مرنم نسرين توما (34 ترنيمة )

1- جئت إليك يا إلهي أحتضر فمن سواك على الشفاء يقتدر
فهيا يا رب أنا لن أنتظر لم يبقَى من عمري سوى الشيء اليسير
تعال أنت فقد عجزت عن المسير أحني فؤادي وأعتذر
وها دموعي تنسكب أترق ليَّ أن تحتجب أدعوك كيما تستجب
نفسي بك متوسلة وضارعة فخطيئتي أمام عيني ساطعة

القرار- ما زال في قلبي بقايا من صلاة ظلت معي عبر السنين الضائعة
إني غريق جئت أبحث عن نجاة نفسي تجاه الموت تجري مسرعة

2- قلبي من الأحزان يبكي ويعتصر أشتاق بعد هزيمتي أن أنتصر
ويختفي الماضي الأليم ويندثر مولايا إني أعود والقلب كسير
وبه من الأحزان والهم الكثير والموت فيَّ ينتشر
كفى أنا لن أحتمل اجعل جروحي تندمل وستار حزني ينسدل
مفتوحة أبوابك وواسعة ولذا إليك النفس جاءت راجعة

القرار - (بِيحبِّنِي مِش لأنِّي أنا حَبِّيتُه)
(هوَّ الِّلي بَدَا بالحبّ قَبل ما جِيتُه)

1- (ولأنِّي خاطي وعبد رفضته وعاديتُه
وللجحيم أنا ماشي وعمري ما ناديتُه)
حَوَّطني بالحبّ وأشرق في قلبي النور
خبط على بابي فتحت له وِملاني سرور
هوَّ الِّلي بَدَا بالحبّ قَبل ما جِيتُه
2- (يا بَهجِتي بالِّلي دعاني وانا لبِّيتُه
وقال لي: إنت ابني الغالي اللي حميتُه)
في الأرض هدايَة وفي السما أنا عندي ميراث
وكل ما لِيَّ صار مِلكك ما إنت ابني خلاص
هوَّ الِّلي بَدَا بالحبّ قَبل ما جِيتُه

1- (سيبني يا حزن يا هم روح ليَّ إله
عنده دوا لكل الجروح عنده حياة)2
عندي إيمان زيك يا نوح هاينجي فُلكي من المياه
وهاروح معاه لشط النجاة وحياتي دايماً بين إيديه مترتبة

القرار : وقت المشاكل والهموم المتعبة وقت المخاوف والرياح المرعبة
جوه الألم والتجربة بالمح إيديه الطيبة
وحتى لو جوه الطوفان مابخافش أنا أبداً عشان
يسوع في قلب المركبة

2- (يا سفينتي يا متحوطة بكومة صخور
يا سفينتي يا متخبطة أنا مش هاخُور)2
خطواتي مش متلخبطة في العتمة أنا بامشي في نور
في الدوامات أنا مش بادور نفسي على كل الصعاب متغلبة

1- (عبادتي إليك ماهيش من دوافع شعوري بواجب
عبادتي إليك هيام واشتياق ومن قلب حابب)2
(أكون في حضورك و يسبيني نورك.. و يتقدس اسمك في كل الكيان)2
(كما في سماك كذلك بأرضك .. ممجَّد ممجَّد ليك السلطان)2
عبادتي إليك هيام واشتياق
2- (عبادتي إليك بتفتح بصيرتي فوق المحدود
حياتي دي غربة لكن في حضورك لبيتي باعود)2
(وأفرح لأنه يمينك رحيمة .. وتسهل في عيني ظروفي الأليمة)2
(وألاقي كياني اجتمع من شتاته .. وقلبي اللي طلبك سمعت لصلاته)2
عبادتي إليك بتفتح بصيرتي
3- (عبادتي وصلاتي، خضوعي لكلامك شرف واعتبار
وأنا كنت أطول إني أكون من ولادك ده أغلى افتخار)2
(وهاجيلك وأقول لك بحبك يا غالي .. ووجودي أمامك دي قمة آمالي)2
(يا أبرع جمال من كل البشر .. أمام احساناتك أنا في غاية الصغر)2
عبادتي وخضوعي شرف واعتبار

1- أنا ملكك إنت وحدك أنا ليَّ قيمة عندك
أنا كنت زمان باعاندك وتعبت عشان ناسيك
حيرتي وذلي وهواني في طريقي الأولاني
وطريقك شكل تاني ولقيت الراحة فيك

القرار- خبيت وصاياك في قلبي علشان ماخطأشي ليك
حبيت اسمك يا ربي ومليت العمر بيك

2- طبعاً لازم أحبك خبيتني جوه سترك
خليتني أبقى ابنك متشال جوه في عينيك
ياللي بإيديك جابلني بمحبة بتعاملني
جيتلك جيت لي تقابلني ورميت حملي عليك
3- ماقدرش أستغنى عنك ده مفيش في الدنيا زيك
قلبي مملوك لشخصك ومالكشي فيه شريك
وإن يوم ضعفي غلبني ولّا الماضي جذبني
أنا فوق الصخرة مبنى هاثبت وأرجع إليك

1- ثاير على فكري وذاتي على تقاليدي وعلى عاداتي
وقدام كتابك جاي أراجع كل اللي عدى من حياتي

القرار - إنت الله الرب القادر إنت الروح الحي الناري
ساجد جاي أمام إعلانك طهر قلبي وكل أفكاري

2- نورك يحرر أذهان سجينه وقلوب ماتعرفش معنى قوة
نادي ولادك اجمعنا حولك اشفِ جروحنا بروح أبوة
3- إنت الحياة وإنت الطريق والدنيا من غيرك تهون
فيك أخذت قرار مصيري إما أكون أو لا أكون

1- لما تلاقي الفرحة بعيدة والأحزان ملمومة عليك
لما تحس بوحدة شديدة لما محدش يسأل فيك!
هو يفرَّح قلبك يقدر يمسح دمعك ينهي الآه
معروف عنه لما بيحضر بيجيب الأفراح وياه

القرار- (ماتصدقش إن اللي فداك ممكن ييجي في يوم ينساك
هو قُرّيب ... دايماً طيب... حاسس بيك وعينيه حارساك)2

2- ليه بتطول في التنهيدة؟ ودموعك ليه مَالية عينيك؟
ليه تقول نفسك عايشة وحيدة وإلهك ماسك بإيديك؟
ليه وقت المشكلة بتفكَّر وتقول أنا منسي من الله؟!
ده لا بِيتوانى ولا بيتأخَر جاي جايب لك حل معاه

القرار- أنا اللي دايما باتنسي وكأني نقطة في بحر أو كلمة في كتاب
يسوع إلهي مخلصي عمل لي قيمة أنا اللي مخلوق من تراب

1- عوضني عن عمري اللي ضاع وغسلني من طين الضياع
وقلت يا أحزان وداع ده مد إيده في قلبي شال شوك العذاب
2- وقال لي فينك من زمان صدقني عندي ليك مكان
وفتح قصاد مني البيبان وبحب قال لي وحشتني طال الغياب
3- أنا غالي عنده وغالي بيه وقيمتي منه وقيمتي فيه
والعمر كله هدية ليه ده أنا كنت مديون جيه دفع عني الحساب

السن والخبرة وجروحنا القديمة.. بيغيرونا
وقلقنا من بكرة.. صراعاتنا الأليمة.. بيغيرونا
بنتغير وهو ده طبع البشر مهما نكرنا
بتتغير قلوبنا.. أهدافنا ومشاعرنا
بنتغير وننسى وعود قطعناها وننسى ناس عاشرناها
بنتغير بالزمان بنتغير بالسفر ما هو ده طبع البشر
بس إنت .. لأ إنت يا واحد .. يا ثابت .. يا إله الكون
وكلمتك حق .. كل كلامك حق .. كلمة نستخبى فيها من الظروف
تهدي قلوبنا في ضلها إنت الأمان
مرسى اللي تايه واللي خايف من الزمان
ووسط تشويش الحقايق إنت الحقيقة كلها

1- حاسس بفيض شكر وعرفان جايبني قدامك ساجد
مدهوش بإحسان المنّان وحبه للفرد الواحد
كل الرعاية دي لي أنا والحب ده عشاني أنا
وكل الأمور المستحيلة في لحظة صارت ممكنة

القرار - ده الشكر ليك والحمد ليك باسكب حياتي عند قدميك
وسامحني إذا في يوم نسيت ولا اعتمادي ما كانش عليك

2- أسكت لعجزي عن التعبير سوى إني أسجد قدامك
والمس بهامتي تراب الأرض لحمدك إنت واحترامك
وأنا كنت أطول ولا أستاهل وأنا صاحب القلب البالي
أبقى في حضورك وأتمتع بالوصل مع سيدي الغالي