نتائج البحث (12744 ترنيمة)

١- (وأنا عليل في ليل طويل.. وعدك دليل راح يهديني
وألقاك بنور بتشق سور.. حزني اللي كان بيبكيني)٢
وأرتوي بغناك وأرتمي في حماك.. لما أفتكر ضعفي بمرار
(وألقاني فيك نقش في إيديك.. أشبع أمان في وسط نار)٢
في وسط نار
٢- (وفي قلب الخوف غيرك ما أشوف.. أجي ارتمي بحملي عليك
وأنسى البكا لما الشفا.. يبقى سكيب ما بين إيديك)٢
وأعيش وياك شبعان بلقاك.. اسمك بيجري في العروق
(تشفي وترفع تسبي وتجعل.. أنهار مياه بين الشقوق)٢
بين الشقوق

كام مرة أنا خنت عهدي.. وقلت أعيش لوحدي
ورجعت البيت من تاني.. ألقى حضنك مكاني
لسه مفتوح يساعني
وكتير قلت بحبك.. وإيديَّ بتطعن جنبك
قساوتي تجرح قلبك
وألقى نفسي خذلتك.. وأرجع توهبني عفوك
وفي كل مرة أرجع.. المس إيدك بترفع
تغفر لي تنسى الماضي.. عن كل ذنب تصفح
تقبل عهود جديدة.. تضمن نصرة أكيدة
يا يسوع.. يا يسوع
(معاك ربي المجيد.. وعد بقلب جديد
ضعفي في إيدك قوة.. وهزيمتي تبقى نصرة
معاك.. ليَّ رجاء)٢
مش راح أدور تاني.. على غيرك يداويني
دم الصليب فداني.. وهو وحده يشفيني
غالب ترفعني عالي.. فوق ضعفي وتقويني
يا يسوع يا يسوع يا يسوع

سامع كل تهمة وذم.. شايف قد إيه الهم)٢)
سامع كل جلدة اتجلدت.. شايف كل شوكة اتجدلت
سامع كل صفعة ألم.. شايف قد إيه اتظلم
سامع كل خطوة قدم.. شايف طريق الألم
سامع كل دقة مسمار.. شايف صليب العار)٢)
سامع كل رعد وبرق.. شايف حجاب انشق
سامع كل كلمة آه.. شايف كل خاطي فداه)٢)
سامع كل نبضة في قلبه.. شايف قد إيه كان حبه
شايف إيد ممدودة بتقبلني.. سامع صوت يندهلي ويأسرني
هارجع ليك يا اللي مت لأجلي.. هارجع ليك ولحضنك تاني هاجري

١- محبتك ليَّ يا ربي.. خلتني أحبك من كل قلبي
حبتني وأنا أنا ماستاهلشي.. حبك ولا صلبك علشاني
مت بدالي كنت مكاني.. رفعت ذنبي وخطيتي
اديتني فرحة خليت لساني.. دايماً يرنم ويسبحك
٢- يا اللي حياتك كانت علشاني.. حتى في موتك كنت مكاني
خليني أبقى زيك يا فاديَّ.. تبقى في حياتي ربي وحبيبي
ملكك حياتي كل كياني.. كل ما ليَّ ملكك وليك
مستني دايماً تيجي وتاخدني.. وأفضل أرنم للأبد ليك

١- عالية في قلب الزمن.. تعاليم المسيح
عايشة من ألفين سنة.. وكلامها صريح
طوبى للرحماء لأنقياء القلب.. ولصانعي السلام

القرار- (والروح كان في اللي قالوا
والحياة كانت في الكلام)٤

٢- مرت عصور مظلمة.. وممالك متحكمة
يفضل في قلب الزمن.. أنا نور العالم
واللي تبعني.. (معشش في ظلام)٢
٣- ساد الكره الشعوب.. وقامت الحروب
يفضل في قلب الزمن.. لا تجازوا شر بشر
ولا غضبكم.. (يزيد بالأيـــــام)٢
٤- يا مصر احكي لنا.. لما جاكي المسيح
فيكي كان بر الأمان.. والحضن المريح
نشر المحبة.. (زال الخصــــام)٢

١- (ربي ذراعك قديرة.. بتشـــكل الجبـــال
نفس الإيدين الحنونة.. تمسح دموع الأطفال)٢

القرار- (يا يسوع قلبك متواضع.. يا يسوع أنت وديع
وعشان ذراعك قديرة.. مش ممكن حد يضيع)٢

٢- (الأرض كلها ملكك.. والكون بيرفع حمدك
والملايكة بتسجد لك.. قلبي الصغير بحبك)٢
٣- (وعارف كل أفكاري.. حتى السر المكتوم
وتفكرني لما بأبعد.. إني بالدم مختـــوم)٢
٤- معــايا وعينــك علــيّ.. بحبــك بتحــــاوطنــي
وبقوة إيدك تحميني.. معاك مين يقدر يغلبني
فديت نفسي من الحفرة.. ثبت رجلي ع الصخرة
وضعت في قلبي ترنيمة.. مسِّيت شفايفي بالجمرة

١- (شعبي يا رب بينادي.. تعال بنهضة في بلادي
تملا الصحرا والوادي.. ونشوفك أنت يا قدوس)٢

القرار- (يا قدوس يا قدوس.. يا قدوس يا إله الكون)٢

٢- (بالإيمان أنا شايفك.. أكيد سهران على وعدك
هاتيجي وتفتقد شعبك.. بلمسة ايدك يا قدوس)٢
٣- (هاتيجي ومش هاتتأخر.. وبصلواتنا هانسهر
وبالخير السما تمطر.. بكلمة منك يا قدوس)٢

١- شايفين حقك.. تشق العتمة.. في أراضينا
ونفوس بتتوب.. تنفك قيود.. من أياديها

القرار- جيت يا يسوع لبلادنا.. وأمرت هنا بالبركة
وعدك سور حواليها.. (أمان وسلام لولادها)٢

٢- شعبك يشهد.. خير ومراحم.. طول أجياله
يتوحد بيك.. وينادي باسمك.. طول أيامه
٣- مجدك يعلى.. في وسط بلادنا.. ويملك فيها
ونور إنجيلك.. يخش بيوت.. محرومة يرويها

١- (مسجون وباحلم بالحرية.. بقلب حزين ورا قضبان
مستني النور في ليل متألم.. فجره لعيني سور وحيطان)٢

القرار- (لحد ما جاني وصوته نداني.. قوم اليوم مانتاش أسير)٢
كسرت سيف السجان.. وخلاصي اديته بالمجان
(افرد لفوق جناحيك.. وفتح في النور عينيك)٢
(ده كل مالي هو ليك)٢

٢- (كانت عيشتي أسير لقيودي.. سكة طويلة وحمل تقيل
ضعفي ماليني ومين يشفيني.. ومين يرحمني وأنا عليل)٢

١- في الجلجثة كنت أنا هناك.. وبيدي سمرت يداك
سمعتك تصرخ للآب.. وأنت تحمل عني العقاب
أسلمت الروح وانشق الحجاب.. أعلنت لي الآن فُتح الباب
٢- هل أستطيع أن أتعامى.. عن حبك الذي تسامى
وأعيش عمري ناسيًا خلاصك.. وأسير دربي هاربًا من وجهك
ولو حاولت لن أستطيع.. أن أتجاهل ذلك الصنيع
(فحب الفادي سر حياتي.. وذا الصليب طوق نجاتي)٢
عند الصليب.. عند الصليب.. اليـــوم آتــــــي
٣- لك إلهي سأعيش عمري.. وصليب العار قد صار فخري
(وسأخبر كم صنعت بي.. من وحل الخطية قد نشلتني)٢
عند الصليب.. عند الصليب.. اليـــوم آتــــــي