوم ما سكنت أنت القلب
يوم ما عرفتك بجد، وابتدى قلبي يحب
أما العمر إللي قبلك إللي كان قبل ما أقابلك .. كان أخره ضياع وهلاك
ولو انكشفت الحقايق يطلع عمري دقايق .. إللي فيها كنت معاك !!

اخترقت الظلام وشافتني عنيك يا ربي
كشفت حتى الأحلام مبقاش في شيء أخبي
اترعشت العظام واتهز فيّ قلبي
مش لاقي يا ربي كلام أو عذر يداري ذنبي
مبقتشي يا رب أحارب أي خطية وتجارب
ورا الخطية بجري تهرب هي وتجري
وبقيت خاطي جسور وعملت كل الشرور
قدام عنيك يا ربي وعنيك تنزف بحور
مكسوف يا رب منك ومن نفسي كمان
إزاي بعدت عنك وجريت ورا الشيطان
رجعني ليك يا ربي وانسى كل إللي كان
واخلق من تاني قلبي واغمرني بالحنان

القرار - هيا يا نفسي تفهمي ذلك اليوم الرهيب
إياكِ أن تتمهلي فإن مجيئه قريب
1- ما أرهب هذا النداء اليوم تطلب نفسك
كل ما أعدته هباء يا غبي ها يومك
2- كم أخشى يوم اللقاء حين تكشف الأسرار
حين يعلو صوت البكاء حين تفضح الأفكار
3- كم أخشى ساعة حساب أين حساب وكالتك
هل دفنت في التراب أم تاجرت بوزنتك

بجهلي ضعفت وقعت يا ربي كنت سعيد وكان بإرادتي
كنت بحب طريق الشر وبجهلي فاكر إني حر
كنت فاكر إني عايش وإ، عمري دا محسوب
أتاريني ميت والإسم عايش ولا كنت عايز يوم أتوب
ولما التوبة تنادي عليَّ أرد وأقول خليني شوية
وأفضل أأجل يوم ورا يوم عبد لضعفي ورافض أقوم
كنت فاكر لسة بدري وإ، يومي ملوش غروب
أتاريني مخدوع وإن عمري يا دوب بخار يظهر يدوب
علمني يا رب أحبك وأنسى سنين الضياع
وأعيش العمر جنبك وكفاية إللي ضاع
كفاية عمر انقضى في غربة وفي صراع
نفسي في البحر تايهة من غير دفة وشراع

1- يا إلهنا امسك إيدينا وافتح يا رب عينينا
ورينا إن إللي معانا أكتر من إللي علينا
خلينا يا رب نشوف جيوش ملايكة ألوف
علينا محوطين فيهرب منا الخوف
القرار - عايزين نكون شايفينك مش بس بينا وبينك
يشوفوك بتدافع عنا وتخلصنا يمينك
2- انت فين يا رب فينك ساكت ع إللي بيهينك؟!
بيقتلوا في ولادك بيقتلوا في ولادك
في الضيقة إحنا طالبينك بننادي ومحتاجينك
وعودك مصدقين هنصلي ومستنيينك
3- آسفين عشان خايفين وكإن مش واثقين
إنك تقدر تحمينا لو قام علينا مين
اشف الضعف إللي فينا فتّح يا رب عينينا
خلينا نحس بوجودك وانت بنفسك حامينا

أنا ابنه حبيبه قلبي مريضه وهو طبيبه
يقدر يشفيه ويصلحه مهما إن كان عيبه
دايماً يسترني ويعذرني ولو إني ماليش
أعذار ولا حاجة تبررني غير إني حبيبه !!
أبويا على كتافه شايلني ومدللني
ومين عاقل يبقى ف حضن أبوه ويسيبه ؟!
أنا كل ما أشوف آلام / هموم الناس بكتِشِف
إن أنا حالي أفضل بكتير فاتكِسِف
وأشكر ربنا ع إللي أنا فيه وأعتِرِف
إن إللي عندي واخده منه ومِستِلف
أنا ابنه الغالي أنا مش عادي أنا مُختلِف
أنا ف نني عينه وكفوف إيدينه ناقشني
لما أبعد عنه بوحشه أكتر ما واحشني !!
دايماً يسمعني ويفهمني ولو إن ما فيش
حاجة م إللي بقولها تنفعني أو ما تدنيش
بحنانه يطبطب يحضني ويطمني
ودموعي ينشفها بإيده وما يطردنيش!!

1- من نفسي يا ربي بشكي لك تعبان من قلبي بناديلك
راح أجمع همي وأوجاعي وهلملم خطاياي وأجيلك
القرار - أرجوك .. أرجوك يا رب سامحني وارحم ضعفي الكبير
كمل بقوتك ضعفي حرر قلبي الأسير
2- قاسي القلب يا رب عليك قاسي عنيد بيجرح فيك
تنده يقسى ويبعد عنك لكن عمري ما هنت عليك
3- جفت نشفت كل دموعي قلبي اتحجر بين ضلوعي
زاغت فسدت نفسي يا ربي هربت ضلت رافضة روجوعي