مرنم نسرين توما (34 ترنيمة )

1- إنت غيرت الظروف إنت هديت كل خوف
إنت خلتني أشوف إحساناتك كل وقت
إنت حليت المرار بحب ومحيت الآثار
نصرة بدل الانكسار كل ده لما بدأت

القرار- زي ما بدأت بتكمل يا قدير
ايدك الحلوة بتعمل كل خير
بتفاجاءنا بباركاتك وبحلاوة إعلاناتك

2- وبجمال تعزياتك الكتير
مهما هاتكلم وأقول إنت رائع مش معقول
ومهما كلامي يطول مش هو في أي حق
أبوة أب جميل حنون يرعى ويحامي ويصون
ولو هاعد خيرك يكون قد ما القلب دق

1- مش هايخيب إيماني بوعدك مش هاتضيع صلواتي إليك
مهما الليل طوّل على عبدك هافضل سهران مستنيك
هافضل سهران رافع قلبي أترجاك تنهضني يا ربي
وتستخدمني بقوة لمجدك يتكرس لك فكري وحبي

القرار - إنت أمين وأنا واثق إنك إله أمانة مالكش حدود
وكل سؤال يواجهني أجاوب عن إيمان: ربنا موجود

2- هارفض كل رسايل كاذبة وتفشيل من إبليس لحياتي
هانسى الماضي وكل متاعبه وهاطلب بركه لعمري الآتي
مش هايخيب إيماني بوعدك ياللي بكلمة خلقت الكون
ولأني شايفك بإيماني ليلي وسهري ودمعي يهون

القرار - أعلنت لي عن حبك بموتك على الصليب
واليوم أسمع صوتك يقول لي: ابني الحبيب

1- قلباً نقياً طاهراً أسألك ربي أن تعطني
واغمرني روحاً فائضاً بمجدك يشغلني
2- بالشوك سيج لي رحلتي كي لا أحيد عن دربك
فأنت قابض قرعتي عزي وفخري هما بك
3- علمني ربي أحبك مثلما أحببتني
واحفظني دوماً بقربك وشخصك يشبعني

1- النور مضلم بين نهاري وليلي مش لاقي اختلاف
جيت لك مصمم إني أرمي حمولي من فوق الكتاف
وآبار كتيرة مشققة زمان بإيدي حفرتها
وياك يا ربي تتردم يرويني ينبوع الحياة
وأرتاح في قربك من الشفا ويعود لروحي فرحها
وجبال همومي تتهدم محتاج معونة من الإله

القرار - امسك إيديَّ وابعت لي نور
خلينى أشوف شخصك يا رب موجود معايا
ومن عينيَّ وقع قشور
وريني إنك ليَّ أب موجود معايا .. وده شيء كفاية

2- أنا جوه معصرة الألم
جوايا ضيق أمشي في طريق ألاقيه يضيق
حاسس بموت وجعي مايوصفهوش قلم
فى ظلام غريق .. ولا فيه بريق .. ولا فيه صديق .. ولا فيه شطوط

نادي يا شعب نادي عليه.... ده اللي بيطلبه ما بيخزيه
قوله ارحمنا يا رب أنجدنا ... قوام هاتشوفه فعل أيديه
اهتفوا علوا صوت التسبيح .. هاينصفكم والغيمة يزيح
ده ما بيردش سائل أبداً ... يطلبوه وباسم المسيح
صوموا وصلوا وقولوا يا رب ... اصرخوا ليه من عمق القلب
ده ما فيش غيره إله النعمة ... مصدر كل الخير والحب
قولوا يا رب إحنا هانستناك ... قود سكتنا وهانمشي وراك
إدينا طاعة ليك وأمانة ... علمنا نعمل رضاك

1- دي آبار مشققة دي آبار مافيهاش مياه
لكن يا يسوع في نبعك مية بتوهب حياة
ونسيبك ليه بقى وإنت يا يسوع إله
بالخير بتروي شعبك وبتغفر للخطاة
2- يا يسوع كام ألف مرة عدينا بوقت صعب
وشربنا مية مرة علشان سبناك يا رب
وبنرجع لك نلاقي حبك يا إلهنا باقي
بتقول ليكوا اشتياقي وفي حضنك نهر عذب
3- يا يسوع صخرة حياتنا قادر تملاها زرع
قادر لو يوم عطشنا تخرج من الصخرة نبع
على طول سهران علينا مشغول يا إلهنا بينا
وإيديك تلمس عينينا وبتمسح أي دمع

1- علمني أحبك من قلبي وأكون صادقاً في حبي
فتكون السيد والأول أتبعك مهما يكن دربي

القرار - ها صلاتي يا رب فاسمعها من قلب ضارع ارفعها
لأعيد تكريس حياتي على مذبح طاعتك أضعها

2- ساعدني أموت عن ذاتي فلا أحيا لأطلب شهواتي
بل أنكر نفسي وأرفعك وأمجدك كل حياتي
3- فهمني قصدك من درسي فلا أسعى لكي أرضي نفسي
وأحب وأخدم إخوتي ممتلئاً من روح القدس
4- واعني لا وقد مصباحي منتظراً ليلي وصباحي
وبشوق أرجو عودتك فتفيض وتكمل أفراحي

ربي عالم إنت بضعفي .. وإنت إلهي القوي القدير
وعن سهواتي بتغفر تعفي .. ياللي عندك رحمة كتير
إديني ربي معونة وقوة .. علشان أسهر وأكون صاحي
وأبقى شهادة برة وجوة .. وعلى السور ماسك بسلاحي
صحيح الحرب شديدة قوية .. لكن نصري هايكون بيك
تديني غلبة على الخطية .. فاعيش رافع راسي بارضيك
دي منية قلبي أفوز برضاك .. ربي الغالي يا أحلى نصيب
وعايش سهران مستني لقاك... واثق إنك جاي قريب

1- (هو الرب وما فيش غيره .. اللي غامرنا بجوده وخيره
ده أعظم أب .. هو الرب
ولا يخجل اللي إليه نظروا .. ولا يتأخر ع اللي انتظروا
بكل القلب .. هو الرب)2

القرار - (ماشي معانا بطول الدرب .. يُظهر كل أمانة وحب
بصدره الرحب هو الرب .. هو الرب)2

2- (هو الرب أمين في وعوده ...في الضيقة بنشعر بوجوده
يزيل الرعب .. هو الرب
وقُرِّيب راح ينجز وعده .. وييجي بسرعة يأخذنا لمجده
نهاية الدرب .. هو الرب)2

مهما هانعمل أو هانقول .. إنت يا ربي راسم الخطة
واللوحة مرسومة وجاهزة .. بتوصلها نقطة بنقطة
وإن كان وسط اللوحة خطوط .. متعوجة وكمان شخابيط
ده إنت الفنان الأعظم .. مش هاتسيبها بدون تظبيط
لأنك عارف اللي بيحصل .. واللي هايحصل بكرة كمان
والأحداث دي آلة في يدك .. زي الريشة في إيد فنان
وأكيد اللوحة عشان تكمل .. يبقى فيها تفاوت ألوان
فيها المبهج ويا القاتم .. وفيها الفاتح والبهتان
وزييها ألوان ليالينا .. اللي بتحكي نوع الأيام
فيها ليالي كساها سواد .. وليالي فيها ما بننام
وكل ده لكمالة الخطة .. المرسومة بأفضل إتقان
ولما تكمل بكرة الصورة .. تذمرنا ما يكون له مكان