توني مجدي (65 ترنيمة )

القرار – (يا غني في النعمة ... يا غني في الرحمة
حبك نجانا ... حبك فرحنا)2
1-)أب على ولادك ... حنّان ورؤوف
تدينا سلامك ... وتشيل الخوف)2
تمحي الذنوب... عشان المحبوب
اللي مات عنّا ... وذُبح كخروف
2-)أنت بتدينا ... بحسب غناك
وإحنا يا هنانا ... بحياتنا معاك)2
ياللي ما بخلت ... ولا اتأخرت
ترسل لنا ابنك ... من أعلى سماك
3-لا حفظنا أمانة ... ولا صُنا عهود
مع إننا ياما ... أدينا وعود
جايين نصالحك ... طالبين مراحمك
املانا بروحك ... فيض فينا وسود

١- أنا عندي ربي في قلبي جوه أهتف وأقوله بحبك يا يسوع
القرار - اهتفوا هاي هاي رنموا هاي هاي مجدوا وعظموا يسوع
٢- يسوع هو الطريق والحق والحياة يسوع هو الطريق للنجاة

١- (ياللي بتقبل توبة الناس لما يجولك بالإخلاص
وأنا جاي وقلبي صارخ ارحمني واديني خلاص)٢
(مش هاهرب منك تاني صوتك بالحب ناداني
اداني أمل ورجاء أرجع أحيا من تاني)٢


٢- (ياما برفضي أنا جرحتك أنكرت بقسوة اسمك
لكن حضنك المفتوح خلاني أجري لقلبك)٢
(تايب من شري احميني عمر جديد هاتديني
اللي يؤمن بيك مقبول ده وعدك وده يقيني)٢

١- حياتنا عايشينها للي فدانا
نستنى يجي بنوره يملانا
والأيام كلها هو معانا
والمسيح يجي لبيتنا يودينا

القرار- يا كنيسة افرحي جاي المسيح
واسهري نوّري بالمصابيح
والبسي بالفرح توب التسبيح
والمسيح ع السحاب جاي لينا

٢- أرضنا في أواخر الايام
والعلامات بتخبّر قبل الكلام
والمكتوب نوره يكشف الظلام
والمسيح قال وما خبى علينا

٣- والدموع هو بايده هايمسحها
والأجساد نورانية هانلبسها
والأكاليل قدام عرشه نطرحها
والمسيح مجده هايملا عينينا

٤- بنعيش له وقلوبنا في السما
كل يوم لمجيئه يقرّبنا
والغربة للسما بتشوقنا
والمسيح هو كل ما لينا

١-(كنت كفاية الآب في صليبك لذة قلبه وشبعه هناك
حتماً كافي ليَّ وشبعي وأنت حبيبي في أعلى سماك)٢
القرار - مش بارتاح غير لما أجي لك وأسكب نفسي وأسيب شكواي
وإحتياجاتي أسيبها في أيدك (قادر تصنع ما أنت رجاي)٢
٢-(ربي أنا عايش على مواعيدك مش مسنود على أي عيان
ثقتي هاتصنع وهاتتمجد وأنا منتظرك بالإيمان)٢
٣-(كافي لكل قطيعك يا اللي كنت المن لكل الشعب
وأهتميت حتى بأقدامهم مين زيك يا حبيب القلب)٢

القرار- يا حنّان ياللي بتشرق شمسك علينا في كل مكان
يا حنّان ياللي بأمطارك بتروي أرض العطشان
يا حنّان ياللي بترحم وبتداوي بإيد الإحسان
ياللي تبدل نوح القلب بتوب الفرحان يا حنّان

١- (إنت بتشفي المرض المزمن وتشجع إيمان المؤمن
والجاي في إيدك متأمن مالينا إيمان)٢ يا حنّان

٢- (أبواب مقفولة بتفتحها ولا حد هايقدر يقفلها
وبكلمة منك تعدلها صاحب السلطان)٢ يا حنّان

٣- (بنطلب لمسة السيد بآيات وعجايب تتأيد
ويسوع يتمجد ونعيد بنور إعلان)٢ يا حنّان

أبي... أناديك أبي
فأنا ابنٌ لك... الآن والى الأبدِ... أنت أبي

أبي... أبي... أحبك
أبي... القدوس... أنت أبٌ لي

القرار- (لو سانتا كلوز جه سألك إنت عايز إيه
في الكريسماس عشان يجيلك
إيه رأيك تلبس إنت سانتا ويا سانتا الكبير
وتوزع فرحة كبيرة)٢

١- (يمكن متعود كل سنة إنك تطلب كتير
إيه رأيك تبقى السنة دي إنت سبب تغيير
قدّم من اللي ربك أهداك واعرف إنك
وإنت بتدي إنت بتدي المسيح)٢

2- (وبابتسامة روح اسأل عاللي شايفه حزين
شجعه إنه ابن غالي لإلهنا العظيم
صدّق وإنت بتزرع الخير إنك هاتشبع
دي تبقى حياتك مش كريسماس ويطير)٢

١- (حبيبي جاي وهايوفي بوعده
على السحاب وياخدني لمجده
وفي سماه أتهنى بقربه
وأغني ليك يا يسوع)٢

القرار- (هافضل أغني وأغني وأغني
إنت الحمل المذبوح عني
أفراح سلام لا شيء يحزني
حوالين عرشك يا يسوع)٢

٢- (كفاية أبعد عنك تاني
وأجرح قلبك اللي رعاني
مشتاق إليك أنا مستنيك
وطني الحقيقي وطني اللي فداني)٢

٣- (نوّر عينيَّ ارسم لي طريقي
مافيش حدود بينك وبيني
هاعيش ليك خدام ليك
إنت الهدف والسما نصيبي)٢

(في البعد عنك أوهام والعمر تايه يتخبط وسط الظلام)٢
واللي ضايع من حياة الناس هو السلام

(في القرب منك حياة)٢
(تطرد الموت اللي عشش في العظام
ترجع الفرحة ويرجع السلام)٢
ونلاقي معنى الحياة