بهجت عدلي (143 ترنيمة )

القرار - آسف حاضر شكراً هم يا دوب 3 كلمات
قولهم تبقى فعلاً فيك أحلى صفات

1- لما في يوم تغلط في حد أو تعمل حاجة تضايق
قول : "آسف".. وقولها بجد هدِّي أعصابك خليك رايق
لما تغلط وكمان تعند كلمة آسف ما بتقولهاش
تلقى صاحبك عنك يبعد روح اتأسف له ما تنساش

2- قول : "حاضر".. لما تسمع نصيحة من حد كبير
لازم تتعلم تخضع والناس تلقى فيك تغيير
تكذب فكرك إنك شاطر بابا يقول : "انت غلطان!"
لازم تسمع وتقول : "حاضر" صلي واطلب الغفران

3- والرب يسوع بيفكرنا نشكر لما ناخد حاجة
وكمان هو بيعلمنا ندي للناس المحتاجة
لازم نفتكر دايماً ربنا عطاياه كتير
قولّه : "ياربي شكراً".. بكل حب وتقدير

1- (عارفك مش قادر ترتاح شايف قلبك كله جراح)2
عمرك في طريق مظلم راح تعال يسوع عنده الأفراح
تعال يسوع عنده الأفراح
القرار - (تعال إليه وسلم ليه وحط حياتك بين إيديه
هايغفر ليك خطايا ماضيك ويضمن كل الحاضر فيه)2
2- (وهاتفضل عايش تعبان طول ما عينيك على الإنسان)2
ليه فكرك شارد حيران ده يسوع يملا الفكر ضمان
ده يسوع يملا الفكر ضمان
3- (إرجع وارمي عالم فاني مش هاتفكر ترجع تاني)2
ليه قلبك م الهم يعاني عمرك ضايع وانت الجاني
عمرك ضايع وانت الجاني
4- (جرحك مين يقدر يداويه ذنبك مين يقدر يداريه)2
ليه خايف تتقدم ليه حملك إرميه كله عليه
حملك إرميه كله عليه

القرار
باقدَّر يا غالي يا ربي يسوع ..
وقوفك معايا في وادي الدموع
باقدَّر وقوفك وسندة كفوفك ..
و نورك في ليلي وضيّ الشموع
باقدَّر يا غالي يا ربي يسوع

1- ده كام مرة شُفتك إله الأمانة ..
ما تقدرش تنكر في نفسك خِصال
لكن جوه قلبي معشش خيانة ..
وكان جوه فكري طموحي وآمال
فِضلت تداري وشرّي تواري ..
مع إني في جهلي رفضتك كتير
لأنك حبيبي وحبك طبيبي ..
ماقلتش لقلبي هاتِرجَع كسير
وجاني كلامك وجاب لي سلامك ..
وجيت باعترف لك وباسكُب دموع
باقدَّر يا غالي يا ربي يسوع

2- كتير كنت باعند واكسَّر كلامك ..
ما بافرقْش عن سائر المخلوقات
باحكِّم في رأيي وأضيَّع سلامك ..
و أخرة إرادتي خسارة وآهات
باحوِّش لنفسي وأكوِّم لنفسي ..
ومش عارف إني باحوِّش نفاية
ولما وصَلَت لأخري في يأسي ..
صرخت يا ربي وقُلت كفاية
ماعُدتش أسيبك هاتبّت في إيدك ..
ويبقى مكانك ده جوه الضلوع
باقدَّر يا غالي يا ربي يسوع

3- سنيني اللي فاتت مشيتها معايا ..
بتقنعني انك أماني الوحيد
و بهجة خلاصك بتملا سمايا ..
وبتقول لي إنك معايا أكيد
بترحم غبائي شرودي وفراقي ..
وترجع تفكرني انك معايا
بحبك تحاصِر وإيدك تناصِر ..
وصوتك يقول لي أنا ليك حماية
و جيت بانحِني لك وأقدَّر جميلك ..
وأقول لك حاوطني لآخر الربوع
باقدَّر يا غالي يا ربي يسوع

(ربي عايشين وسط دنيا انت أدرى منّا بيها
كل حاجة فيها توجع ويا عالم إيه ماليها
عايشة فيها الناس مظاهر والدواخل جوه تحزن
ولسان حالها بيحكي نفسي ألقى الراحة فيها)2
(ده اللي مستنيها تحلى أو مأمل فيها لحظة
يبقى ظنه فيها خايب ولا يستأمنها بكرة
مش تشاؤم دي الحقيقة فكَّر فيها لو دقيقة
كل واحد فيها ماشي بس مش باينة له سكة)2
2- (واللي فاكر ليها عدلة راح تجيها بعد ميل
وانتظاره طال وعشمان لو للحظة منها خير
واللي حظه كان قليل ويا دوب أخد له كيل
يعرف إن الدنيا خايبة والكريم فيها بخيل)2
(ده الكتاب سبق وقالها احنا عايشين وسط ليل
بس جاي نهار جديد جاي بعد ليل طويل
واللي حزنه كان مِطوِّل أو مُهمَّش من كتير
راح يعوضه زيادة أصله مصدر كل خير)2
3- (وأما يُحبُك في ضيقها أجي أرفع عيني ليك
ألقى طاقة مفتوحة لي وابتسامة من عينيك
ألقى حضنك جاي يطمِّن رغم عيشتي وسط ضيق
و الأنين والشكوى تبرد لما ألقي سلامي فيك)2
(لولا احنا لسه فيها والسلام في أراضيها
كان زمانها شكل تاني والغضب كان جه عليها
ده اللي فيه دلوقتي أرحم بس مين يعرف ويفهم
جوه فُلك النعمة ادخل ده الطوفان هايجيب عاليِها)2

القرار-(ماتعولش الهمّ وماتخافشي ربنا موجود
ده إلهك حي ما بينامشي ومالهوش حدود)2

1- (اتطمِّن روح لطبيب الروح ده الباب مفتوح بابه مش مسدود
وياريت تنادي له ولما تجي له الشوك هايشيله وهايبقى ورود)2
ربك موجود
2- (يا طوباك يا هناك طول ما هو وياك عايش جواك وعليك بيسود
خليه مسؤول عنك على طول والهمّ يزول والفرح يعود)2
ربك موجود
3- (لو ماسك فيه ومسلِّم ليه والعمر عليه دايماً مسنود
شرَّك يمحيه خوفك يداريه على طول تلاقيه جنبك موجود)2
ربك موجود

1- الكلمة منك مش أوهام.. والوعد قُلته ومش أحلام
الكلمة ثابتة ووعدك حق.. وانت على وعدك سهران
ما هو انت رب ومش إنسان.. تقول وتوفي وليك سلطان
صادق أمين مش هاقبل شك.. أصلك أمرت ومش ندمان

القرار- جايين وواثقين إنك حي.. موجود يا رب بنترجاك
ماسكين في وعدك إنك جاي.. بجود عظيم للي استناك
موجود يا رب بنترجاك.. إلهي حي بنستناك

2- رب الخليقة وكل الأرض.. عندك مساند تدِّي ضمان
لو الجبال راح يوم تنهد.. مش راح يزول عنّا الإحسان
بالنعمة تسند ضعف القلب.. وبكلمة تشفي من الأحزان
الخوف تقابله بغمر الحب.. تزيله فيزيد الإيمان

3-الكلمة ثابتة في كل زمان.. حقيقة مع كتر الأوهام
وحتى لو للشك مكان.. دي ليها وقت أكيد هاتبان
هضاب جبال وسهول وديان.. كل اللي هاتدوسه الأقدام
ميراثي هاملك رغم الحرب.. مغلوب عدوي ومش شمتان

1- (ليتَ سلامَكَ يأسرني ليتهُ يتغلغلُ فيّ
فأرى حُبَكَ يحصُرَني ويداكَ تحنو عليّ)2
(فلا أفراح ولا أطراح ولا إنسان ولا شيطان
ولا قوات ولا رياسات تنزع حُبَّكَ يا راعيّ)2
2- (حُبُّكَ يملأُ قلبي سلام يرفعُ نفسي من الضُعفِ
يُفرِغُ قلبي من الأوهام يطرحُ للخارجِ خوفي)2
(فلا احتياج ولا انزعاج ولا ماضي ولا آتي
ولا أموال ولا أهوال تنزع حُبَّكَ يا راعيّ)2

1- افتح يارب عيون شعبك.. يشوفك انت ويسمع لك
تغفر خطاياه ويرجع لك.. و ع الخطايا يدوس
وإن كان في وسطينا حرام.. قدام عدونا انهزام
اكشف لنا فين هو عخان؟.. واحفظنا من اللصوص

القرار- يا عالي يا قدوس.. يا خالق النفوس
شعبك هنا واقف أمامك.. جايين بهيبة قدام جلالك
يا عالـــــي يا قــــــدوس

2- بالدم شعبك اتقدِّس.. عمل صليبك يا مخلّص
واحنا جينا لك نتخصّص.. شعب المسيح مفروز
وعشان كلامك انت الحق.. وغير كلامك ماهوش حق
هانرفضه و نقوله لأ.. وبالوصــــايـــا نلــــوذ
3- جايين غرضنا تشكلّنا.. ما هو احنا عملك يا جابلنا
إناء كرامة هاتعملنا.. بروحـــــك القـــــدوس
ونعيش عشان نخدم شخصك.. مجد وكرامة تكون لاسمك
شباب كتير يتكرَّس لك.. ويصير معاك محظوظ
4- بيوت عبيدك تحفظها.. تمدّ إيدك وتصونها
صوت الترنُّم يغمرها.. تيجي بحضور ملموس
مافيش مثيلك يا غالب.. تصنع لشعبك عجايب
وتحفظه في التجارب.. وإبليس يعود مفروس
5- فضّينا منها أيادينا.. لا تخصّنا ولا هيش لينا
بالتقوى وقداسة السيرة.. ماهيش غنى وفلوس
ولا احنا هانكلبش فيها.. وطأة قدم بنعديها
لكن قلوبنا ما تبغيها.. عابرين بعزم ندوس

القرار- (ماتعولش الهم وماتخافشي ربنا موجود
ده إلهك حي ما بينامشي ومالوهش حدود )2

1-اطمِّن روح لطبيب الروح ده الباب مفتوح بابه مش مسدود
و ياريت تناديله ولما تجيله الشوك هايشيله وهايبقى ورود ربنا موجود

2-يا طوباك يا هناك طول ما هو وياك عايش جواك وعليك بيسود
خليه مسؤول عنك على طول والهمّ يزول والفرح يعود ربنا موجود

3-لو ماسك فيه ومسلِّم ليه والعمر عليه دايماً مسنود
شرَّك يمحيه خوفك يداريه على طول تلاقيه جنبك موجود ربنا موجود

1- (في وسط هموم الحياة.. حبك ليَّ يصون
عايش بانعم بالنجاة.. والإيد الحنون)2
القرار- تجرح أيوه لكن تعصب.. تسـحق ويداك تشفيان
تفرح لما المؤمن يغلب.. وتعزيه عند الأحزان
2- (في وسط الجوع الشديد.. تفدي من الموت
وأما الحرب عليَّ تزيد.. سـيف الروح بيذود)2
) -3 في وسط البرية دايمًا.. نفسي تعطش ليك
قلبي يفضل بيك هيمان.. تمسكني إيديك)2
4- (في وسط شرور الأنام.. بافتكر اللي هانوك
يمكن قالوا عليَّ كلام.. لكن إنت صلبوك)2