عادل سمير (20 ترنيمة )

1- لسه صوتك في وداننا رغم مرور السنين
شايفين الوعد بعيوننا بتنهض ملايين

القرار- وبلدنا ترجع تاني تسجد لجلالك العالي
ويخرج من الميادين تسبيح وأغاني

2- حبك يرسم أحلامها والقسوة في قربك تدوب
كلامك يملى وديانها تشبع بيه القلوب

3- بلدي يا رب في مشيئتك مهما تكون الأمور
هانشوف الخير في جيلنا والضلمة هاتبقى نور

1- لمين نروح وإنت الاله.. وعندك وحدك كلام الحياة
لما بنجيلك يلمسنا روحك.. يشفي ويحرر أسر الخطاة

القرار- بعيون الحب تشوف الدموع.. في عيون الناس تتحنن عليهم
وتمد إيدك تمحي الأنين.. تمنح سلام وتصير راعيهم

2- وعند القبر شوفنا حيارى.. تأمر فيخرج من الموت حياة
وفي ليل الحزن تشرق بنورك.. تفرح نفوسنا برب الحياة

3- ورغم الزحمة عينيك بتلمح.. قلوب عطشانة للعيشة معاك
تيجي وحضورك يستر ماضينا.. وندوق حلاوة العشرة وياك

١- (شايف دموعك حتى اللي مش باينة في عينيك
لامس جروحك حنانه يشفي اللي بيك)٢

القرار - (قرب منه وحس بحضنه خلي دفاه يملا ضلوعك
صدَّق إنه بيرعاك بحبه وفي وسط ليلك هو شموعك)٢

٢- (عارف مشاعرك كل طموحك كل ماضيك
سامع أنينك همس شفايفك عينيه عليك)٢

١- إنت الحقيقة.. في عالم مليان زيف وأوهام
حقــــك يحـــــرر.. وفي نـورك تنهار أسـوار ظـلام

القرار- زي عيـــون العـبيد.. يـا سيـد عيـــوننا إليــك
نتغير لمجدك وصورتك.. وحياتنا هانعيشها ليك

٢- إنـت الطــــريق.. والنــور الحقيقـي للحـــياة
واللي يجي لك.. أحشاؤه تفيض أنهار مياه

٣- إنـت أبـونــــــا.. راعـينا الصــالح خـبـز المسير
راحـة التعـــابى.. وشافي القلوب ربي القدير

1- من قلبي باغني.. للي مات عني.. وبدمه فداني
شال عاري وذنبي.. طهر لي قلبي.. من الموت نجاني

القرار - بارفع تسبيحي.. أجمل مديحي.. ليك يا حبيبي
وكفاية إني.. عايش متهني.. وياك نصيبي
ليك التسبيح.. ليك التسبيح.. ليك التسبيح
يا سيدي المسيح

2- وأنا مهما أتألم.. هافضل أرنم.. وأرفع ليك تسبيحي
تملاني قوة.. في القلب جوه.. هاشهد لمسيحي

ما كانش ينفع حد غيرك يموت بدالي ياللي بموتك قبلت عاري وأخدت مكاني)٢)
دفعت فيَّ دم غالي وأنا إيه اساوي أنا قيمتي فيك ياللي فداك ده كان عشاني بس عشاني
تعال املك قلبي اللي ياما عاش لغيرك واملا سنيني بنورك ووحّد قلبي في طوعك)٢)
بس في طوعك)٢)

١- شايفين حقك.. تشق العتمة.. في أراضينا
ونفوس بتتوب.. تنفك قيود.. من أياديها

القرار- جيت يا يسوع لبلادنا.. وأمرت هنا بالبركة
وعدك سور حواليها.. (أمان وسلام لولادها)٢

٢- شعبك يشهد.. خير ومراحم.. طول أجياله
يتوحد بيك.. وينادي باسمك.. طول أيامه
٣- مجدك يعلى.. في وسط بلادنا.. ويملك فيها
ونور إنجيلك.. يخش بيوت.. محرومة يرويها

١- (يارب ياللي خلقت الكون ليل ونهار وبحور وجبال
وعينيك شايفة أقاصي الأرض وإيديك مابتعرفش محال)٢

القرار- نفوسنا بتباركك بالحمد لجلالك
(قلوبنا تسجدلك تشهد لإحسانك)٢

٢- (تبعت شمسك تبدأ يوم رسالة حب لكل الكون
ما أنت راعينا وصالح لينا نلقى في حضنك كل سكون)٢

٣- (يا رب ياللي أمانتك سور يحمي ولادك من الأخطار
وعودك ثابتة بدون تغيير وإن جزنا في أتون النار)٢

القرار- غنوا لاسم الرب وعلوا إله بالحب راعينا
صخرة لشعبه العارف اسمه سور وحماية لينا

١- الله عظيم لاسمه يليق كل الترنم والتسبيح
أمين إليه ترعى الوجوه حي بنرفعله المديح

٢- القوة بيه والمجد ليه ملوك بتهديله الجلال
الأمر ليه والنور ماليه صوته يزلزل أقوى الجبال

٣- عالي ومهوب عرشه السما والأرض موطئ لرجليه
كل الشعوب تيجي بخضوع ترجع وتتوكل عليه

١- يسوع مليكنا في وسطينا
بنرفع لاسمه أغانينا
يمشي ما بين صفوفنا
يشفي بإيده جروحنا
وإن أنّت قلوبنا نلقى أفراحنا فيه

القرار- هللويا هللويا هللويا
لاسمك يا يسوع

٢- يسوع مليكنا في وسطينا
بنرفع لاسمه أغانينا
يشبعنا بكلامه
نتمتع بجماله
إلهنا مفيش مثاله كامل والطهر فيه

٣- يسوع مليكنا في وسطينا
بنرفع لاسمه أغانينا
نرفع لاسمه إيدينا
مجده يملا عينينا
في حضوره يلاقينا أشواق قلوبنا ليه