بهجت عدلي (143 ترنيمة )

1-(أفكارك صالحة لينا مش شر لكن سلام
نمسك بوعودك أمينة ثابتة وفيها الضمان)2
(بسلام يملك في شعبك ورجاء ثابت يقين
نشكر نمسك في وعدك دي الكلمة أساس متين)2

القرار- تتكلم بالسلام لشعبك ع الدوام
حي وفي العرش لينا بتخلص للتمام
ورجاء عمال بيزيد بالروح وسرور يفيض
وطول ما الفكر ساكن عندك (فيه سلام أكيد)2

2- (وف عصف الريح علينا لما يقل الإيمان
وظلام الخوف مالينا اظهر وأؤمر سلام)2
(دي الريح هايجة وعنيفة والموج عالي وعنيد
هدّي قلوبنا الضعيفة وهدّي الموج الشديد)2
3-(اتكلم بالسلام للقلب اللي أنجرح
واللي في درب الآلام اشفيه واملاه فرح)2
(واتكلم للحيارى ونوَّر لهم الطريق
انت بس المنارة وأنت أعظم رفيق)2

1- (هو الرب وما فيش غيره .. اللي غامرنا بجوده وخيره
ده أعظم أب .. هو الرب
ولا يخجل اللي إليه نظروا .. ولا يتأخر ع اللي انتظروا
بكل القلب .. هو الرب)2

القرار - (ماشي معانا بطول الدرب .. يُظهر كل أمانة وحب
بصدره الرحب هو الرب .. هو الرب)2

2- (هو الرب أمين في وعوده ...في الضيقة بنشعر بوجوده
يزيل الرعب .. هو الرب
وقُرِّيب راح ينجز وعده .. وييجي بسرعة يأخذنا لمجده
نهاية الدرب .. هو الرب)2

1- أنا عايز أوفي بوعدي أحيا لشخصك نذير
وأعيش صادق في حبي مش بس كلام كتير
ضيعت سنين في عمري عشت لنفسي وقاسيت
جاي لك باصرخ ساعدني من قلبي باقول نويت
القرار- دي حياة واحدة بتجري والعمر ظل وبخار
لو عشت لنفسي هاخسر جاي لك واخد قرار
قدسني عشان أعيش لك أبقى لحبك أسير
والباقي أعيشه ملكك ما كفاية دا راح كتير
2- شعارات زايفة باقولها وكلام مافيهوش حياة
وإرادة ضعفة عاصية وحدك فيك النجاة
امسك إيدي وساعدني طهِّرني من الذنوب
المسني واشفي ضعفي توِّبني عشان أتوب
3-والقدرة الإلهية تحميني من الفساد
فأعيش في طريق مخافتك وابذل كل اجتهاد
أنكر ذاتي وأحمل من فوق كتفي الصليب
أخدموالحب يشعل جوايا نارلهيب

مهما هانعمل أو هانقول .. إنت يا ربي راسم الخطة
واللوحة مرسومة وجاهزة .. بتوصلها نقطة بنقطة
وإن كان وسط اللوحة خطوط .. متعوجة وكمان شخابيط
ده إنت الفنان الأعظم .. مش هاتسيبها بدون تظبيط
لأنك عارف اللي بيحصل .. واللي هايحصل بكرة كمان
والأحداث دي آلة في يدك .. زي الريشة في إيد فنان
وأكيد اللوحة عشان تكمل .. يبقى فيها تفاوت ألوان
فيها المبهج ويا القاتم .. وفيها الفاتح والبهتان
وزييها ألوان ليالينا .. اللي بتحكي نوع الأيام
فيها ليالي كساها سواد .. وليالي فيها ما بننام
وكل ده لكمالة الخطة .. المرسومة بأفضل إتقان
ولما تكمل بكرة الصورة .. تذمرنا ما يكون له مكان

1-(ياللي بالخطية محني ياللي مغلوب من عاداتك
ياللي عبد وسيده قاسي ومُنيته يدمَّر حياتك)2
أغلب الشيطان واهرب للمسيح واترك فسادك

القرار- (ده المسيح قائد في موكب النصرة الكبير
واللي غالب ييجي يمشي في الجمع الغفير)2
ده بصليبه وجثيمانه فضح العدو و دانه
وسمَّر الصك في مكانه بمسامير
بعد موته و بقيامته غلب العدو وديانته
وحرر الأسرى من السجن المرير

2- (ياللي طول اليوم بتشكي من عدوك عماليق
والجسد جواك بيحكي قصة الشهوة اللي فيك)2
شوف إيدين مرفوعة تشفع جاب يسوع النصرة ليك
3-(ياللي عنده عينين بتدمع للدموع متحوشة لك
ياللي عنده ودان بتسمع كلمة جابها الروح وجالك)2
يلا احني الراس واركع غلبته هايديهالك
4-(ياللي في العالم بتضايق ومش قادر بجد
ثِق يسوع الحي غالب غلبته ما ليها حد)2
كل ضيقة بتضايقها يعوضك بدلها مجد
5-(ياللي مستني مجيئه لما هاييجي من سماه
يلبس الفاسد نقاوة والميت يلبس حياة)2
يُبتلع الموت لغلبة والجحيم يتسد فاه

1-(أحزاننا جيت تحملها وأوجاعنا تتحملها
مضروب مذلول ده لأنك انت بتتعاقب عنها
مجروح علشان معاصينا مسحوق من أجل آثامنا
تأديبنا اتحط عليك فشفيتنا وضمنت سلامنا)2

القرار- (قُلت سلامًا أترك ليكم
مش زي العالم أعطيكم)2
واحنا جايين طالبين شخصك
(ييجي سلامك ويسود شعبك)2

2-(ياللي أديت الشونمية تطمن وابنها ميت
شيل خوفنا وإدّي سلام من عندك انت يا سيد
وحِّد من تاني قلوبنا دي بيوتنا عايزة زيارة
إبليس عايز يهدمها وحيّله ماكرة وغدارة)2
3-(هايجة الريح حوالينا مين يهديها ويهدينا
فوق كل ضغوط وشكاية تحفظنا وتعلّينا
وسلام منك لبلادنا تحميها وتحمي ولادنا
عايزينك تستخدمنا نشهد عنك في حياتنا)2

1-(بنحزن ونخاف ربما والشر يسود إنما
أفراحنا بطعم السما وثِمار الفرح هتطرح)2
(نفرح بالضال الراجع بدموع التوبة وراكع)2
مرمى في الحضن الواسع والسما بالتايب نفرح

القرار- وهانفرح برضو هنفرح ونرنم لك ونسبح
ومعاك يا حبيبنا هنفرح ونرم لك ونسبح
وبرغم الغيمة السودا (ده مسير الصبح يصبّح)2

2- (لما الأتعاب توجعنا نطلب وأنت بتسمعنا
بالروح تيجي تجمّعنا وقصدك هيتم وينجح)2
(بصلاة ومعاها أصوامنا ورجاء حي مصبرنا)2
في البرية تسيرنا وفي البحر طريق راح تفتح
3- (مع دمعة بتملا عينيا أفراح الروح تسبينا
لو حتى الكل علينا وكلاب الشر بتنبح)2
(وصياك بتفرَّح شعبك وأهو جاي بخضوع يسمع لك)2
مهما بعصيان كان تاعبك بطاعته بترتاح وبتفرح
4- (في كتير أفراح وهمية خدعة وزيف مية المية
يا شباب خدوا بالكم دية نعمة وفي الآخر تجرح)2
(يا تعيش ولا يوم هتنولها يا تموت برضو هتخسرها)2
احذر ياللي مكبرها دي جهنم أسوأ مطرح

1- (رب ذا الكون ينادي من أُرسلُ؟
من يذهبُ من أجلنا؟
حان موعد الحصاد والصوت
عَلَا شعباً يَطلبُ اعبروا لنا)2

القرار
إنني ربُّ الحصاد ورجاء الأمم
نوراً للشعوب أدعوك فقُم
(قُم وأشهد للملا عن حب من فدى)2..
هيا احمل العلم
قم لا تخشى البلاء أو رهبة العدى
(أو درباً للألم)2

2- (سيدي ذا شوق قلبي أن أعمل
في كرمك كيفما تشاء
ها صلاتي لك ربي أن تملأ
فاه عبدك بكلام الحياة)2
3- (افتحن ربي القلوب كي
تؤمنَ بخلاصك وقدرةِ فداك
و امنحَن لمن يتوبُ أن يعاينَ
نورَ وجهكَ و روعةَ بهاك)2

1-(باصدق وعودك إلهي البار
هاتكون معايا في أتون النار)2
وفي المرض تحفظني وتنجي في الأخطار
يملا سلامك قلبي ويحفظ الأفكار

القرار – (هللويا أنا في حِماك مش خايف وأنا وياك)2
وأنا وياك

2-( باصدق وعودك انت الأمين
إنك ضماني طول السنين)2
مهما الظروف تتغير ويملاني الأنين
دايماً بتثبت إنك إله قدير ومعين
3-(باصدق وعودك ربي الحبيب
إنك هاتيجي ولابد قريب)2
ياريت أعيشلك دايماً هنا نزيل وغريب
عشان أتمم سعيي عشانك أبقى سكيب

1-(أنا عارف إنك يا ربي خلقتني لمجدك
علشان تشبع بحبي ويتلذذ قلبك)2
خلقتني وجبلتني وصنعتني لذاتك
عشمان إنك معايا تلاقي لذاتك

القرار- عيشني ليك واملا أركان حياتي
أرجوك يا ربي اسمع لتضرعاتي
اشبعني بيك واشبع أنت بصلاتي

2- (أنا عارف إنك يا ربي عايز تشوف فيَّ
أثمار كتير تعلن مجدك يا فاديَّ)2
غرستني وطعمتني وثبتني في كرمك
علشان تشوف وتشبع من تعب نفسك
3-(أنا عارف إنك يا ربي عايز حياتي تقول
ده كلام كتير قُلته من غير ما أعيش القول)2
قُلته كتير عيشته قليل من غير دليل أحياه
لكن لقيتني باقول كلام كتير وأنساه