بهجت عدلي (143 ترنيمة )

1-(ربي أنا عايز أخبّر عنك كل العالم وأقول إنك
عندك حب وعندك قدرة فاكرني مانسيتنيش مرة)2
2-(وقت الوحدة ألاقيك جنبي تشجعني وتفرح قلبي)2
(وألاقيك دايماً فيَّ تفكر والضلمة ليَّ بتنور)2
3-(عايز أقول للناس تعالوا لربي الحلو ودوقوا جماله)2
ما أطيبه وما أحلاه فرحة قلبي أكون وياه

1- (علمني ازاي احب عدوي زي صديقي
أرجوك اديني قلب ينور ليَّ طريقي)2

القرار - اديني قلب يحب .. اديني .. اديني قلب يحب

2- (علمني ازاي احب فعلاً حب حقيقي
وأنسى هموم القلب وخوفي وخزيي وضيقي)2
3- (علمني ازاي احب زيك يسوع حبيبي
اديني قوة يارب علشان أحمل صليبي)2

القرار – (شمالك تحت راسي يمينك بتعانقني)2
ع البر أنا راسي ده حبك بيحاوطني

1- بانسى بسرعة ياربي ازاي عينك عليَّ
يضعف من تاني حبي وما تشوفك عينيَّ
واحتار وأفضل حزين بقيود مالية أيديَّ
ويملاني الأنين مع إنك انت ليَّ
وأرجع وأقول من قلبي
2- ماشي في برية قاسية فيها ليل وفيها نهار
نفسي ليه تكون ناسية ربك ده سور من نار
يشبع من خيره عمرك في السيل ليكِ سِتار
و بيضمن كل أمرك هو صاحب القرار
وأفضل أقول من قلبي

1- (أنا هافرد جناحاتي وأطير وأطير عالي عالي لفوق
وأهتف ويا العصافير يلا نرنم يلا بشوق)2

القرار – (ده الرب راعينا وحامينا مش ممكن ينسانا لأ
لما وقعنا وكله نسينا هو وحده قلبه رق)2
هو وحده قلبه رق

2-(يمكن قيمتي مش كتير في عينين اللي حواليَّ
بالفلسين 5 عصافير لكن عينه عليَّ)2

3-(يا أطفال الرب أمين هو خالق الأكوان
لكن ينظر للمسكين ويضمه لحضنه كمان)2

4- (مكتوب عنه في الإنجيل إنه بيحب الأولاد
لما قال بصوت جميل دول حبايبي للأبد)2

القرار - يارب وحّد بالمحبــة شملنـا
وفـي المسيح ينضم كــل المؤمنيــن
دي الفرقة متعبرش عن روح المسيح
وإهانة للمصلوب وللدم الثمـين
1- قال المسيح وهو راكع في الصلاة
عايز أشوف الكل فيَّ مــوَحــديــن
طلب المسيح إن الجميع يتوحـدوا
ويعيشوا فوق كل الخـلاف متغلبين
وياخـدوا مــن روح المسيح مسحة حنـــــان
(تنزع بذور الفرقة وتنمي الحنين)2
2- أزاي يعيش الإخوة في كل اتجاه
وإزاي يكون أهل المحبـــة مفرقين
ضروري ييجي اليوم و يجمعنــا المسيــح
مهما تفوت على الفــرقة ألاف السنين
لازم في يــوم الحـب يمـلك قلبنـا
(ويضمنا ولا يفتـرقـش المؤمنيـن)2
3- ليه نختلف على القشور متفرقين
وليه نعيش بعد الإيمان متقسميـن
لينا مسيح واحد وحيد شاهـد أميـن
لينا صليب واحد بيفدي المذنبين
لينا رجاء واحد يعود لينا المسيح
(ونعيش معاه وسط الملايكة منوريـــن)2

1- (في شروري وابتعادي عندما ضَلَّت خُطايا
أشبع الحزن فؤادي إذ غَرِقتُ في الخطايا)2
صرت لا أبالي حباً فيه أروع المزايا
صرت لا أبالي رباً (قد أحب للنهاية)2
2- (قد تقسّى القلب فيَّ أصبح الشر هِواية
صرت عبداً للخطية أكسر كل الوصايا)2
عِشت أياماً شقية يملأ الضيق حشايا
جئتك أبكي ماضيَّ (جئتني فور بُكايا)2
3- (في طريق البعد عنك صارت الشهوات غاية
فهربت ربي منك وظننت فيها الكفاية)2
هدَّني اليأس صريعاً قلت هذي النهاية
فأتيتني سريعاً (وصرخت يا رجايا)2

1- (فوق الصليب منظر عجيب والدم نازف فوق الصليب
ليه يا حبيب والدين رهيب تحمل عقابي ليه يا حبيب؟)2

القرار - (يا أبرع جمال فوق الصليب لا صورة ليك ولا جمال
فين الجمال فيَّ أنا؟ ازاي أنا؟)2

2- (أنا الأثيم ذنبي عظيم وقلبي خادع وانت الرحيم
حبك حميم دمك كريم والصلب قاسي والموت أليم)2

1-افتح يا رب عيون شعبك.. يشوفك انت ويسمعلك
تغفر خطاياه ويرجعلك.. و ع الخطايا يدوس
وإن كان في وسطينا حرام.. قدام عدونا انهزام
اكشف لنا فين هو عخان؟.. واحفظنا من اللصوص

القرار-يا عالي يا قدوس.. يا خالق النفوس
شعبك هنا واقف أمامك.. جايين بهيبة قدهم جلالك
يا عالـــــي يا قــــــدوس

2-بالدم شعبك اتقدِّس.. عمل صليبك يا مخلّص
واحنا جينالك نتخصّص.. شعب المسيح مفروز
وعشان كلامك انت الحق.. وغير كلامك ماهوش حق
هانرفضه و نقوله لأ.. وبالوصــــايـــا نلــــوذ
3-جايين غرضنا تشكلنا.. ده احنا عملك يا جابلنا
إناء كرامة هاتعملنا.. بروحـــــك القـــــدوس
ونعيش عشان نخدم شخصك.. مجد وكرامة تكون لاسمك
شباب كتير يتكرَّس لك.. ويصير معاك محظوظ
4-بيوت عبيدك تحفظها.. تمدّ إيدك وتصونها
صوت الترنُّم يغمرها.. تيجي بحضور ملموس
مافيش مثيلك يا غالب.. تصنع لشعبك عجايب
وتحفظه في التجارب.. وإبليس يعود مفروس
5-فضّينا منها أيادينا.. لا تخصّنا ولا هيش لينا
بالتقوى وقداسة السيرة.. ماهيش غنى وفلوس
ولا احنا هانكلبش فيها.. وطأة قدم بنعديها
لكن قلوبنا ما تبغيها.. عابرين بعزم ندوس

1- لما الخطية تاخدني بعيد يفضل حبي ليها يزيد
ازاي اقدر اعترف لك بكل اللي في قلبي العنيد؟
الشر بيكبر لما ارويه ليه أحاول إني أداريه ؟
مافيش غير إني أرجعلك وادّيلك قلبي تسكن فيه

القرار - يا يسوع ده انت على الصليب دفعت تمن ديني الرهيب
وصرخت قد أكمل
حررت إيديَّ من القيود وادّيتني كتاب مليان وعود
وصاياك مش راح أهمل

2- ولما نوري يبقى خفيف تروح القوة وأبقى ضعيف
وحياتي مش بتشهدلك وكلامي مابيبقاش لطيف
خليني أشوفك باستمرار وأنوّر في الليل والنهار
والقوة هاتيجي من عندك أرنم بيها بانتصار

1- مش هايخيب إيماني بوعدك مش هاتضيع صلواتي إليك
مهما الليل طوّل على عبدك هافضل سهران مستنيك
هافضل سهران رافع قلبي أترجاك تنهضني يا ربي
وتستخدمني بقوة لمجدك يتكرس لك فكري وحبي

القرار - إنت أمين وأنا واثق إنك إله أمانة مالكش حدود
وكل سؤال يواجهني أجاوب عن إيمان: ربنا موجود

2- هارفض كل رسايل كاذبة وتفشيل من إبليس لحياتي
هانسى الماضي وكل متاعبه وهاطلب بركه لعمري الآتي
مش هايخيب إيماني بوعدك ياللي بكلمة خلقت الكون
ولأني شايفك بإيماني ليلي وسهري ودمعي يهون