بهجت عدلي (143 ترنيمة )

1- افتح يا رب عيون شعبك.. يشوفك انت ويسمعلك
تغفر خطاياه ويرجعلك.. و ع الخطايا يدوس
وإن كان في وسطينا حرام.. قدام عدونا انهزام
اكشف لنا فين هو عخان؟.. واحفظنا من اللصوص

القرار- يا عالي يا قدوس.. يا خالق النفوس
شعبك هنا واقف أمامك.. جايين بهيبة قدهم جلالك
يا عالـــــي يا قــــــدوس

2- بالدم شعبك اتقدِّس.. عمل صليبك يا مخلّص
واحنا جينالك نتخصّص.. شعب المسيح مفروز
وعشان كلامك انت الحق.. وغير كلامك ماهوش حق
هانرفضه و نقوله لأ.. وبالوصــــايـــا نلــــوذ
3- جايين غرضنا تشكلنا.. ده احنا عملك يا جابلنا
إناء كرامة هاتعملنا.. بروحـــــك القـــــدوس
ونعيش عشان نخدم شخصك.. مجد وكرامة تكون لاسمك
شباب كتير يتكرَّس لك.. ويصير معاك محظوظ
4-بيوت عبيدك تحفظها.. تمدّ إيدك وتصونها
صوت الترنُّم يغمرها.. تيجي بحضور ملموس
مافيش مثيلك يا غالب.. تصنع لشعبك عجايب
وتحفظه في التجارب.. وإبليس يعود مفروس
5-فضّينا منها أيادينا.. لا تخصّنا ولا هيش لينا
بالتقوى وقداسة السيرة.. ماهيش غنى وفلوس
ولا احنا هانكلبش فيها.. وطأة قدم بنعديها
لكن قلوبنا ما تبغيها.. عابرين بعزم ندوس

القرار- (يا رئيس السلام يا ملك السلام
يا إله السلام اغمرنا بسلامك
يا رئيس السلام يا ملك السلام
يا إله السلام بنستناك)2

1- تعالَ واهدي الحيارى واللي تايه في الضلال
عشمانين زورنا زيارة ليلة ما تُخطر ع البال
حط إيدك علينا و صالحنا يا فادينا
مع الله وخلينا في سلام
2- ياللي وعدت إنك تدِّينا اللي عندك من سلام
العواصف هايجة علينا رسينا لبر أمان
ناس كتيرة تعبانين في المرض متوجعين
بتقول هو الرب فين في الآلام؟
3- الشعوب من الحرب عانت زمن قل فيه الأمان
والكروب حوالينا زادت فوضى في كل مكان
اطرح عنّا كل خوف طمِّنا عايزين نشوف
شخصك في كل الظروف يا حنَّان
4- والبيوت اللي قسمها إبليس عدو كل خير
ضمها ورجَّع سلامها طالبينك وحدك لا غير
تعالَ اشفي القلوب من الجروح ومن العيوب
والبعيد خلّيه يتوب بالإيمان
5- نتملي بسلام سماوي ونعظَّم اسم المسيح
والتهليل يعلا له تاني مع الشكر والتسبيح
هي دية العلامة ذبائح السلامة
مافيش تاني ملامة مهما كان

١- (في وقت ضعفي.. أراك تشفي من سقطتي
وعنــــد ضيقــــــي.. تبقى صديقي وسلوتي)٢
إليَّ تدنـو إليـك أرنـو مسلـماً

القرار- (لست لذاتي وشهواتي.. بل ها حياتي ملكك
يا رب إني لك أعني.. وخذ يدي بيدك)٢

٢- (عنــــد رجوعــــي.. تمسح دموعي وترثي لي
تشبع جوعــــي.. ربي يسوعي وتهدني)٢
إليَّ تدنـو إليـك أرنـو مسلـماً
٣- (ربــــي أراك.. أراك دربي ونسمتي
من كل قلبي.. أهديك حبي وبسمتي)٢
إليَّ تدنـو إليـك أرنـو مسلـماً

القرار- (يدك المثقوبة ربي تسبيني
تُشعل فيَّ أشواقي وحنيني
وتذكّرني بأنك في يومٍ
من أجلي قاسيت لكي لا تشقيني)٢

١- وخلاصي من الموت لسببٍ
أنك ضحيّتَ كي ما تنجيني
(لم يثنك موتٌ أو ألمٌ .. كنتَ مشغولاً بأنيني
لم يرهبك هول العار .. مجروحٌ حتى تشفيني)٢

٢- لم يرضك أن أبقى حزيناً
أحببتني ربي قبل التكوين
(اتبعك ربي ومسيحي .. أنت معتقدي وديني
أعشقك أنت ويديك .. في كفك ربي خبيني)٢

كل السنين ما تفوت يا ربي وكل عمري ما يجري بيَّ
باكتشف يوم بعد يوم أنا قد إيه مليان خطية
وكل ما يمر الزمان بتبان عيوبي المتدارية
أحسبها ألقى إن حبك رغم نقصي كتير عليَّ
وإن وقفت قصاد مرايتي بابقى خجلان من حقيقتي
بس بالقى الحب دايماً بيناديني في كلمتك

القرار:
إنت أعظم أب شفته إنت أروع حب عشته
الزمان بتزيد قساوته إنت أطيب قلب حب
لما باسأل ليه حاببني بالقى صوتك بيجاوبني
مهما يحصل انت إبني ومهما كان الأب أب

بتناديني وبتعاتبني مهما سبتك مش سايبني
كل هدفك إن أعيش العمر كله في نعمتك
لسه الزمان فاكر ويشهد إني ياما كسرت قلبك
لسه فاكر لما فضلت البعاد وهجرت دربك
يوم ما غمّى الوهم عيني سبت بيتي وبعت حبك
يوم ما كان نظرة عينيك رغم اللي كان بتقول بحبك
وأما جيت ارجع اليك بصيت لقيت صورتي فعنيك
زي الخروف الضال لقيتني فوق كتافك شلتني

محسبتنيش عن جرحي ليك لملمت أوجاعي بإيديك
ولقيت إيديك ممدودة ليَّ وجوه حضنك خدتني
أنا مفتكرش لنفسي حاجة واحدة حلوة بطول ماضيّ
وأبقى إيه غير قلب قاسي شخص مولود بالخطية
أنا اللي باعرف بس أخون وأنسى الوعود وأجرح فاديّ
كنت طول عمري باسيبك وإنت بتدور عليَّ
مش باجيلك غير في جرحي عمري ما افتكرك في فرحي
قلبي دايماً ناسي إنك إنت مصدر فرحتي

بس رغم قساوتي بيَّ بالقى إيدك مش ايديَّ
لما عيني في مرة تبكي هي تمسح دمعتي

القرار- (غالـــي عليك .. ربي أنا غالي عليك)٢
وغلاوتي مش فيَّ .. دي محبتك ليَّ
حطيتني جوا قلبك .. و شلتني في عينيك
غالـــــي عليـــــــك

١- رغم إني قليل في عينيَّ .. و ضعيف قدام أي خطية
وشعوري بالذنب ماليني .. وحياتي فاترة ومطفية
(والماضي عمال يطاردني .. والناس حواليَّ بتبغضني)٢
ومافيش حاجة تسر القلب .. لكن ثقتي في حبك ليَّ
ده أنا غالي عليك

٢- رغم إني عاهدتك أرجعلك .. لكني ماعدتش أنفعلك
ده ما فيه شيء صالح فيَّ .. ومؤكد في جهنم هاهلك
(لا اديتك فرصة تكلمني .. ولا في ظروفي الصعبة هاممني)٢
مع إن الموت قرب مني .. كان هاياخدني ويقضى عليَّ
ده أنا غالي عليك

٣- لكن صوتك جه وفوقني .. والليلة أنا راجع صدقني
لحظة تاني بدونك لا .. تعال لي ومن شري اعتقني
اخلق فيَّ قلب جديد .. وارمي الماضي عني بعيد
أنا من الليلة واحد تاني .. والجاي معاك فرحة وعيد
ده أنا غالي عليك

١- كم مرة ضممتني وسط متاعب الحياة
مسحت كل أدمعي ملأت قفري بالمياه
كم مرة غفرت لي آثام روحي التائبة
بنورك أرشدتني بددت نفسي التائهة

القرار- قلبي يهتف أحبك يا صخرتي أحبك
قلبي يهتف أحبك يا ملجأي أحبك

٢- كم مرة قبلتني لعرشك أدخلتني
بدمك طهرتني وبرك ألبستني
كم مرة كلمتني في وعدك شفيتني
أنرت ربي ظلمتي بحبك ملأتني

القرار- إنت أغلى ما في حياتي.. اللي فات منها وباقي
إنت نور العمر كله.. ياللي لقياك إشتياقي
لما قلت هاعيش لذاتي.. جيت عشان تفدي حياتي
في الصليب قدمت ذاتك.. مت إنت عشان أعيش

١- (نفسي كانت ماتساويش.. إلا موت أجر الخطية
إنما نفسي في عينيك.. كان تمنها موت فاديَّ)٢

٢- (دي محبة ماتنتهيش.. مالها في الدنيا نظير
إن بار من أجل خاطي.. يدفع الدين الخطير)٢

٣- (اللي جاي مايهمنيش.. ليه أخاف وإنت معايا
انتظار القلب إنك.. تيجي تاخدني لسمايا)٢

1- (آسف لأني ماقولتش لأ.. على كل مرة أنا بعت الحق
ونسيت مكاني ورجعت تاني.. وللخطية أنا قلبي رق)2
القرار- [رجعني ليك من تاني أختار.. تكون إلهي طول المشوار
واخد قرار من كلمتك.. (وأعيش ولو ضد التيار)2]2
2- (آسف لأني عرفت زمان.. إنك شايفني في كل مكان
وكنت بغلط كتير والخبط.. وكأنه كله زي ما كان)2
3- (عايز أعيش لك زي دانيال.. يا ربي وأبقى من الأبطال
وإن كان في ضلمة أو وسط لمة.. واخد قراري ومافيش فصال)2
4- (عايزك تكون أنت الأساس.. في حياتي يا يسوع والمقياس
في الحكمة أنمو في النعمة أنمو.. في القامة عند الله والناس)2

القرار-(ماتعولش الهمّ وماتخافشي ربنا موجود
ده إلهك حي ما بينامشي ومالهوش حدود)٢

١- اتطمِّن روح لطبيب الروح ده الباب مفتوح بابه مش مسدود
وياريت تنادي له ولما تجي له الشوك هايشيله وهايبقى ورود ربنا موجود

٢- يا طوباك يا هناك طول ما هو وياك عايش جواك وعليك بيسود
خليه مسؤول عنك على طول والهمّ يزول والفرح يعود ربنا موجود

٣- لو ماسك فيه ومسلِّم ليه والعمر عليه دايماً مسنود
شرَّك يمحيه خوفك يداريه على طول تلاقيه جنبك موجود ربنا موجود