توني مجدي (65 ترنيمة )

١- إن قالوا سني صغيّر وطولي يا دوب شبرين
أنا هاشهد عنك ربي دلوقتي مش بعدين

القرار - مش راح أقول إني صغير وهابطل أكون جبان
والناس حواليَّ هاتتغير بالنعمة وبالإيمان

٢- هارفض أي كلام من الناس حتى إن قالوا مش نافع
هاتشجع وأنا مليان حماس وأكون لصوتك سامع

٣- هارجع لكتابك دايماً وسلاحي هو المكتوب
ده كلامك ليه سلطان بيغيَّر القلوب

القرار - (ايه هو الصح وفين نلاقيه والخير إزاي نفهم معانيه)٢
وإزاي هانعيش لون أيامنا من غير ما نفرط في إيماننا
ولا نتخلف ولا نتجمد ولا نفضل قاعدين في مكاننا
إيه هو الصح)٢)

١- دوامة في بحر مالوش آخر والناس بتدور في الإنترنت المليانة حسنات وشرور
ولا عارفين إيه اللي هايحصل ولا فين الأيام هاتوصل هاتغير سكتنا ونبعد ولا هانفهمها ونكمل
إيه هو الصح)٢)
٢- مش فاهمين ليه أيامنا كده مش زي زمان ومافيش في حياتنا دليل واضح ولا حتى أمان
وحاجات ماكنتش زمان تحصل وماحدش نبهنا الأول
بتجينا حاجات نحتار فيها ولا عارفين نرفض أو نقبل
٣- يارب يا عالم باللي أنا فيه عرفني الصح وفين ألاقيه
خليني أعيش على زماني من غير ما أفرَّط في إيماني
ولا أتراجع ولا أتخلف ولا أفضل قاعد في مكاني
وأعيش في الصح

١- (بين إيديك يا ربي بالاقي كل الحماية
ضامن عمري وأخاف من إيه طول ما أنت معايا)٢

القرار- (زيك مفيش بالحب يملك عرش القلوب
ويسود كمان فينا رغم العيوب)٢

٢- (أنت بتملك قلبي يا ربي وبتديني قيمة
حياتي معاك ليها معنى تاني وحبك بيملاني)٢
٣- (لما أقرب منك باتغير بابقى أحلى بيك
بتظهر فيّ وباكبر فيك والمجد يرجع ليك)٢

في حضوركَ تجدُ النفس سروراً وآلاماً تنتهي
وبقربكَ يسجدُ القلب خشوعاً وخضوعاً سيدي
فبحبكَ أشعرُ بالرغم من ضعفي هناك فرصتي
ولشخصكَ كل شيء في كياني
يشكرُوينحني.. في حضوركَ في حضوركَ
في حضوركَ أعينُ الكل تُناجي تبتغي من نبعك فبقربكَ
تفتح اليد فتُشبع الجميع بعطفكَ وبحُبك تكتفي النفوس
حباً بل وأيضاً تنسبي ولشخصكَ يرجع
البعيد حالاً يرتمي في حضنكَ..
في حضوركَ في حضوركَ
في حضوركَ لمسةً منك كفاية ترفع عنا العناء
وبقربكَ تعطينا كل يقين نعبر جسر الشقاء
وبحُبك تصبح الجبال سهلاً بمعونة السماء
ولشخصكَ نرفعُ الشُكر دواماً
ويحيطنا الهناء..
في حضوركَ في حضوركَ
في حضوركَ ننظرُ إليك شوقاً لتبارك الحياة
وبقربكَ نحن عطشى نأمل ونركب فيض المياه
فبحُبك يتغنى القلبَ سبحاً تترنم الشفاه
ولشخصكَ كل مجدٍ وكرامة كل سلطان وجاه..
في حضوركَ في حضوركَ
في حضوركَ يغمرُ النفس سلاماً ونزاعاً ينطوي
فبقربكَ تُخمد نيران قلبِ ظل عمراً يكتوي
وبحبكَ نشبعُ من فيض خيرٍ من غناكَ نرتوي
وبشخصكَ نمتلئ من كل فرحٍ
بحضوركَ نكتفي..
في حضوركَ في حضوركَ

١- (شايف دموعك حتى اللي مش باينة في عينيك
لامس جروحك حنانه يشفي اللي بيك)٢

القرار - (قرب منه وحس بحضنه خلي دفاه يملا ضلوعك
صدَّق إنه بيرعاك بحبه وفي وسط ليلك هو شموعك)٢

٢- (عارف مشاعرك كل طموحك كل ماضيك
سامع أنينك همس شفايفك عينيه عليك)٢

أنا مشتاق لنظرة عينيك أنا محتاج للمسة إيديك وأنت هتيجي وتفرحني .. بفرحة لقاك أنت هتيجي وتخليني .. كأني في سماك أنت هتيجي يا يسوع أنا هاستناك .. هاستناك هاستناك هاستناك

1- (سيبت مكانك ليه وفين أنت دلوقتي
بعد ما كنت أمير عايش في غنايا وحضني)2
وبعدت تجرب إيه يخليك فرحان
ده لأنك حارم نفسك مني من زمان
اسمك عايش في الخير لكنك مش شبعان
القرار – (ارجع يا بطل ده مكانك هنا في العالي
غالب ومقامك غالي وفي أيديك سيف الروح
ما فضلش كتير عايز أعمل فيك تغيير وأغيّر بيك
وتصير بركة منين ما تروح)2
2- (بدلت بمجدي بإيه وإيه اللي إنت كسبته
لحياتك قصد عظيم لو تحيا جوه مشيئتي)2
دي إرادتي إن أنت تعيش نور يمحي ظلام
لكنك بإرادتك أنت أخترت ظلام
اسمك ويا الأبطال لكن عايش في هوان
3- (هتشوف المجد أكيد لو شلت صليبك تاني
ده طريق واحد ووحيد أنكر نفسك واتبعني)2
عايزك ملح ونور ليل ويا نهار
وتعيش العمر كسهم في أيد جبار
من مجد لمجد تعيش والبركة تفيض أنهار

١- (باحب أعيش حياتي دايماً عنك بعيد وبانسى أصلاً إني ابن ليك
وأروح أعمل حاجات مابترضيش)٢... باحب أعيش

القرار - (عيشني بيك عيشني فيك علمني إنك أنت الطريق)٢
أرجع اعيش ليك وأبقى ابن ليك وأنسى كل الماضي وأبدأ من جديد)٢)

٢- (باحب أعيش حياتي دايماً عنك بعيد وبانسى أصلاً إني بنت ليك
وأروح أعمل حاجات مابترضيش)٢

القرار - (أنا قلبي يسجد ليك ولساني يرنم بيك
حبك خلى حياتي تبقى ليك ترنيمة شكر)2
1- تسبيح من الطيور بيعلا لك
والكون يشهد لعظمتك وجلالك
لازم تسبيحنا يعلى عنهم ويبقى أحلى
أنت مش بس خالقتنا أنت فادينا
2- وفي كل مرة بحكي لك برتاح
بفرح لما معاك بفتح قلبي
لكن فرحي بيكبر لما برنّم وبشكر
عشان أنت بقيت أغلى من حياتي
3- (فوق تسبيح الطيور أعلى من أي سور
إطلق تسبيحي ليك في حياتي
مهما كانت ظروفي زادت أسباب لخوفي
أنا فرحي فيك ثابت طول أيامي)2

1- أنا واثق إني في حضنك يا إلهي وبإيماني شايف يا ربي إيديك بتحاوطني وتلاحظني وبتصوني تحملني واسمي منقوش على كفيك أنا عارف إنك جنبي يا إلهي وهضابي تمهِّد وقدامي تسير صلاتي بتسمع ودموعي تحفظها وقدامك أنين الأسير .. ( كثيرة أمانتك)3
2- لما قدامنا تتقفل كل أبوابنا تجي إنت بنفسك في وسطينا تقول : ده سلامي سبته ليكم وبادّيكم مش زي العالم ده يفوق العقول وإن مرة بأمرك هاجت ريح مخيفة تجارب تجي وع الأكتاف أحمال كأب تترأف كأم تعزينا وما بتجرب فوق الاحتمال .. ( كثيرة أمانتك)3
3- إن في يوم خنتك هاتفضل للنهاية أمين ما بتنكرش نفسك ولا يوم كل دقيقة في عمري بتشهد إنك إنت الله اللي بيرعاني لحد اليوم وكل كلمة صالحة اديتها لينا مش ممكن تسقط كلمة واحدة منها للدهر ثابتة أساسها في شخصك دي مواعيد عظيمة وهبتها .. (كثيرة أمانتك)3
4- رحمتك بتقدمني وبتحاوطني وبتتبعني وبالرأفة تكللني ولا بتمنع عني خيرك ولا جودك لا يمكن يوم هاتتخلى عني تفتح كوى السما وتفيض عليَّ إحسانك ليَّ أبداً مش هايزول قدام ألطافك حقيقي صغيّر للملا هاشهد عنك وأقول .. (كثيرة أمانتك)3