بهجت عدلي (143 ترنيمة )

1-(ها حمد قلبي لك حبيبي دوماً تسبيحك يملا فمي)2
(طلبتك فكنت لي المجيب لك هتافي ترنيمي)2
القرار –(بك ياربي تفتخر نفسي)2
(فأنت نوري وأنت شمسي)2
2-(وقت إنسحاقي أراك قربي يوم بليتي أنت معي)2
(يرفعني حنانك أبي تمسح ربي لي أدمعي)2
3-(إليك أرنو فيستنير وجهي أمامك في رحلتي)2
(تقودني وتهدي خطوتي وتملكن إرادتي)2

1- يا نفسي ألا ترين وجه مولاك السني؟
أتُراكِ تدركين إنه الله الغني
قد ضمكِ وأحتواكِ في الضيق والسعة
أشفق لما رآكِ والعيون دامعة
2- قد حطم القيود هلم تحرري
وأعطاك الوعود لما لا تصبري؟
ألا تريه دائماً على القلب قارعاً؟
وليس لكِ دائماً بل صبوراً رائعاً
3- هل عيني تزيلين عنكِ غشاوتها
الوردة تبصرين وليس شوكتها
من ذا الذي يعطي الضِيا حتى أرى الوجود
إنه واهب الحياة من يغمر بالجود

١- لو نفسك تعبت وانهارت
.واتقلبت كل العمدان
فيه فكرة عن قلبك تاهت..
أنا ربك ليَّ السلطان
أنا ع العرش وإيدي قديرة..
مهما بيحصل مهما إن كان
كل صعابك عندي يسيرة..
استناني بكل إيمان

القرار- (هاضمن راحتك طول أيامك..
شبعك بيَّ وعندي خلاص
مهما الواقع بان قدامك..
أعلن ثقتك فيَّ أساس)٢
أعلن ثقتك فيَّ أساس

٢- مش هانسى لك كل صلاتك..
أنا شفت دموعك في عينيك
أناتك وصلت وآهاتك..
أنا حاسس بالضغط عليك
أنا عارف إيه اللي على أكتافك..
أنا حاسب حملك مظبوط
وهاجهز منفذ قدامك..
ارمي عليَّ كل ضغوط

٣- وفي ضيقتك دايمًا باتضايق..
وفي حزنك أنا بيك دريان
بس في حبي هافكوأبارك..
وهانجيك طول الأيام
زي ما ابن أبوه بيشيله..
طول السكة لو تعبان
إنت في حضني يا ابني مكانك..
وفي قلبي رحمة وإحسان

(لما أقعد معاك ليه فكري يروح بعيد؟
وبدال ما أصلي لك ذهني يبقى شريد؟)٢

(مش إنت غالي على قلبي؟
موضوع آمالي شايل ذنبي؟)٢

(لازم تغلى في عينيَّ أكتر وأكتر"
ومحبتك جُوَّه في قلبي تملا وتكبر)٢

لازم تكون غالي وحبي ليك يزيد
(لما أقعد معاك ليه مش بالقى الكلام؟
في ضعفي باستناك لكن ما فيش سلام؟)٢

(مش إنت قايل سلامي ليك؟
وإنت اللي شايل حملي عليك؟)٢

لما أقعد معاك فين راح يكون الروح؟
هو اللي يكلمك ولّا تقول الجروح؟
(مش إنت واعد روحك لينا؟
يرشد يساعد يقوينا؟)٢

(لما أقعد معاك ليه بانسى إحسانك؟
أشغل قلبي بسماك فأعيش علشانك)٢

(مش انت راجع لينا تاني؟
ونسيب مواجع عالم فاني؟)٢

(لازم تغلى في عينيَّ اكتر واكتر
"ومحبتك جُوَّه في قلبي تملا وتكبر)٢

لازم تكون غالي... وحبي ليك يزيد

١- (تخطيطك رائع لحياتنا .. ولا يمكن أبداً تغلط
من كل كلامك الصالح .. مش ممكن كلمة هاتسقَط)٢
(عارف إيه الأفضل لينا .. كل حياتنا معاك في أمان
حاشا في يوم إنك تؤذينا .. كله لخيرنا مهما إن كان)٢
كله لخيرنا مهما إن كان
٢- (صالح دايماً مهما بيحصل .. عارف انت بتعمل إيه
قصدك دايماً هو الأفضل .. ليك الحكمة في امتى؟ وليه؟)٢
(ليك في الموت أكثر من مخرج .. بتغيَّر أوقات وأزمان
ومن الجافي حلاوة بتخرِج .. وحدك ليك كل السلطان)٢
وحدك ليك كل السلطان
٣- (عينك دايماً ع اللي يخافك .. واللي بيترجى مراحمك
عندك رحمة وخير لولادك .. صالح و كثيرة أمانتك)٢
(فكرك دايماً من ناحيتنا .. خير وسلام والآخرة رجاء
وبتحمِلنا في طـول سكتنا .. وعندك لينا يارب شفاء)٢
عندك لينا يارب شفــاء
٤- (انت إله القدرة وملجأ .. في رعايتك تحمل وتصون
وبيدك ترسم أيامنا .. ومستقبلنا معاك مضمون)٢
(راسم كل العمر وعارف .. كل الخير لحياتنا منين
لما بنتعب وحدك شايف .. تقدر تسند ما انت معين)٢
تقدر تسند ما انت معين

القرار - (أنت أبويا معايا في صفي فوق الوصف في حبك ليَّ
أنت بذاتك ليَّ تكفي مين يأذيني بشكوى عليَّ)٢
١-ليَّ بكل محبة قلبك حب حقيقي بيدي كتير
اللي أداني الأغلى في حبه ليه يحرمني معاه من الخير
ليَّ صلاحك طيبة قلبك ليَّ في جودك كنز عظيم
رغم جحودي يفضل حبك يغفر أصلك أب كريم
٢-ليَّ يا أبويا بكل صفاتك مين راح يقدر يأذيني
كل أمانتك كل صلاحك حتى في ضعفي تقويني
ليَّ وعودك ليَّ كلامك والنعمة بتسند على طول
ليَّ شفاءك ليَّ سلامك ليَّ مراحمك مش هاتزول
٣-ليَّ بعظمة قوة وقدرة تقدر تحيي من الأموات
تقدر تحفظ من غير عثره تقدر تغمر بالبركات
ليَّ ومين يشتكي أو يقدر هاتبررني ومين هايدين
مهما الحرب تزيد أو تكثر وعدك دايماً منتصرين

١-(بانتظرك وباصبر ليك وأسكب قلبي في صمتي أمامك
ثقتي في شخصك بارتاح فيك عيني عليك باستنى خلاصك)٢
القرار - أنت الرب الحلو الصالح مين يُخزى من منتظريك
طيب للي بيترجاك ضامن للي أتكلوا عليك
٢-(أنت إلهي حياتي في أيدك شجعني وأنا مستنيك
جدد لي القوة وخليني وأنا منتظرك فرحان بيك)٢
٣-(لولا إيماني بعظمه جودك وصلاحك كنت أعمل إيه
أديني أتسند بوعودك شدد لي رجايَّ وقويه)٢
٤-(بارجع لك وأسجد قدامك وأستنى خلاصك بسكون
وأهدأ معاك يطمن قلبي ده خلاصي في شخصك مضمون)٢

١- الناس دي عايشة حياتها في مرارة
في أيام حزينة مالهاش ملامح
كله بيشكي مافهاش أمان
فيها اللي جاي زي اللي رايح
إلا ولادك موضوع غلاوتك
ليهم مكانة وأي مكانة!
(في حضنك انت بتحتويهُم
بحب دافي مالهوُش نهاية)٢

٢- ولسان بيحكي ع الضيقة
دايماً ونفوس حزينة عمالة تشكي
دي العين بصيرة والإيد
قصيرة ومين لحاله يقدر يوفّي
وولاد أسود بتجوع وتطلب
أما ولادك في الخير يباتوا
(تعرف تنجي م الضيقة ربي
واللي يعوزك تغمر حياته)٢

٣- ونفوس حيارى مش عايزة
ترسي ولا قادرة تدّي للرب لحظة
وبكرة يمكن مايجيش عليها
وهي راسمة خطة لبكرة
لكن حبيبي مرثى لنفسي
ثابت وصادق دايماً أمين
(سلّمته عمري ومِجداف سفينتي
وفين ما هَارسي هلقاه معين)٢

١- رب المراحم بنجي لك .. نسكب نفوسنا عيوننا عليك
نمسك في شخصك ننادي لك .. ارحم ده شعبك مستنيك
يا رب شعبك محتاج لك .. أرسل كلامك واشفينا
نسقط في يدك ونعود لك .. نترجى رحمة تحيط بينَا

القرار- يا رب أفكارك لينا .. صالحة وقصدك خير وشفاء
حتى إن سمحت اتذلّينا .. نرجع نردد لينا رجاء .. لينا رجاء

٢- انت اللي بتنجّي من الموت .. نجيت ودايماً هاتنجّي
وفي التجارب لينا الصوت .. كل التجارب هاتعدّي
تسمع صراخ شعبك في الضيق .. تنقذ واسمك يتمجد
تفضل ساندنا يا أقوى صديق .. وعدك لشعبك يتجدد
٣- انت اللي حاسس بألمنا .. لازم في وقتك هَاتجيينا
انت اللي شايف أتعابنا .. وكل هَم بيسبِينا
اسمع يا سيد لصُراخنا .. اغفر وعُد لنا و أحيينا
يا ربي رجّع أفراحنا .. واظهر مراحمك ورّينا

١- (جابلني وفديتني وليَّ مراحم ..
ولسه في ضعف إيماني باخَاف
وقلبي يشكك في قدرة يمينك ..
وناسي ماضيَّ وشيلة الكتاف)٢
وأعمال عنايتك تأكد وتحكي ..
بإنك راعتني في وقت الكفاف
سامحني وساعدني وزوّد إيماني ..
فأسلم يا ربي ولا يوم أخاف

٢- (ما أجمل إيماني في وَسط المصاعب ..
تغيَّر ثوابت وتصنع محال
وايدك بروعة بتضمَن نجاتي ..
وتفتح طريق ولا يخطر ببال)٢
ده لو كنت فكرت أختار لنفسي ..
أكيد كنت تُهت وضاعت الآمال
سامحني وساعدني وزوّد إيماني ..
فاشوفك ولا أرفع عينيَّ لجبال

٣- (وصالحة إرادتك يارب لحياتي ..
لو تفتح عينيَّ أشوفها بصحيح
وأسلِّم وأرضى عشان انت طيب ..
ودايماً ترتب لي كل مُريح)٢
ولا يوم أشك في غلاوتي عليك ..
ده برهان غلاوتي الجنب الجريح
سامحني وساعدني وزوّد إيماني ..
أتمّم إرادتك يسوع المسيح