منال سمير (147 ترنيمة )

1- مستحق السجود الحمل اللي اندبح
ده صليبك فيه شفانا لينا حرية وفرح
وبقلوبنا نيجي ليك وبسجودنا بنعليك
ده الذنوب عندك مغفورة وكل حمل ينطرح

القرار - ياللي دفعت ثمن خطايانا.. ياللي بتعزي كل حزانى
ياللي إنت كاشف إيه جوانا.. سجودنا ليك يا يسوع
سجودنا ليك يا يسوع

2- نيجي ليك زي ما إحنا جوه قلبك محفورين
رغم كل ضعف فينا في صليبك مقبولين
البعيد إنت تلاقيه شفنا حبك قد إيه
راح ندوس على الخطايا وبالمباهج نستهين

١- (أنا قلبي يسجد لجلالك كل يــــوم
ولساني يشكر ع الحياة اللي في يسوع)٢
أنا بيك سلامي ونصرتي وحبي يدوم
كنت النهارده هابقى إيه من غير يسوع

القرار- (يا يسوع أنت ملك الملوك رب الأرباب
أنت في نورك يختفي كل الضباب)٢
وتبدل الضعف اللي ساكن من زمان
وتدي قوة ونصرة فوق كل الصعاب

٢- أنا نصرتي في شخصك حقيقة مش كلام
بعد الهزيمة اللي ملت قلبي دموع
أنت بتملا القلب فرحة وسلام
كنت النهارده هابقى إيه من غير يسوع
٣- (يا ربي نورك وسط ضلمتي يبان
وبكلمتك تشبع حياتي بعد جوع)٢
حتى في ضعفي تضمني وتدّي الأمان
كنت النهارده هابقى إيه من غير يسوع

١- (جاي أشهد إنك ربي.. مخلصي فاديَّ
إنت سيد حياتي.. ليك الحق فيَّ)٢

القرار- (إنت مخلصي)٣.. وهاعيش لك طول عمري

٢- (لما يهزمني ضعفي.. آجي أتحامى في حضنك
وترفع ذنبي عني.. وأشوف صورتي في قلبك)٢

٣- (أنا ملك إيديك يا إلهي.. من فضلك قدسني
قويني على الخطية.. وبيدك احفظني)٢

٤- (لما بالمس حنانك.. العمر يطول حواليك
هافضل حياتي أنشد.. المجد كله ليك)٢

عايز أرنم وأعلي صوتي وأرفع لربي شكر قلبي
عايز أغني أجمل ألحاني وأهدي لربي حب قلبي
(عايز أقوله زيك مافيش كل كلامي مايكفيش)٢
علشان كدة

عايز أرنم وأعلي صوتي وأرفع لربي شكر قلبي
عايز أغني أجمل ألحاني وأهدي لربي حب قلبي
معاه الدنيا باشوفها أحلى طول ما أنا عارف إنه جنبي
(هافرح قلبه وأطلب رضاه أنا هنا عايش باستناه)٢
علشان كدة

عايز أرنم وأعلي صوتي وأرفع لربي شكر قلبي
عايز أغني أجمل ألحاني وأهدي لربي حب قلبي

١- (أيها القدوس يا رب الحياة.. مستحق أن تُحنى لك الجباه
وبتسبيح اسمك روح الشفاه.. أيهـا الـرب الإلــه)٢
(كل ما في الكون يحكي قدرتك.. كل طيرٍ في السماء يسبحك
أنـت ترعـــــاه وإن لــم يســــألك.. هكذا يسري غناك في دمــاه)٢

٢- (أنت بالحب الغني أوجدتني.. وبذات الحب قد أحييتني
عندما أُسلمتَ فاشتريتني.. وأنا الموثوق قد فُكت يداه)٢
(أنت نهر سيدي يسمو مداه.. طهرن ذاتي وقدني للمياه
عرِّفنّي العمق فيك واروني.. أيها القدوس يا رب الحيــاة)٢

مش باهون عليك تسيبني في الخطايا
ترثي لضعفي يا يسوع وكمان تشفع فيَّ
فاتح إيدك ليَّ وحضورك يملاني
وبحب تقول لي إنك لسه باقي عليَّ
تعالَ يا يسوع بكتني وغيرني
أنا باصدق إن علاجي عندك وحدك
ما في غيرك أنا طالبه وقلبي مستني
اعمل فيَّ وغير قلبي علشان مجدك
مش باهون عليك تسيبني في قيودي
تيجي بنورك وبحنان تكشف أسراري
مش علشان تكسرني لكن جاي تشفيني
قابلني وما في شيء عنك متداري
كلمني بكلام الحق والحرية
فك قيودي وغير قلبي وغير حالي
ما في غيرك هايقوم نفسي المحنية
ليَّ حرية ونصرة بالدم الغالي

1- (اللي بتشوفه عينينا.. مش كل الحقيقة
فيه عالم روحي في السما.. وفيه لله مشيئة)2
وبإيمـــــــان صــلاتنا.. تغـــير التاريـــخ
تعـــال يا رب بنطلبك.. ونصرخ كل دقيقة

القرار- (شق السما وانزل إلينا.. في أرضنا من حوالينا
قول كلمتك شعبنا يعرفك)٢.. وبقوتك تيجي وتشفينا

2- ( بنطلب اللي في قلبك.. في بلدنا تتم مشيئتك
وللي مت عشانهم.. اسكب في قلوبنا حبك)2
ويكون لينا أحشاءك.. نبقى إيديك الممدودة
تصنع آيات وعجائب.. والكل يعرف اسمك

١- بكل محبة في قلبك سلم على اللي جنبك
واللي قاعد وراك قوله يسوع بيحبك
دايماً شارك حاجاتك بالحب أسعد أوقاتك
خلي يسوع مثالك في الحب طول حياتك

القرار- أصحاب مهما الشيطان يحارب أصحاب مهما تقابلنا تجارب
أصحاب وكلنا حبايب أصحاب دايماً أصحاب

٢- إبليس دايماً بيحاول إنه يفرق بينا
وساعات يضحك علينا وننسى محبتنا
لكن يسوع فادينا هو اللي بيوحدنا لازم نكون إيد واحدة ونخلّي يسوع قائدنا

فكرت أروح المذود.. أزورك يا يسـوع
إنت اتحملت بدالي.. تعب وبرد وجوع
(نفسـي أقـدم هديـة.. بمجدك تليـق)٢
جمالك يملا عينيَّ.. وحنانـك حوالـيَّ
لما أفكر في هدية.. يا يسوعي مالاقيش
ببساطة قلب صغير.. ومعاك الحب بيكبـر
لما أشوفك باتغـير.. والدنيا ماتساويـش
نفسي أحط ابتسامة.. على وجهك الجميل
لما بافتح لك قلبي.. وأعيش معاك على طول
(أنا باقدم لك نفسي.. وكل حاجة فـيَّ)٢
بحبك يا يسوع.. اقبـل حبـي هديـة

القرار- [لازم أحب كل الناس (لازم)٢
لازم أقبل كل الناس (لازم)٢]٢

١- (ربي يسوع حبهم مات علشانهم كلهم
وأنا لأني في قلب يسوع أنا وياه هاحبهم)٢

٢- (ربي بيشرق شمسه ويمطر أمطار
على كل خليقته وأنا طبعًا مش هاختار)٢

٣- (أحب اللي حبوني أو ماحبونيش
من غير حب يسوع مش ممكن هاعيش)٢