نعيم عاطف (33 ترنيمة )

١- حريص على مجدك ثابت على عهدك
وما دام وعدت أكيد تعمل حسب وعدك

القرار- كل العيون بتبصلك كل الخليقة بتطلبك
كل الأيادي بتسألك ولا كلمة تسقط من وعدوك يا ملك

٢- حاسس أنا بحبك واثق أنا في وعدك
مهما انتظاري يطول هايجيني يوم ردك

1- (لو كل الناس زهقوا وملّوا لو أعز الناس عني اتخلوا
لو جرحي صبح ليهم قصة يحكوها لبعض ويتسلوا)2
هالاقيك
هالاقيك موجود وهاتبقى لي أهلي وناسي عزي ملاذي
وفي وسط مرار طعم الدنيا يغمرني فرح ويفيض كاسي

2-(لو مِلت وضاعت خطاويَّ وطاوعت ميولي البشرية
ومشيت ع الشوك اللي بيكوي وبناره اتحرقت رجليَّ)2
هالاقيك
هالاقيك موجود وهاتغفر لي ميلي وبُعدي شري وعندي
وفي وسط التوهة اللي أنا فيها بعد الحيرة إيدك تهدي

3- (لو قادت نار حرقت قلبي والحزن اختار يسكن جنبي
والعود الأخضر بقى ناشف ورماني السهم المتخبي)2
هالاقيك
هالاقيك موجود وهاتبقى لي خيري ومددي فرحي وسعدي
يظهر في الأرض الشرقانة زي سحابة كف مندي
لو كل العالم كان ضدي لو مشيوا الناس وبقيت وحدي
(هالاقيك موجود وهاتبقى لي ضهري وسندي)2

القرار- (مافيش طريق تاني للراحة غير في الرب)2
حملك عليه ترميه وسلامه يملا القلب
(هو الأمان هو الضمان هو الحنان والحب)2

1- وليه يكون حملك مرار مالوش علاج
هو اللي يدي الشفا ويساعد المحتاج
جايز يكون حملك ألم وحزن تقيل
ارميه عليه حالاً ترتاح وهو يشيل
يمكن يكون همك غلاء المعيشة عليك
خايف لبكره كمان كتر الهموم يحنيك
ارفع عينيك للسما شوف الطيور حواليك
ربك بيرعاها ومن غِناه يديك
2- يمكن يكون حملك ذنب وخطايا كتير
باب المسيح مفتوح للخاطي والشرير
ومهما كان ذنبك تلاقي حبه كبير
يغفر خطايانا ويضمن التبرير
يمكن يكون حملك عادات بتحكم فيك
يقدر يسوع يسندك بالنعمة ويقويك
جايز تكون واقع ممسوك بفخ حديد
ياما المسيح حرر من الخطية عبيد

)يا أرض لفي ودوري حوالين الشمس وعدي
لفي السنين واطويها لفي كما أتعودتي)2
(لا تزودي سرعتك ولاتجري وتمدي
لا تنقصي خطوتك ولا تنسي وتهدي)2
(وشدي حيلك كمان يا أرضنا شدي)2
هاتي حساب الزمان عدي السنين عدي
فاتت علينا سنة فاتوا علينا أتنين
وفاتوا عشرة كمان وبعدهم عشرين
فات م السنين عشرات فات م السنين ميّات
فاتت سنين وسنين وكمان سنين وسنين
(مش بس فات الألف لكن كمان ألفين)2
يا أرض لفي ودوري عدي يا دنيا ودوري
هاتي حساب السنين
مش بس فات الألف مش بس فات الألف
لكن كمان ألفين
(فاتت على ميلاد المسيح ألفين سنة
من يوم ما جاه هنا عندنا
من يوم ما جانا وأتولد على أرضنا)2
(ألفين سنه فاتت على ميلاد المسيح
اللي بظهوره في أرضنا قسم التاريخ)2
وكل اللي قبله تاريخ قديم وقت انتظار
كل اللي بعده زمن جديد عهد انتصار
والدنيا كانت ضلمة غطاها الغبار
لكن لما دخل بنوره في التاريخ
(طلع على الدنيا النهار)3
(في الليلة دي ظهرت ملايكة في السماء فوق الغمام
تعلن خبر وتقول كلام)2
أحلى كلام (قالت انهارده هياتولد بينكم غلام
يهدم حصون الشر والخوف والظلام)2
(المجد لله في الأعالي وفي السما
وبالمسيح هايحل على الأرض السلام)
(وإحنا انهارده بنحتفل تعالى واهتف زينا
المجد ليك المجد ليك المجد ليك المجد ليك
المجد ليك يا ربنا)2
فاتت على ميلاد المسيح ألفين سنه ولسه عايش وسطنا
لمسة حضوره في قلبنا من يوم ما شرف أرضنا

1- مشي المسيح للصليب حامل ذنوب الكل وشاف صنوف الألم وداق مرار الذل
لكنه فوق الصليب شال الديون عني شاور بكل حنان وقاللي اتبعني
ساعتها جيت على طول ولقيتني يومها باقول

القرار - هامشي في طريق الصليب والرب ويايا
مسنود بقوة إلهي وروحه جوايا
وعينيه بتحرس سكتي قدامي وورايا
والدم ضامن نصرتي وخلاصي وفدايا

2- أنا كنت ماشي بعيد في شرور ظلامي رافض طريق ربنا مخدوع بأوهامي
وفي يوم قابلني يسوع لقيته قدامي شاور بكل حنان وقاللي اتبعني
ساعتها جيت على طول ولقتني يومها باقول
3- أنا كنت قافل عيني والطريق مسدود والشر كان مالي حياتي وأملي كان مفقود
وفي يوم قابلني يسوع وبحبه طمني شاور بكل حنان وقاللي اتبعني
ساعتها جيت على طول ولقتني يومها باقول
4- يا كل تايه شريد في ضلمتك بتدور افتح عينيك ع السما أمل السما موفور
تلقى المسيح بجلاله واقف بمجد ونور ينده عليك بحنان تعال واتبعني
وتيجي ليه على طول وتجري عليه وتقول

القرار- (جايين لك بنصلي .. يا يسوع الغالي)٢
(علشان يبقى اسمك .. في بلادنا عالي)٢

١- (بارك كل مدينة .. وكل شارع فيها
يا يسوع قوينا .. نشهد عنك فيها)٢
(ونتكلم للنفوس .. عن صليبك يا قدوس)٢

٢- (بنقدم أشواقنا .. تبقى بيوتنا ليك
وإخواتنا واصحابنا .. عينيهم تبقى عليك)٢
(وبتسبيحنا نرفع ليك .. أحلى ذبيحة يا مليك)٢

لكن سمحت إرادتك يتولد في مكان حقير
ويعيش حياته في وسطنا محتاج فقير
ملك ولكن عرشه مفروش بالألم لأن ملكه مالوش نظير
يعرف معاني الاحتياج ويحس إحساس الفقير
عاش المسيح وسط البشر بين الأمم
وداق عذاب الناس وشاف ألم الفقير اللي اتحرم
وعرف مرارة اللي اتحبس و اللي اتظلم
و اللي اتضرب واللي أتشتم واللي اتقتل واللي اتجرح واللي اترجم
شاف واختبر وعرف تفاصيل الألم
سكن المسيح وسط الغلابة التعبانين وشاف دموع المقهورين
و سمع أنين المظلومين لمس وشاف اللهفة في عيون الجياع المحرومين
لمس وشاف الذل في عيون العيال الغلبانين
لمس وشاف الضعف ساكن جوه جسم العيانين
شاف العبيد شاف الخدم شاف الفراغ شاف العدم
شاف واختبر وعرف تفاصيل الألم

١- جايين وبصرخة قلب المحتاج طالبين العون
عارفين إنك بالحكمة الإلهية أسست الكون
لكن خطايانا البشرية هدمت أركان الحرية
واتملت الأرض التعبانة بشرور وذنوب وجريمة وضرب
ومآسي كتير و جرائم حرب

القرار - ارحم ارحم .. ارحمنا ارحمنا.. ارحمنا يارب
عايزينك تيجي يارب وتملا الأرض حياة
وتفيض ع الأرض محبة وخير ونجاة
وبحبك نعرف ايه الحب وايه معناه
ما هو انت الحب وانت أساسه وانت انت غِناه

٢- جايين وبصرخة كل مريض في البيت مرهون
عارفين إنك وحدك تشفي عبيدك وشفاك مضمون
عالج جروحات متخبية امسح آلامات قاسية قوية
عالج باللمسة الإلهية وأحكم بأوامر سماوية
ما هو سلطان الكلمة الحية فوق كل الطب

٣- جايين وبصرخة كل فقير مذلول مطحون
طالبين تديله الحاجة اللي تصونه من غير ما يهون
ارفع أزمات متقسية استر أبواب متغطية
واديله الرزق المتقدر وافتح له الباب المتسكر
وسّع قدامه طريق الكسب من خير الرب

القرار – يارب ياللي بحنانك وعدت بالبركات
ومليت عالمنا الكبير بالفضل والحسنات
وكل يوم بتفيض ع الأرض بالخيرات
(بــارك بلادك كلهـا و مصـرنـا بالـذات)2

1-يمكن يكون شكل الطلب فيه شيء من الأنانية
بس انت عارف الضمير وكاشف النية
وانت اللي بتعامل البشر بـمحبـة وحنيـة
(وصلاتنا مرفوعة بخشوع مليانة شفافية)2
2-والأمر كله إن فيه حاجة شديدة إليك
وفيه ملايين البشـر واقفة و باصة عليك
عايزين نشوف جودك على الزرع والمَيـة
(املا الغيطان من خيرك والحبة تصير مِيَّة)2
3-و تبــارك العامل و ترزق المحتاج
و تجـــاوب السائـل تـدِّيلـه ما يحتاج
وكل ساعي في طريقـه اضمن له انت سلامه
(وكل مُخلص وأمين افتح له باب قدامه)2

القرار - يارب وحّد بالمحبــة شملنـا
وفـي المسيح ينضم كــل المؤمنيــن
دي الفرقة متعبرش عن روح المسيح
وإهانة للمصلوب وللدم الثمـين
1- قال المسيح وهو راكع في الصلاة
عايز أشوف الكل فيَّ مــوَحــديــن
طلب المسيح إن الجميع يتوحـدوا
ويعيشوا فوق كل الخـلاف متغلبين
وياخـدوا مــن روح المسيح مسحة حنـــــان
(تنزع بذور الفرقة وتنمي الحنين)2
2- أزاي يعيش الإخوة في كل اتجاه
وإزاي يكون أهل المحبـــة مفرقين
ضروري ييجي اليوم و يجمعنــا المسيــح
مهما تفوت على الفــرقة ألاف السنين
لازم في يــوم الحـب يمـلك قلبنـا
(ويضمنا ولا يفتـرقـش المؤمنيـن)2
3- ليه نختلف على القشور متفرقين
وليه نعيش بعد الإيمان متقسميـن
لينا مسيح واحد وحيد شاهـد أميـن
لينا صليب واحد بيفدي المذنبين
لينا رجاء واحد يعود لينا المسيح
(ونعيش معاه وسط الملايكة منوريـــن)2