مرنم نسرين توما (34 ترنيمة )

1- (حليت الصعب المتأزم عزيت كل اللي بيتألم
الكل بيشهد ويرنم ويقول عنك حكايات)2

القرار - كل اللي اتقابل وياك واللي أخد منك لمسات
اتبارك بالوقفة معاك بسلام وبتعزيات

2- (قوّمت لعازر وحييته ونداء الأعمى لبيته
والأعرج بإيديك خليته يجري مليان هتافات)2
3- (المكروه انت حبيته والعشار روحتله بيته
والمنبوذ زورته ومليته بالنعمة وبالبركات)2
4- (وده مش زمان و عدّى ده بيحصل للنهارده
آيات وشفاء لمرضى وعجائب ومعجزات)2

1- صالح يا ربي ولو بتسمح
بالصعوبات والأحزان
ده أنت بتعصب بعد ما تجرح
تسحق وإيديك تشفيان
القرار - صالح يا ربي كل الصلاح
وللأبد لينا رحمتك
مع إشراقة كل صباح
باشوف أمانتك ونعمتك
2- صالح يا ربي ده رغم جراحي
بتلذذني ب عشرة معاك
وأدوق شوية من أفراحي
اللي ها تكمل فوق في سماك
3- صالح يا ربي ولو مافهمشي
اللي بيحصل من حواليَّ
تقول ما تشغلش بالك وامشِ
ثبّت عينك بس عليَّ

1- مجداً ليسوع المسيح جهزنا الزيت للمصابيح
أصل الرب لعرسه دعانا وشوية ونروح داخلينه
امتى هاييجي؟ مالوهشِ ميعاد لكن احنا على استعداد
وقت ما ييجي يسوع يلقانا بنفكر فيه ومش ناسِيينه

القرار- (منتظرينه .. منتظرينه احنا بشوق مستنينه
يمسح مننا دمعة عيننا ويجمّع شعبه على يمينه)2

2- مش ناسيين وهاننسى ازاي إنك قلت في يوم أنا جاي!
انت لآخر الدهر معانا وده شيء حاسينه و لامسينه
لكن جاي تاخدنا معاك وتسكنّا في قلب سماك
تبقى في بيت الآب ويانا ده الأمل اللي احنا عايشينه

القرار - (من مجد لمجد بتنقلنا وبحُبَّك دايماً تغمرنا
يا حبيب القلب بتحملنا وفي نني العين انت تصوننَا)2

1- (بتمِد ذراعك ترفعنا وقت الصعوبات انت معنا)2
يا قلب حنين يسمعنا يا حب أكيد بيطمنَّا
2- (يا قائد قود السفينة سلمنا الدفة يا راعينا)2
عارفين إنك لينا المينا ولبر سلامك تهدينا
3- (لا تتركنا ربي يتامى وعدك إنك تبقى معانا)2
انت حبيبنا وانت أبانا انت رجانا وبترعانا