كل الترانيم بالكلمات (10847)

مش خايف على نفسي معاك ولا هاتدارى ولا هاتجمل وأنا وياك
أصل يمينك دي سنداني وعينيك دايمًا بترعاني
مهما بعدت ما بتنساني مهما ضعفت في ضعفي ألقاك
ما إنت أبويا ليه هاتجمل وأنا معاك بتطمني وتقول إيدي دي شايلاك
ماتخاف على شكلك ويايا سلم لي الدفة وارتاح
تضعف تقوى إنت جوايا صورتك قدام عيني نجاح
ما في زيك يا يسوع  قلبي يحبك يا يسوع
أنا مديون لك يا يسوع

1- مش خايف وأنا عايش فيها مهما هايحصل على أراضيها
(لأنك انت اللي حاميها ما هو ده وعدك يارب ليها)2

القرار - م ب ا ر ك أنا عايش فيها ومش باخاف
ش ع ب م ص ر حاميها من كل الأطراف

2- أنا عارف إنك أمين توفي بوعدك لو بعد سنين
(حتي لو شك الملايين انت ما تنسى المصريين)2
3- مستقبلي كلُّه في إيديك ما انت ناقشني على كفيك
(و حاطتني كدة جوة عينيك و قايلي أنا دايماً حواليك)2

مش خايـف على نفسـي معـاك ولا هاتدارى ولا هاتجمل وأنا وياك)٢)

أصـل يميـنـك دي سنـدانـي عينيـك دايـماً بتـرعـانـي)
مـهـما بعـدت مـا بتنسـانـي ومهما ضعفت في ضعفي ألقـاك)٢

ما أنت أبويا ليه هاتجمـل وأنا معاك بتطمني وتقول لي إيدي شايلاك)٢)

مـا تخـاف على شكلك ويـاي سـلـّملـي الـدفـة وارتـاح)
تضعـف تقـوى إنـت جـوايـا صورتك قـدام عينـي نجـاح)٢

مـا فـي زيـك يـا يـســوع مـا فـي زيـك يـا يـسـوع
قلـبـي يحـبـك يـا يـسـوع قلبـي يحـبـك يـا يـسـوع
أنـا مديـون لـك يـا يـسـوع أنـا مديـون لـك يا يـسـوع

1-(مش راح أسيبك يوم يا حبيبي أنت الغالي لعمري ضمان
مهما إن كان العالم ضدي تفضل أنت بتدّي أمان)2

القرار- (وبطول ما أنا ماسك في إيديك وإيديك متمسكة بإيديَّ
مش ممكن يوم راح أخاف دهأنت إلهي ربي راعيَّ)2

2-(جاي لك ربي وقلبي ضعيف محتاج لك تديني وعود
تيجي تطمن قلبي وأشوف شخصك يملا حياتي بجود)2
3- (ليك المجد ومش راح أنسى إنك أنت إله الكون
وحدك ليك الكلمة العُليا اللي تُطاع مهما يكون)2

1- مش راح أسيبك من تاني مهما كنت يا ربي باعاني
ولا هاقبل ضعفي وحيرتي دي صرخة إيماني
ولا إنسان ولا شيطان يقدر ينزع مني سلامي
مجد البيت التاني أعظم من البيت الأولاني
2- يا مسيحي واسمي وعنواني يا ملاذي ومجدي وأيامي
أنا قلبي بيسجد وبيعبد وبيرفع ليك ألحاني
ولا أفكاري ولا أحزاني تقدر تكسر فيَّ إيماني
وإنت نوري وكل سروري وفي قلبك بقى لي مكاني
3- مش ممكن هارجع من تاني زي النسر باطير بجناحي
عارف إن في حضنك بيتي شايف إن إيديك سانداني
ولا أحلامي ولا أوهامي تقدر تسرق مني خلاصي
إنت غايتي وكل كفايتي وإنت العمر بيستناني

1- مش راح أندم إني خلقتك صورة مني أنا القدوس
ولا راح أندم إني وهبتك حرية و جنة وفردوس
اندم انت ياللي بِشرَّك بترفض حبي وفوقه تدوس
2- مش راح أندم إني بقدسي سيبت مكاني الغير محدود
ولا راح أندم إني بنفسي جيت لك وفي مزود مولود
اندم انت ياللي في قلبك لسه الشر مازال موجود
3- مش راح أندم إني فديتك بدمايا وشربت الكاس
ولا راح أندم إني عشانك صلبوني وسابوا باراباس
اندم انت ياللي بتخطي قدامي وبتخاف من الناس

القرار- مش راح تخلص الأغاني في حبك يا يسوع
وإن زاد عمري تاني هاغني ليسوع
ولحد ماييجي تاني هانرنم ليسوع
مش راح تخلص الأغاني (في حبك)٣ يا يسوع

١- الإله اللي غفر ذنبي وقتل الموت
للمسيح المنتصر هاهتف وأعلي الصوت
٢- ده أبويا اللي اتبناني من بعد ما كنت يتيم
وزرع في القلب معاني تقدر تتحدى الغيم
٣- للكلمة الحقيقة وسط الأكاذيب
شمس البر العفية نورها في يوم ما يغيب

1-(مش راح نسكت وهانتكلم.. راح نعلن مين هو يسوع
وبتسبيحنا الكل يسلم .. إن الأرض دي ملك يسوع)2

القرار-(اسمح ربي املك فينا
وفي تسبيحنا اسكن يا مهوب
أعلن قوة ملكك بينا
قوة دمك والمصلوب)2

2-(إنت يا رب فيك كفايتنا.. إنت مسيحنا ملك الكون
إنت هدفنا وكل غايتنا.. مهما قابلنا معاك هايهون)2
3-(راح نعلن إنك يا قائدنا.. في حروبنا غالب وقدير
مش ممكن يقدر يغلبنا.. إبليس مهما حاربنا كتير)2
4-(راح نهتف ونغني أغاني.. نفرح بيك والفرح يدوم
نفرح بيك يا إلهنا الغالي.. نعلن نصرنا بيك اليوم)2

1- مش عارف أنا إيه الجاي لكن ثقتي يا ربي فيك
أنا شايف في طريقك ضي يشدني لكل ما يرضيك (٢)

القرار- هافضل ماشي واتحمل ماسك بوعود أزلية
لإرادتك ربي هاسلّم مسنود على إيد إلهية (٢)
مسنود على إيد إلهية

2- لو صادف ولقيت آلامات روحك جوايا يعزيني
بإيماني أغلب صعوبات بكلامك دايماً تهديني (٢)

3- لو كانت السكة طويلة بالنعمة انت تكملها
بوجودك راح اشوفها جميلة في سماك ربي هاتكللها (٢)

1- (مش عايز أجيلك ربي زي كل مرة
يومين ويرجع قلبي ينساك بالمرة)2
2- (ساعدني أجيلك أعيش وياك للمنتهى
و سلوك إيماني يأكد إن ضياعي أنتهى)2
3- (مش عايز أعيش مؤمن ضعيف جِسداني
وصوت الموج يتعبني ويهز إيماني)2
4- (خليني أكون ذابح ليك ربي مشيئتي
ضد الريح سابح وإيماني عوامتي)2
5- (مش عايز أكون خادم الناس تهنيني
حب الظهور يخدعني والأنا تغريني)2
6- (علمني أكون خدّام أغسل الرجلين
وليوم لقاك أعيش يسوع زيك أمين)2