بهجت عدلي (143 ترنيمة )

1- احنا الشعب اللي انت فديته وبدم صليبك رشّيته
قدّسنا وخصِّصنا يا سيد كمِّل عملك اللي بديته
القلب الفاسد طهرته والفكر المسلوب حررته
(والخاطي المِسكين برَّرته)2..احنا الشعب اللي انت فديته

القرار- يا إلهنا القدوس القادر قدسنا لشخصك نقّينا
قَوِّم كل ضعيف أو عاثر نوّر بقداستك ليالينا
عايزين نحيا لك في طهارة من غير ما العالم يسبينا
تبقى حياتنا سراج ومنارة ويشوفوا الناس عملك فينا

2- احنا الشعب اللي انت فديته ومن كل قيوده حلّيته
القلب الميت أحييته ومرار الماضي حلَّيته
الماضي بموتك سمَّرته والحاضر وحدك غيَّرته
(ومصيرنا الأبدي نوَّرته)2 احنا الشعب اللي انت فديته
3- احنا الشعب اللي انت فديته لحياة في قداسة انت دعيته
في الخدمة نعيش لك أيامنا ونشهد بفداك اللي عطيته
نكرز وبروحك تسندنا نار حبك تشعل حماستنا
(والسما تفرح بخطاة يتوبوا)2 نتكلم وانت تأيدنا

(باصلي يارب بكل خشوع قدامك وعينيَّ فيها دموع)2
(قلبي يكون بالتمام ملكك واللي يشوفني يمجد اسمك)2
(وخلي حياتي تنور جامد في ظلام العالم وأكون صامد)2
تيجي التجارب أجري لحضنك وتدي قوة ونصرة زي وعدك
(ساعدني ألهج في كلمتك ليل ويا نهار وأسمع همستك)2
(وتكون حياتي شهادة حية من دلوقتي ولأيامي الجاية)2
(باصلي يارب بكل خشوع قدامك وعينيَّ فيها دموع)2
قلبي يكون بالتمام ملكك واللي يشوفني يمجد اسمك)2
(باصرخ لك يا أبا الآب فاستجيب
بارفع لك صلاتي في اسم الحبيب)2
(عند قدميك أجثو بالوقار وأشكر أفضالك يا إلهي البار)2
آمين آمين

1- (باترمي في حضنك حبيبي لما إبليس يوم يحوم
جاي بمكره زي حيّة يرمي في فكري السموم)2
(أنا طالب وجهك أنا راجي عطفك طهَّرلي أفكاري الآن)2
2- (جه يلوّح بالخطية لونها يجذب العيون
شدني للعبودية مالي شره بالفنون)2
(أنا طالب وجهك أنا راجي عطفك ارويني نبعك مليان)2
3- (و بحباله جاي يقيّد ويقول دي من حرير
جاي وناوي يبقى سيد مهما كان صوت الضمير)2
(أنا طالب وجهك أنا راجي عطفك فيك وحدك كل الضمان)2

1- (مش قادر يا ربي مش قادر أخلَّص نفسي)2
ومن كل قلبي (شاعر ببؤسي)2
(فين الفرح؟ فين السلام؟..في الشر باصحى وأنام)2
2- (مين اللي يفك أسري؟ مين يقدر يحررني؟)2
أسلِّم له عمري (و يملالي قلبي)2
(فين الفرح؟ فين السلام؟ ..مين اللي يخلص بالتمام؟)2
3- (مش قادر يا ربي مش قادر أوصف لك حبي)2
ومن كل قلبي (بارفع لك حمدي)2
(انت الفرح انت السلام.. معايا لما أصحى وأنام)2

1-(باصدق وعودك إلهي البار
هاتكون معايا في أتون النار)2
وفي المرض تحفظني وتنجي في الأخطار
يملا سلامك قلبي ويحفظ الأفكار

القرار – (هللويا أنا في حِماك مش خايف وأنا وياك)2
وأنا وياك

2-( باصدق وعودك انت الأمين
إنك ضماني طول السنين)2
مهما الظروف تتغير ويملاني الأنين
دايماً بتثبت إنك إله قدير ومعين
3-(باصدق وعودك ربي الحبيب
إنك هاتيجي ولابد قريب)2
ياريت أعيشلك دايماً هنا نزيل وغريب
عشان أتمم سعيي عشانك أبقى سكيب

القرار- من نهر النعمة بتروينا وفي ظل جناحك تحمينا
تشبعنا بوفرة وتفرحنا تحظفنا ونورك يهدينا
1- يا أبونا أوقاتنا في يدك أيامنا وليالينا الجاية
متبارك ومضمونة بوعدك وبقوة روحك محمية
إمبارح واليوم دا وبكره مش ممكن تنسى وتعملنا
دي كفايتك واقع مش فكرة ووعودك صادقة بتحملنا
2- بصلاحك تغمر أيامنا يا إلهي الصالح وبحبك
الماضي كمان مستقبلنا الكل هيشهد عن قربك
راح تفضل صادق وامانتك مش ممكن تنقص ولا تفتر
نتغير ولا تنكر نفسك ومراحمك تفضل وبتكتر

1- (أنا تلميذ عنيد والذهن بليد
أيه يا رب العمل؟
مدلي إيدك.. دربني من جديد
وأحيّ فيَّ الأمل)2
القرار - دخلني يا رب مدرستك
علمني أنكسر عندك
وأطلع صوره على شبهك
مشتاق أتلمذ على يدك
2- (راجع وأنا يائس. راكع في المقادس
غيرني يارب
وبموت عن العالم. على الأرض سماوي
وأعيش لك بجد)2
3- (دربني ياربي.. وبروحك أرشدني
وأسجد لك بحق
وأعيش حسب قلبك. خليلك وعبدك
وأحبك بصدق)2

1- مش في بالى أى وصف ... للسما وللأبدية
لكن عندي شيء أكيد ... إن فيها يسوع فاديَّ
والأموات في المسيح ... والأحياء الباقيين
هيقابلوه على السحاب ... ويبقوا معاه في كل حين

القرار – (يا طوباك يا طوباك ... راح تسكن مع يسوع
يا طوباك يا طوباك ... لا ألم ولا دموع)2

2- طوبى ليك ياللي دخلت ... في التجربة وأحتملت
ليك إكليل الحياة ... علشان أنت نجحت
واللي عينه ع القطيع ... واللي قلبه ع الرعية
راح ينال إكليل المجد ... ع التعب وع التضحية

3- إكليل البر يكون ... للي صارع واللي جاهد
للي كمّل في السباق ... رغم كل صعب عاند
ونقول ترنيمة جديدة ... لإلهنا وفادينا
والفرحة ماتنتهيش ... والغالي قصاد عنينا

القرار – (أنا عايز أكون ... في مشيئتك على طول
وقت الدنيا نور ... ووقت الليل ما يطول)2
1- (أنا يمكن مش فاهم ... وما عنديش إجابات
لكن انت الملجأ ... والعون في الضيقات)2
2- (بكرة ده مش هايغيَّر ... في اللي أمانته سنين
تفضل خلِّي حبيبي ... وتفضل ليَّ أمين)2
3- (انت اللي تنجيني ... من فخ الصياد
وترفع عينيَّ ... على كم الحصاد)2

1- يحلى ألمي لما جابني يا أبويا إلِيك
ده الألم كام مرَّه سابني عند قدميك
ودوافعي ويَّاك تتقدَّس ولحبيبي وحده أتخصَّص
وألهج في كتابي المقدَّس هو اللِّي يقوِّيني

القرار - وارجَع أشوفك وأنسَـى أنيني وأطلَع مرتفعاتي
مع إنُّه ما بيزهِر تيني تِملا البهجة حياتي

2- جاي بمرضي ويَّا ضعفي وكلّ اللِّي بيحنيني
طلبي تِشفي أو تِسندني وبالنِّعمة تكفِّيني
سمَّعني صُوتك فأحيا والغربة ويَّاك ها تحلى
ده إلٰهي أهيه الَّذي أهيه موجود وسط ضيقاتي

3- كلّ حيره جابها صمتَك أبلَغ من الكلام
لما بتجاوِب بصورتك علامات الاستفهام
لو أجفانك بتمتحنِّي زيد إيماني فيك طمِّنِّي
بالروح تيجي وتفهِّمني ومعاك الإجابات

4- وارجَع أشكر في الضِّيق لأنُّه هايكوُن اختبار
وأفهَم إنِّ دهبي بيِنقى وهوّ جُوَّه النار
وفي وقتك تيجي تنجِّيني وفي سترك ربي تخبِّيني
يسوع حبيبي بينه وبيني قصِّة حبّ عجيبة