نعيم عاطف (33 ترنيمة )

1- (لك يا سيدي يا فرحتي يا بسمتي أقدم تسبيحتي)2
(وكل طير في السماء وكل عشب قد نما
والزهر في أغصانه لك يغني باسماً)2
2- (لك يا سيدي محبتي وثقتي يا ضامناً سلامتي)2
(ففي طريق غربتي عيناك تحمي خطوتي
وإن ضللت تائهاً تعيد لي بصيرتي)2
3- (لك يا سيدي لك أنا بجملتي يا ملجأي وراحتي)2
(أعطيك آمالي الكبار أعطيك ليلي والنهار
أعطيك قلبي خالصاً قدسه في نور ونار)2

القرار - (ايه هو الصح وفين نلاقيه والخير إزاي نفهم معانيه)٢
وإزاي هانعيش لون أيامنا من غير ما نفرط في إيماننا
ولا نتخلف ولا نتجمد ولا نفضل قاعدين في مكاننا
إيه هو الصح)٢)

١- دوامة في بحر مالوش آخر والناس بتدور في الإنترنت المليانة حسنات وشرور
ولا عارفين إيه اللي هايحصل ولا فين الأيام هاتوصل هاتغير سكتنا ونبعد ولا هانفهمها ونكمل
إيه هو الصح)٢)
٢- مش فاهمين ليه أيامنا كده مش زي زمان ومافيش في حياتنا دليل واضح ولا حتى أمان
وحاجات ماكنتش زمان تحصل وماحدش نبهنا الأول
بتجينا حاجات نحتار فيها ولا عارفين نرفض أو نقبل
٣- يارب يا عالم باللي أنا فيه عرفني الصح وفين ألاقيه
خليني أعيش على زماني من غير ما أفرَّط في إيماني
ولا أتراجع ولا أتخلف ولا أفضل قاعد في مكاني
وأعيش في الصح

١- علشان الناس حواليك يرضوا وتلاقي قبول
لازم حتماً تمشي وراهم في طريق مقبول
لو مرة تخالف وتفكَّر تبقى المسؤول
وتلاقي الناس يبعدوا عنك وتعيش معزول
وأنا عايش أي كلام وخلاص
وبامثِّل على نفسي وع الناس
وما دام دي السكة المطلوبة
هامشيها كده من غير إحساس

٢- علشان الناس حواليك يرضوا وتلاقي قبول
لازم حتماً تنسى إرادتك وتعيش على طول
في طريق معلوم بحدود مرسوم وضمير مشلول
وتعيش في السر حياة تانية من غير ما تقول
وأنا عايش ضد ضميري كمان مش حاسس إني بقيت إنسان
وباعيش في الفورمة المطلوبة مبسوط ما يهمش لو زعلان

٣- يارب أنا عايز أعيش واضح وإيماني أصيل
وأنت اللي تحدد لي طريقي وتكون لي دليل
والخطوة أخطيها بريئة من غير ما تميل
وأحقق ذاتي وكياني من غير تمثيل
مش عايز أمثل وأنادي أنا عايز أكون إنسان عادي
والأبيض فيّ يكون ظاهر والأسود ما يكونش رمادي
مش عايز أمثل وأنادي أنا عايز أكون إنسان عادي
مايهمش أرضي الناس لكن إنت اللي تكون وحدك راضي

١- في الليل الساكت والضلمة في الجو البارد والعتمة
في الصحرا والغنم النايمة وسط الحراس

القرار- ظهرت في الجو ملايكة نور بتطير حوالين السماء وتدور
وتغني أغاني فرح وسرور على صوت أجراس

٢- بتردد أحلى الأنغام ترفع للرب الإكرام
وبتعلن أفراح وسلام لجميع الناس

٣- ويسوع في المذود كان في أمان مع إن مكانه ماكانش مكان
مع ذلك قلبه كان مليان أجمل إحساس

٤- أنا فاتح قلبي ليك يا يسوع وأهتف وأغني بصوت مسموع
وكلامك أشيله بكل خضوع على العين والراس

القرار- أنا عايز كل الكون يعرف إن أنا موجود
وجهادي عشان لفت الأنظار مالوهش حدود
وبكل طريقة هاقول للناس (أنا ليَّ وجود)٣

١- أنا باحلق راسي وألمعها ولا شعرة تبان وأطوِّل شعري وأعمل منه ضفيرة كمان
أو ألبس شورت في عز الشتاء ولا أقول بردان وأساسي الكاب بالليل ونظارة شمس كمان
وده كله عشان وسط الزحمة أظهر وأبان
٢- أحياناً باتظاهر إن أنا جوايا فنان وألبس قمصان من غير كم وعضلاتي تبان
وأرسم تاتو بنت جميلة أو راس حيوان وأعمل تقاليع كده مش لايقة أهو شغل جنان
وده كله عشان وسط الزحمة أظهر وأبان
٣- أنا موجود مش بالتقاليع ولا بالمظهر كل الحركات دي لا بتقدم ولا بتأخر
لكن بنجاحك وبأخلاقك هاتكبر وتكبر ومكانك أكيد وسط الزحمة هايظهر
بكرة يظهر بكرة يظهر بكرة هايظهر بكرة
أنا موجود

الناس بتحب الناس وتصاحب بعض الناس علشان أسباب
وكأن الحب في علاقتنا ثمن الإعجاب

١- واحد بنحبه لأنه جميل واحد بنحبه لأنه طويل
واحد بنحبه لأنه خفيف وبنكره واحد دمه تقيل
بنحب الناس ونصاحب الناس علشان أسباب
وكأن الحب في علاقتنا ثمن الإعجاب

٢- واحد بنحبه أصله بيرسم أو شاطر في التمثيل
الكل بيحب اللي بيعزف أو ألف بعض التراتيل
بنحب الناس ونصاحب الناس علشان أسباب
وكأن الحب في علاقتنا ثمن الإعجاب
ونحب اللي يغني سولو ومالوهش مثيل
ونحب اللي بيلعب كورة وحديد بيشيل
ونحب الناس ونصاحب الناس علشان أسباب
مرة بنبعد مرة بنعند مرة نقرب مرة بنميل
في قرب الحب أو بعده رهن التعديل
إن كنت عايز حب صافي مالوش سبب صريح
الحب ده مش هاتلاقيه إلا عند المسيح

مع إن الدنيا زحمة وكل شيء قريب
وليَّ ألف صاحب وليَّ مية حبيب
لكني لسه عايش.. عايش إحساس غريب..
حاسس بأني وحدي.. حاسس فراغ رهيب
الدنيا جوه حياتي فضا وفراغ ممدود
وفراغ الفكر واخدني معاه لطريق مسدود
زهقان من نفسي لأن المعنى ما هوش موجود
وباعيش أيامي زهق وملل وفراغ وشرود
حتى اللي أنا فاكره الحرية أصبح في حياتي قيود
ما فيش أي حاجة هاتملا حياتي
غيرك أنت وحدك يا فادي الخطاة
ما فيش أي حاجة هاتدّيني قيمة
غيرك أنت وحدك يا رب الحياة وأنا الليلة بارجع
وأسلم حياتي لأنك خلاصي وطوق النجاة

أول كلام المسيح كان للبشر بركات
أول كلام للمسيح كان للبشر بركات
طيب خواطرهم وريح ضمايرهم
قال المسيح يا سعادة المساكين
يا بخت كل حزين يا بخت كل رحيم
يا بخت كل أمين خاضع لروح الرب
قال المسيح يا بخت من يحفظ طهارة القلب
يا بخت من يسمع كلام الرب
ويعيش حياته بالوفاق والحب
قال المسيح يا بخت من أخلص لإيمانه وشاف الصعب
واللي أنطرح واللي انضرب واللي أتشتم وأتسب
هايلاقي أجره كبير أكبر كتير من العذاب والضرب
قال المسيح الذنب مش بس ارتكاب الشر
ده كفاية بس إنك تفكر فيه أو جوة قلبك تبتديه
تبقى ارتكبت الشر في قلبك
حتى إن قدرت عن العيون تخفيه
ده الرب عارف وشايف كل اللي بتداريه وبتخبيه
السرقة بس مش تاخد حاجة من بيت جارك
أو تغتصب أي شيء ما يكونش من مالك
لكن كفاية إنك تفكر فيه أو جوة قلبك تشتهيه
تبقى ارتكبت الشرفي قلبك
والرب عارف كل ما تخفيه
قال المسيح الحب أكبر كتير من كل شيء فاني
الحب هو الله الحب رباني
الحب أكبر بالمظاهر والكلام
الحب أكبر من العداوة ومن الخصام
والعين بالعين والسنه بالسنه
مش هو ده الحل الصحيح
مش هي دي روح المسيح
الحل مش في الانتقام الحل في حب المسيح
تبني جسور الحب وتعلّي السلام
قال المسيح حب القريب حب الغريب حب اللي بيفيدك
حب القريب حب الغريب حب اللي بيضرك
سامح وسلم للإله أمرك وافتح مكان للحب في قلبك
قال المسيح بالحب ربك شوف شوف المثل وأتعلم
أرفع عينيك وشوف تلقى السما بتتكلم
الرب أدى الشمس والأقمار الرب أدى الميه والأمطار
مش بس للصالح بيدي الخيرعطاياه لكل البشر مش بس للأبرار
يفيض بخيره كمان حتى ع الأشرار
إذا كنت عايز تكون أبن السما أتعلم
شوف المسيح المثل والقدوة وأتعلم
كان المسيح السلام والحب والبسمة
كان المسيح السماح والحب والرحمة
كان المسيح الرضا والحب والنعمة
كان المسيح ترنيمه شفافة وفي المسيح الحب يتكلم
قال المسيح في ناس بتصوم علشان تبان علشان تبان
وتصلي في الشارع وتصلي في الميدان
في الزحمة بس بيقدموا الإحسان
وكل ده مش عباده دي منظره وإعلان
ليه يا شيوخ اليهود تتمشوا في الأركان
وتصلوا في الشارع وتصلوا في الميدان
وإن صومتوا يوم تعملوا قبل الصيام إعلان
وحتى فعل الخير والرحمة والإحسان
بتعملوا في العلن والأصل فيه إدمان
قال المسيح إن صمت يوم خلي صيامك في سرك
خلي الصيام والصلاة بينك وبين ربك
وأدي الفقير وأحسن إليه في سرك
وأنكر جميلك وخيرك حتى عن نفسك
قال المسيح أرفع عينيك للسما وأطلب ما تحتاجه
وكل من يسأل سؤال أديه ما يحتاجه
وكل من يطلب طلب يلقى ما يحتاجه
وكل من يلجأ لذاتي وينتظر
افتح مخازن نعمتي ياخد ما يحتاجه

مين فينا العايش في التاني
مين فينا الساكن في التاني
أنا ساكن هنا فيكي يا بلدي
ولا إنت بحبك ساكناني
مش عارف مين فينا يا بلدي
مش عارف مين عايش في التاني
دي مصر عايشة فينا إن رحنا ولا جينا
في بلاد الدلتا والصعيد
أو في الواحات وسينا
لأن مصر وحب مصر في قلبنا
ومالينا مصر عايشة فينا
أنا هاتغير يوم ع التاني
وهاجيب المجد لأوطاني
وأتقدم وأفتح لك سكة
وتعيشي معايا في زماني
أنا عشت الماضي في أحضانك
وهاضمك بكرة لأحضاني

القرار – (إنسان أيا إنسان يا أغلى ما نملك
وكل شيء في الكون مخلوق عشان خاطرك)2
وكل شيء يرخص وكل شيء يهلك
إلا أنت يا إنسان الكل يرخص لك
1- يمكن تكون عاجز يمكن تكون تعبان
يمكن تكون محتاج جايز تكون غلبان
بس أنت قيمتك فيك بتستنى
وأنت أنت القيمة والمعنى
لأن خلف الضعف فيه إنسان
2- يمكن تكون مولود والذهن جوه معاق
يمكن فقدت العين ولا فقدت الساق
يجوز يكون بصرك ضعيف
وجايز يكون مرضك مخيف
بس أنت قيمتك فيك بتستنى
وأنت أنت القيمة والمعنى