جورج جميل (23 ترنيمة )

١- إختبارات المؤمنين في كل يوم
تقول ده إلهنا إله أمين في إيديه كل الحلول
لسه بيوعد ويوافي يدي حلاوه من الجافي
ويشق بحور ظروفي ويضمن لي الوصول
القرار
(إحسانك فوق الأوصاف أحكامك عدل وإنصاف
ومادام الرب نوري وخلاصي .... ليه أخاف)٢
٢- في آلام التجربة وف ليل الانصهار
معدن حياتي يصفى ويتطهر بنار
وأخرج أنقى وأكبر ومجدك في يظهر
وبعد ليل دموعي تبقى لي أنت النهار
٣- وما بين ضلمه ونور إيماني يكون شهاده
ينشر ريحة السرور بلسم شافي وضماده
وأنسى إني كنت خايف وإنسي إني كنت جريح
واللي يشوفني يلاقي في صورة المسيح

(هل لخاطي زيي ضعيف .. إنه ييجي لمحضرك؟
ماضيَّ صعب ومخيف .. والشر زاد وامتلك)2
(أنا عايز أجيلك ناديني .. افتحلي باب للرجا
أنا جُرحي نافذ وعيني .. مكسورة ومُحرجة)2
2- (أنا عارف إنه في دمك .. كسر قيودي الحديد
اقبلني عبدك وابنك .. اخلقني من جديد)2
(أنا عايز أجيلك وخايف .. أضعف تاني و ارجع
ضمني قول لي هاساندك .. وفي وقت الضعف هارفع)2
وفي وقت الضعف هارفع
3- (أنا جاي و أملي تكون لي .. أبويا وسندي الشديد
ماليش بديل تاني سواك .. أنت أملي الوحيد)2
(خليني أبلل كتافك .. بدموع توبتي وصلاتي
وأبدأ اليوم معاك .. بداية جديدة لحياتي)2

1- (الفرحة عميقة في قلبي مش مصدرها اللي في أيدي
الفرحة أصيلة في روحي ومنبعها صليب سيدي)2
القرار – (أنا فرحي في حياتي أساسي بانقله لأخواتي ولناسي)2
تعبير بالشكر لإلهي ودليل إيماني وخلاصي
2- (أنا ربي حافظني و عارفني باسمي من قبل ما أكون
محا ذنبي و بصلبه عني دفع لي كل الديون)2
3-( الرحلة في الأرض سريعة وأنا واخد فيها قرار
هاتلذذ بالرب اللي في قلبي ولو في أتون النار)2

اسم يسوع لنا سلطان .. يسوع المسيح قام .. بدمه نلنا الغفــــران .. يسوع المسيح قام
المسيح قام ... بالحقيقة قام ... ( يسوع المسيح قام ) 2
بيسوع وحده الخلاص .. يسوع المسيح قام .. دونه ليس خــــلاص .. يسوع المسيح قام
يسوع الـحـق المضئ .. يسوع المسيح قام .. يسوع هـو الطريــق .. يسوع المسيح قام
يسوع جرد الرياسات .. يسوع المسيح قام .. يسوع جرد السلاطين .. يسوع المسيح قام
يسوع قام من الموت .. يسوع المسيح قام .. ناقضـا أوجاع الموت .. يسوع المسيح قام
يسوع قام وانـتصـــر .. يسوع المسيح قام .. بالصليـب هو انتصـر .. يسوع المسيح قام
يسوع مـلك الملـــوك .. يسوع المسيح قام .. يـسـوع رب الأربـــاب .. يسو

1- ثاير على فكري وذاتي على تقاليدي وعلى عاداتي
وقدام كتابك جاي أراجع كل اللي عدى من حياتي

القرار - إنت الله الرب القادر إنت الروح الحي الناري
ساجد جاي أمام إعلانك طهر قلبي وكل أفكاري

2- نورك يحرر أذهان سجينه وقلوب ماتعرفش معنى قوة
نادي ولادك اجمعنا حولك اشفِ جروحنا بروح أبوة
3- إنت الحياة وإنت الطريق والدنيا من غيرك تهون
فيك أخذت قرار مصيري إما أكون أو لا أكون

1- (دايماً يا يسوع في بالك من غير ما نفكرك
نندهلك تيجينا ولا شيء بيأخرك)2

القرار - (عمانوئيل الله معنا حاضر وسطينا بيسمعنا
بدلت حياتنا للأفضل وبقى لنا معاك قيمة ومعنى)2

2- (تدخلنا لحجالك تدعينا لمحضرك
ننظر مجدك وجمالك يسوع يا أعظم ملك
3- (نتغير لكن انت ثابت في محبتك
مهما ظروف جات تحنينا واثقين في كلمتك)2

1- يمكن ماقدرش أنط نطة عالية لفوق زيك يمكن
عيني ما بتشوفش الألوان الحلوة اللي في لبسك
قرار-
علشان حلمي هو حلمك قلبي حلو زي قلبك
وعارف إن يسوع بيحبني تمام زي ما حبك

2- باعرف معنى الصداقة وما تمنعنيش
إعاقة عن إني أبقى صاحبك وقت ما تحتاجني أساعدك

3- عارف إني مختلف لكن أكيد للرب قصد
مفيش مكان للصدف وحياتي من مجد لمجد

1- سامحني يا سيدي و اعفو عنـي بعـدت أيـوة و تـايه لكـنّـي
مشتاق لصوتك يشفي لي ضعفي وأرجع في حضنك تاني وأغنـي

القرار – (طالـب معونة منك يا أبويا بإيدين حنونة تكفكف دموعي
يا حبيب وأقرب ليَّ من أخويا افتح إيديك واشبع لي جوعي)2

2- رفضتك وسيبتك بجهلي وغباوتي وجاني حنانـك فتّت قساوتي
ضمّتنـي ليـك توّبـت قلبي وهداني صوتك طمن لي حيرتي
3- بدونك أضيع ويزيد شرودي مكاني فيك يا معنى لوجودي
ثبّت جذوري في تربة خصبة تنمِّي براعمي تجمِّل ورودي

عم ويصا عم ويصا سواق أتوبيس الكنيسة
مرة زمان وأنا قاعد جنبه عم ويصا فتح لي قلبه قال لي:
يا ابني أنا من زمان باجري وألف في كل مكان
باجيب ولاد الرب ليه لبيت أبوهم يهتفوا ليه
دعوا الأولاد يأتون إليَّ وماحدش يمنعهم عني
لأن ليهم الملكوت لأن مكانهم جوه في حضني

ساعات يقولوا عليَّ صغير وساعات يقولوا
عليَّ كبير كلام غريب باسمعه باتحير أنا صغير ولا كبير
لكن أنا من يوم ما فهمت إنك دفعت فيَّ كتير
حسيت ساعتها إني غالي سواء صغير أو كبير
خليني ربي أكبر في حبي ومش مهم أنا سني كام صغار
كتير كانوا أطفال زيي وقلبهم مليته سلام
أكبر يعني مش بس جسمي لكن دي روحي وعقلي
كمان أكبر يعني أنسى ضعفي وقوتك إنت تبان