ماهر فايز (340 ترنيمة )

1- (قولوا للصدِّيق خير.. ربك في ايديه السلطان
مهما إن كان الأمر خطير.. تحت جناح الرب أمان)2

القرار- باعت حالاً تلغراف.. بيقولك ليه يا ابني تخاف!
ده انت رعية في وسط خراف.. هي قطيعي اللي أنا باحميه

2- (قولوا للصدِّيق رنم.. وارفع راسك كده فرحان
تحت صليبك لو متألم.. فجر قيامتك بكرة يبان)2
3- (قولوا للصدِّيق عود.. واتذكر ماضي الإحسان
هل من مرة اتمنع الجود؟.. أو بيِّت في يوم جوعان؟)2
4- (قولوا للصدِّيق خير.. وانت في مرضك أو تعبان
ظرفك لو كان صعب مرير.. شوف الخير جواه بإيمان)2

مرة تانية وتالتة جاي ومش هامل
وإنت مل الشوك في قلبك من سماعي
دابت القسوة اللي جوه في قلبي
باللمسة اللي شدتني بحنانك من ضياعي
بانطلق بشوق جديد وأطوي خطاوي الانحدار
واتجه بصعود وليد اللحظة في حسم القرار
متثبتة عيون كياني على حبك إنت ورحمتك
خلاص أنا بطّلت آمن بقوتي بدون نعمتك
ودرس النعمة غالي وهناك باتعلمه
في وقت استنادي عليك عند الصليب
ونور النعمة عالي هناك باتقبله
في وقت أما أنادي وأصرخ لك يا حبيب

1- فتح الإنجيل عيني وكلمني ع العطية
وإزاي وجدت لي نعمة في عين الإله
وأنا ميّت بالخطية فتح السما عليَّ
وفي لمحة أبدية دبّت في الحياة

القرار- جمرة سماوية ماسة شفتيَّ
نازعة معاصيَّ ساترة الخطية
من صليب فاديَّ من غنى الإله

2- يالنعمة القوية شديتني بإيد عفية
من بين أنياب الحيّة وداوتني بالحياة
والدم غطى فيَّ وغسلني من اللي فيَّ
وبيه كمان صار ليَّ دخول قدام الله
3- يالنعمة الغنية رفعت راسي المحنية
حلت ربط الخطية وربطتني بالسما
الحلة ملوكية والخاتم في إيديَّ
والمايدة سماوية والفرح ابتديناه
4- بالنعمة هي هي وبروحه الساكن فيَّ
وبيده المعزية الغربة تهون معاه
هايكملني يسوعي ويثبتي شفيعي ويقويني في طلوعي من البرية لسماه

(وجدني في أرضٍ قفرٍ وفي خلاءٍ مستوحشٍ خربٍ) 2
(أحاط بي)2 (ولاحظني)2 (صانني)3 كحدقةٍ بعينه
كما يحرِّق النسر عشه وعلى فراخه يرفّ
بسط جناحيه أخذني وحملني على منكبيه
(واقتادني)3 وحده بروحه (وسار بي)3 أراحني بوجهه
أركبني على قمم الأرض فأكلت ثمار الصحراء
أرضعني عسلاً من حجر وزيتاً من صوان الصخر
إني لاسم الرب أنادي أعطوا عظمة لإلهي
هو الصخر الكامل صنيعه إن جميع سبله عدل
إله أمانة لا جور فيه بار وعادل
هو يسوع أمساً واليوم وإلى الأبد هو هو

القرار- آلو آلو آلو آلو مين مين مين ويايا على التليفون
أنا انا أبو ست سنين بس كلامي ده ليه مضمون

1- صدق اللي يقول صدقني وما تصدقش اللي بيحلف اللي بيحلف ده بيداري عل خطاياه ويدور ويلف
2- افرح وإنت بتدي الرب في إيد الفقرا وما تكشرش بص في باقي فلوسك وإنت هاتلقى جيوبك ما بتنقصش
3- سلم على اللي يسلم واللي يمر عليك ولا بيسلمش حب اللي يحبك وعدوك واللي لحبك ما بيقبلش
4- علم غيرك اللي عرفته وعشته وغير كده ما تعلمش تصبح زي الرب يسوع اللي في كلماته ما بيكترش

القرار- بركات بركات على راس الصدِّيق بركات
ترنيمات ترنيمات في خيام الصدِّيق ترنيمات

1- (من الله أبونا.. في المسيح فادينا)2
بالروح معزينا.. رب واحد عطاه
2- (السياج حواليه.. والسراج بين ايديه)2
واحتياجه ناسيه.. ده في إلهه غناه
3- (له ضمان المصير.. والأمان في المسير)2
راضي عنه القدير.. من صليب النجاة
4- (من الكنيسة الأم فوق.. السحابة حوله طوق)2
جوه قلبه يدب شوق.. يمشي نفس الاتجاه

1- من يوم ما النفس هديت لما راحت واستراحت
في المسيح جذبها جريت
من يوم النفس فرحت لما داقت يوم ما آمنت
بالمسيح وهي غنت

القرار- وكل يوم على موعد قدام الله
وكلمة حية من السيد بتقود لصلاة
وتسبيح تسبيح تسبيح وسجود لله

2- من يوم ما النفس عرفت إن قيمة النفس غليت
في المسيح بالدم غلبت
من يوم ما النفس شبعت واستقرت لما عاشت
للمسيح وهي خدمت

القرار – يا أبو قلب طيب يا غني بالرحمة جيت كللتني
(ومسحت دموعي وما اكتفيت .. بكيت معي)٢

1- (منحتني حياة ورحمة حفظِت عنايتك روحي ليك
لمستني بكل نعمة شددت فيَّ الباقي ليك)٢
٢- (حملتني وحمّلت عمري بالخير وياما احتملتني
شِهد ماضيَّ إنك راعيَّ وعبرت بيَّ على منكبيك)٢
٣- (نصرتني وقت انكساري وقت انهياري انتشلتني
مديون لك انت ليلي ونهاري هافضل أغني بالحب ليك)٢
٤- (في كل ضيقي اتضايقت ليَّ أنِّيت معايا وشاركتني
اتعلقت بيَّ وأنا في القسية شديت إيديَّ خبيتني فيك)٢

القرار- (هللوا)3 هللويا (هللوا)3 هللويا
1- أنت نور العالم أنت الراعي الصالح
أنت هو الكرمة أنت خبز الحياة أنت هو الباب
أنت هو الطريق أنت هو الحق أنت هو الحياة
2- عرشك لهيب نار عرشك عرش النعمة
عرشك عرش العظمة عرشك في السماء عرشك في الأعالي
عرشك منذ القدم عرشك إلى الأبد عرشك ربي يسوع
3- أنت إله خلاصي أنت إله رحمتي
أنت إله بري أنت إله عزائي أنت إله حياتي
أنت إله رجائي أنت إله المجد أنت ربي يسوع
4- ربي أنت فرحي فرحك هو قوتي
قوتك هي عزي عزك تاج الحياة ربي أنت صخرتي
صخرك هو ستري سترك هو بري برك هبة الحياة

القرار- ليك اليد العليا (والكلمة الأخيرة لك)
ولا مخلوق في الدنيا (ولا في الكون مش خاضع لك)2

1-مين ده اللي بيؤمر دون علمك مين؟ ويطبَّق شرع ماهوش أمرك مين؟
ده العالي فوقه الأعلى والسايد فوقهم عرشك

2-مين ده اللي يقاوم رايتك مين؟ أو حتى فرد في شعبك مين؟
ويفسِّر إمهالك ليه إنه فلت من دينونتك!